Levitico 4:12 - Marahay na Bareta Biblia

¹² dadarahon niya iyan gabos sa luwas kan kampo, sa sarong malinig na lugar na pinag-uulaan kan abo, asin duman niya iyan tututongon sa ibabaw kan nagkakalayong kahoy.

Levitico 4:12 Iomraidhean Croise

Exodo 29:14

Alagad an karne kan torilyo, an anit asin an odo kaiyan tutongon mo sa luwas kan kampo. Ini an atang na mahale kan mga kasalan kan mga padi.

Ezekiel 43:21

An torilyong baka na dolot para sa kasalan kuahon mo dangan tutongon sa talaan na lugar kan Templo, sa luwas kan banal na lugar.

Levitico 13:46

Sagkod na igwa siya kan helang na iyan, siya maati asin kaipuhan na mag-erok siya sa luwas kan kampo.

Levitico 16:27

An toro asin an kanding na ginamit para sa dolot sa kasalan na kinuahan kan dugo na dinara sa Kabanal-banaleng Lugar, dadarahon sa luwas kan kampo dangan tututongon. Tututongon an anit, an laman, saka an bituka.

Levitico 4:21

Dangan dadarahon niya an hayop sa luwas kan kampo asin tututongon niya duman, siring kan ginibo niya sa hayop na idinolot para sa kasalan. Iyo iyan an dolot na mahale kan kasalan kan mga tawo.

Levitico 6:23

Tututongon gabos an lambang dolot na pagkakan nin sarong padi; dai iyan pwedeng kakanon.

Levitico 6:30

Alagad kun an dugo kaiyan dinara sa laog kan Tabernakulo asin ginamit sa seremonya kan paghale nin kasalan, kaipuhan dai iyan pagkakanon kundi tutongon.

Levitico 6:4

Kun an sarong tawo magkasala kan arin man sa nasabing mga paagi, mabayad siya para sa kinua niya sa maraot na paagi. Sa aldaw na maaraman an saiyang kasalan, an kagsadiri babayadan niya kan bilog na kantidad na saiyang kinua asin madagdag pa siya nin beynte porsyento.

Levitico 8:17

Alagad an hawak kan baka, an anit saka an odo, ilinuwas niya sa kampo asin tinutong duman sosog sa ipinagboot nin Kagurangnan.

Levitico 9:11

alagad an karne sagkod an anit kan hayop tinutong niya sa luwas kan kampo.

Mga Bilang 15:35

Dangan tinaraman nin Kagurangnan si Moises, “Kaipuhan gadanon an lalaki; gagapoon siya sagkod na magadan kan bilog na komunidad sa luwas kan kampo.”

Mga Bilang 19:3

Itao nindo an baka ki Eleazar na padi asin darahon iyan sa luwas kan kampo dangan bunoon sa saiyang atubang.

Mga Bilang 19:5

Tututongon na bilog an baka kaiba an anit, karne, dugo, saka bituka, sa atubang kan padi.

Mga Bilang 5:3

Iluwas nindo sinda, babae man o lalaki, tanganing dai ninda madigtaan an kampo na pinag-eerokan ko kaiba an sakong banwaan.”

Hebreyo 13:11

An dugo kan mga hayop dinadara kan Halangkaw na Padi sa Kabanal-banaleng Lugar bilang atang para sa mga kasalan, alagad an mga hawak kaini tinututong sa luwas kan kampo.