Levitico 5:1 - Marahay na Bareta Biblia

¹ An mga minasunod na kaso nangangaipo nin mga dolot para sa kasalan. Kun igwa nin tawong inapod tanganing magsaksi sa hukoman manongod sa saiyang nadangog o nahiling, alagad habo niyang isabi, pagdudusahan niya iyan.

Levitico 5:1 Iomraidhean Croise

1 Mga Hade 22:16

Alagad sinabihan siya kan hade, “Pirang beses takang pasusumpaon na mayo ka nin itataram sako kundi an katotoohan sa ngaran nin Kagurangnan?”

1 Mga Hade 8:31

“Kun magkasala sa saiyang kapwa an sarong tawo asin pasumpaon siya sa atubangan kan saimong altar digdi sa Templo,

2 Mga Cronica 18:15

Alagad sinabihan siya kan hade, “Pirang beses taka pasusumpaon na mayo ka nin itataram sako kundi an katotoohan sa ngaran nin Kagurangnan?”

Salmo 38:4

Huli ta nalalamos ako kan sakong mga kasalan; sarong kargang magabat para sako.

Exodo 22:11

an nag-ataman maatubang sa Kagurangnan asin masumpa na dai niya hinabon an hayop. Kun dai hinabon an hayop, matubod an kagsadiri sa sumpa kan nag-ataman asin dai niya ini papabayadon.

Mga Talinhaga 29:24

An kaiba kan mahabon naoongis sa sadiri niyang buhay huli ta papadusahan siya kan hukom kun magsabi siya kan katotoohan, asin mamaldisyonon siya nin Dios kun dai niya gibohon iyan.

Mga Talinhaga 30:9

Kun ako magyaman tibaad makapagsabi ako na dai taka kaipuhan. Alagad kun ako magin dukha, tibaad manghabon ako asin matawan ko nin kasosopgan an sakong Dios.

Isaias 53:11

Pakatapos kan gabos niyang kasakitan, magkakaigwa giraray siya nin kaogmahan; maaaraman niyang dai nasayang an saiyang pagtios. An maimbod kong sorogoon, na sakong nawiwilihan, iyo an mapasan kan padusa kan kadaklan asin huli sa saiya sinda sakong papatawadon.

Jeremias 23:10

An daga pano nin tawo na bakong maimbod sa Kagurangnan; namumuhay sinda sa karatan asin bakong marahay an paggamit ninda kan saindang kapangyarihan. Huli kan maldisyon nin Kagurangnan nagmomondo an daga asin alang na an mga pasabsaban.

Ezekiel 18:20

An nagkakasala iyo an magagadan. An aki dai magtitios huli sa mga kasalan kan saiyang ama, asin an ama dai magtitios huli sa kasalan kan saiyang aki. An marahay na tawo babalosan sosog sa marahay na naginibo niya, asin an maraot na tawo magtitios huli sa maraot na naginibo niya.

Ezekiel 18:4

Kapot ko an buhay nin lambang tawo, an buhay kan magurang asin kan aki. An tawong nagkakasala iyo an magagadan.

Levitico 17:16

Kun dai niya iyan gibohon, magkakasala siya.

Levitico 19:8

An siisay man na magkakan kaiyan, magkakasala huli ta ginibo niyang ordinaryo an sarong bagay na banal, asin dai ko na siya ibibilang na kaayon sa sakuyang banwaan.

Levitico 20:17

Kun agomon nin sarong lalaki an saiyang tugang na babae o maski an tugang niya sa ama o ina, guminibo sinda nin makasosopog na bagay asin maninigo na sopogon sa mata kan publiko dangan pahaleon sa komunidad. Dinorogan niya an saiyang tugang na babae asin dapat na padusahan.

Levitico 4:2

na sabihan an banwaan nin Israel na kun an saro sainda magkasala asin maglapas kan arin man sa ipinagboboot nin Kagurangnan na dai man tinutuyo, kaipuhan otobon niya ining mga pagboot.

Levitico 5:15

Kun an sarong tawo dai tuyong magkasala huli sa dai niya pakatao kan mga bayad na banal para sa Kagurangnan, madara siya nin sarong lalaking karnero o kanding na mayo nin kaninan bilang dolot na kabayadan. Aramon nindo an kantidad kaiyan sosog sa kinaugalean na timbang kan santwaryo.

Levitico 5:17

Kun an sarong tawo dai tuyong magkasala huli sa paglapas kan arin man sa mga pagboot nin Kagurangnan, babayadan niya an kasalan na iyan.

Levitico 7:18

Kun kakanon pa an natadang karne sa ikatolong aldaw, dai na aakoon nin Dios an kagdolot. Dai iyan ipapanongod sa kagdolot; magigin maati iyan. Papadusahan an siisay man na kumakan kaiyan.

Mga Bilang 9:13

Alagad kun an tawong malinig asin dai nasa pagbaklay, magpabaya kan pagselebrar kan Paskwa, dai na siya ibibilang na kaayon sa sakuyang banwaan, huli ta dai niya idinolot sa talaan na panahon an dolot sa sako. Magdudusa an tawong iyan huli kan saiyang kasalan.

Mateo 26:63

Alagad dai naggirong si Jesus. Sinabihan siya kan Halangkaw na Padi, “Sa ngaran kan buhay na Dios, magsumpa ka: sabihan samo ngunyan kun ika mananggad an Cristo, an Aki nin Dios.”

1 Pedro 2:24

Dinara ni Cristo an satong mga kasalan sa saiyang hawak duman sa krus tanganing magadan kita sa satong kasalan asin mabuhay sa katanosan. Naomayan kamo huli kan saiyang mga lugad.

Hukom 17:2

Sinabihan niya an saiyang ina, “Kan habonon saimo an mil syen na pedasong plata, nadangog takang minaldisyon mo an naghabon. Uya an kwarta; ako an kuminua kaya ipinupuli ko na saimo.” Dangan itinao niya an kwarta sa saiyang ina. Nagsabi an saiyang ina, “Bendisyonan ka logod nin Kagurangnan, aki ko! Alagad tanganing dai mapasaimo an maldisyon, idinodolot ko sa Kagurangnan ining plata. Gagamiton ini sa paggibo nin sarong dios-dios na gibo sa kahoy asin napapatos nin plata. Kaya itatao ko giraray saimo an kwarta.”