Levitico 4:7 - Marahay na Bareta Biblia

⁷ Dangan lalahidan niya nin dugo an mga sungay kan altar nin insenso na yaon sa Tabernakulo. Pakatapos, iuula niya an natatadang dugo sa pamitisan kan altar na tinututongan kan mga atang na yaon sa may pintoan kan Tabernakulo.

Levitico 4:7 Iomraidhean Croise

Salmo 118:27

An Kagurangnan iyo an Dios; siya an nagtao sato nin liwanag. Kapot an mga sanga, poonan na nindo an pyesta asin maglibot kamo sa altar.

Exodo 29:12

Kumua ka nin dikit na dugo kan torilyong baka asin sa paagi kan saimong muro, lahidan mo an sungay kan altar; an natadang dugo iula mo gabos sa pamitisan kan altar.

Levitico 1:5

Dangan bubunoon niya an hayop sa atubang nin Kagurangnan, asin an dugo kaiyan idodolot sa Kagurangnan kan mga pading aki ni Aaron. Iuula ninda an dugo sa apat na gilid kan altar na yaon sa may pintoan kan Tabernakulo.

Levitico 16:18

maduman siya sa altar na pinagtututongan kan mga dolot asin lilinigan man niya iyan. Makua siya nin dikit na dugo kan toro asin dikit na dugo kan kanding, dangan lalahidan niya an mga sungay na yaon sa mga kanto kan altar.

Levitico 4:18

Dangan lalahidan niya nin dugo an mga sungay kan altar nin insenso na yaon sa laog kan Tabernakulo asin iuula niya an matatada kan dugo duman sa pamitisan kan altar na tinututongan kan mga atang na yaon sa pintoan kan Tabernakulo.

Levitico 4:25

Idodotdot kan padi an saiyang muro sa dugo kan kanding asin lalahidan niya an mga sungay kan altar, dangan iuula niya an matatadang dugo sa pamitisan kan altar.

Levitico 4:30

Idodotdot kan padi an saiyang muro sa dugo kan hayop dangan lalahidan niya an mga sungay kan altar. Pakatapos, iuula niya an matatadang dugo sa pamitisan kan altar.

Levitico 4:34

Idodotdot kan padi an saiyang muro sa dugo kan hayop asin lalahidan niya an mga sungay kan altar, dangan iuula niya an matatadang dugo sa pamitisan kan altar.

Levitico 5:9

asin iwiwirik niya an kadikit na dugo kaiyan sa gilid kan altar. An matadang dugo papatagdoon niya gabos sa pamitisan kan altar; iyan sarong dolot na makakahale nin kasalan.

Levitico 6:30

Alagad kun an dugo kaiyan dinara sa laog kan Tabernakulo asin ginamit sa seremonya kan paghale nin kasalan, kaipuhan dai iyan pagkakanon kundi tutongon.

Levitico 8:15

Binuno ni Moises an baka, kinua an dugo asin sa paagi kan saiyang muro, linahidan an mga sungay kan altar tanganing konsagrahon ini. Dangan inula niya an natadang dugo sa pamitisan kan altar tanganing konsagrahon asin linigan ini.

Levitico 9:9

Dinara saiya kan saiyang mga aki an dugo asin idinotdot niya digdi an saiyang muro dangan linahidan niya an mga sungay kan altar; an natadang dugo inula niya sa pamitisan kan altar.

Efeso 2:13

Alagad ngunyan, huli ki Jesu-Cristo, kamo na harayo kaidto, irinani huli sa dugo ni Cristo.

Hebreyo 9:15

Kaya si Cristo iyo an tagapagultanan nin bagong tipan, tanganing an mga inapod nin Dios mag-ako nin mayong kataposan na pamana na ipinanuga nin Dios. Nangyayari ini huli kan pagkagadan ni Cristo na nagtubos sa mga tawo kan mga kasalan na naginibo ninda sa irarom kan enot na tipan.

Hebreyo 9:21

Siring man, winirikan ni Moises kan dugo an tolda sagkod an gabos na kagamitan sa pagsamba.

Kapahayagan 6:9

Tinangkas kan Kordero an ikalimang selyo. Nahiling ko sa sirong kan altar an mga kalag kaidtong ginaradan huli sa pagpahayag kan tataramon nin Dios, asin huli sa pagdanay nindang maimbod sa saindang pagsaksi.