Levitico 4:3 - Marahay na Bareta Biblia

³ Kun an magkasala iyo an Halangkaw na Padi, asin huli kaiyan nadamay sa pagkakasala an mga tawo, madara siya nin torilyong baka na mayo nin kaninan asin iaatang niya iyan sa Kagurangnan para sa saiyang kasalan.

Levitico 4:3 Iomraidhean Croise

2 Mga Cronica 29:21

Nagdara sinda nin pitong torong baka, pitong karnero, pitong kordero saka pitong lalaking kanding bilang dolot para sa kasalan kan pamilya kan hade saka kan banwaan nin Juda, asin tanganing malinigan an Templo. Pinagbotan niya an mga padi, an mga kapagarakian ni Aaron, na idolot an mga hayop sa altar nin Kagurangnan.

Esdras 8:35

Kan panahon na idto, an gabos na nagbalik hale sa pagkatapokan nagdara nin mga tinutong na atang para sa Kagurangnan, an Dios nin Israel. Nagdolot sinda nin doseng torong baka para sa bilog na Israel, nubenta y seis na karnero asin setenta y syeteng kordero; nagdolot man sinda nin doseng kanding bilang dolot para sa kasalan. Ini gabos tinutong bilang mga sakripisyo para sa Kagurangnan.

Exodo 29:14

Alagad an karne kan torilyo, an anit asin an odo kaiyan tutongon mo sa luwas kan kampo. Ini an atang na mahale kan mga kasalan kan mga padi.

Exodo 29:21

Kumua ka nin dikit na dugo na nasa altar saka dikit na lana, dangan wirikan mo si Aaron asin an saiyang mga gubing, an mga aki niya saka an saindang mga gubing. Dangan si Aaron asin an saiyang mga aki patin an saindang mga gubing makokonsagra na sako.

Exodo 29:7

Dangan kuahon mo an lana, iula mo sa saiyang payo asin lahidan mo siya.

Exodo 30:10

Sarong beses sa taon gigibohon ni Aaron an seremonya nin paglinig kan altar; an mga sungay kaini lalahidan niya kan dugo kan inatang sa pagbayad nin kasalan. Gibohon nindo ini sa gabos na panahon. An altar na ini kaipuhan na magin banal, konsagrado sa sako. Ako an Kagurangnan.”

Ezekiel 40:39

Sa dakulang kwartong ini igwa nin apat na lamesa, duwa sa mag-ibong na gilid. Sa mga lamesang ini binubuno an mga hayop na idodolot bilang mga sakripisyo, na bilog na tututongon o na idodolot para sa kasalan o bilang kabayadan.

Ezekiel 43:19

An mga padi na kaayon sa tribu ni Levi asin gikan sa pamilya ni Zadok iyo sana an madolok sako tanganing maglingkod. Ako, an Kagurangnan Dios, an nagboboot kaini. Tatawan mo sinda nin sarong torilyong baka na isasakripisyo bilang dolot para sa kasalan.

Ezekiel 44:27

dangan magduman siya sa patyong nasa laog kan Templo asin magdolot nin atang para sa saiyang kasalan. Ako, an Kagurangnan Dios, an nagtaram.

Levitico 1:10

Kun an idodolot kan lalaki saro kan saiyang mga karnero o kanding, kaipuhan na lalaki asin mayong kaninan.

Levitico 1:3

Kun sarong baka an idodolot niya bilang tinutong na atang, kaipuhan lalaki iyan asin mayo nin kaninan. Idodolot niya iyan duman sa may pintoan kan Tabernakulo tanganing akoon siya nin Kagurangnan.

Levitico 16:11

Bubunoon ni Aaron an torong baka bilang dolot para sa saiyang kasalan asin para sa saiyang pamilya.

Levitico 16:3

Pwede siyang lumaog sa Kabanal-banaleng Lugar pakatapos niyang magdara nin sarong torilyong baka para sa dolot para sa kasalan, asin nin sarong lalaking karnero para sa tinutong na atang.

Levitico 16:5

An komunidad nin Israel iyo an matao ki Aaron nin duwang lalaking kanding para sa dolot para sa kasalan, asin sarong lalaking karnero para sa tinutong na atang.

Levitico 16:6

Madolot si Aaron nin sarong torong baka bilang dolot para sa saiyang kasalan asin para sa saiyang pamilya.

Levitico 4:14

sa oras na maaraman iyan, an komunidad madara nin torilyong baka sa Tabernakulo bilang sarong dolot para sa saindang kasalan.

Levitico 4:23

sa oras na maaraman niya an kasalan niya, madara siya nin lalaking kanding na mayo nin kaninan bilang saiyang dolot.

Levitico 4:28

sa oras na maaraman niya an saiyang kasalan, madara siya nin sarong babaeng kanding na mayo nin kaninan.

Levitico 4:5

Pakatapos, an Halangkaw na Padi makua nin dugo kan hayop asin dadarahon niya iyan sa laog kan Tabernakulo.

Levitico 5:6

asin bilang padusa kan saiyang kasalan kaipuhan magdara siya sa Kagurangnan nin sarong babaeng karnero o kanding bilang dolot. An padi an madolot kan atang para sa kasalan kan tawong iyan.

Levitico 6:18

Sa maabot pang mga panahon, an gabos na aking lalaki ni Aaron pwedeng kumakan kaiyan bilang kahirasan ninda sa pagkakan na idinolot sa Kagurangnan. Magigin banal an siisay man na dumotdot kaiyan.

Levitico 8:12

Pakatapos, inulaan niya kan lana an payo ni Aaron sa pag-orden saiya.

Levitico 9:2

Sinabihan niya si Aaron, “Kumua ka nin sarong torilyong baka asin sarong lalaking karnero na anas mayo nin kaninan. An torilyong baka idolot mo para sa kasalan, asin an karnero para sa tinutong na atang.

Levitico 9:3

Sabihan mo an mga Israelita na magdara nin sarong lalaking kanding bilang dolot para sa kasalan, sarong baka saka sarong karnero na pareho sarong taon an edad asin parehong mayo nin kaninan para sa tinutong na atang.

Mga Bilang 16:22

Alagad nagdapa sa daga si Moises saka si Aaron, dangan nagsabi, “O Dios na kagtao nin buhay sa gabos, kun nagkakasala an saro katawo, maaanggot ka daw sa bilog na komunidad?”

Mga Bilang 8:8

Pakatapos, padarahon mo sinda nin torilyong baka, kaiba an dolot na pagkakan na arinang sinalakan nin lana; makua ka man nin sarong torong baka bilang dolot para sa kasalan.

Roma 8:3

Ginibo nin Dios an dai magibo kan Katogonan ni Moises huli ta maluya an laman. Sinilotan nin Dios an kasalan na nasa tawo kan ipadara niya an sadiri niyang Aki, na nagin siring sa tawo, bilang atang para sa kasalan.

2 Corinto 5:21

Mayo lamang nin kasalan si Cristo, alagad huli sato idinamay siya nin Dios sa satong mga pagkakasala tanganing sa pakisumaro saiya, magkaigwa kita kan katanosan nin Dios.

Hebreyo 5:3

Huli ta siya maluya man, dapat siyang magdolot nin mga sakripisyo, bako sanang para sa mga kasalan kan mga tawo kundi para man sa sadiri niyang mga kasalan.

Hebreyo 9:12

Kan si Cristo maglaog nin saro sanang beses duman sa Kabanal-banaleng Lugar sa tolda, bakong dugo nin kanding o baka an idinolot niyang atang, kundi an sadiri niyang dugo nganing makamtan an kaligtasan na daing kataposan para sato.