Levitico 3:3 - Marahay na Bareta Biblia

³ Idodolot ninda sa Kagurangnan bilang atang para sa katoninongan an gabos na taba na yaon sa laog kan hawak kan hayop,

Levitico 3:3 Iomraidhean Croise

Salmo 119:70

An mga tawong ini mayo nin pakasabot, alagad naoogma ako sa saimong katogonan.

Exodo 29:13

Kuahon mo an gabos na taba na nakakatahob kan bituka, an pinakamarahay na parte kan katoy, an duwang bato kaiba an taba kaiyan asin tutongon mo gabos sa altar bilang atang sako.

Exodo 29:22

“Kuahon mo man an taba kan karnero, an matabang ikog, an taba na nakakatahob sa bituka, an pinakamarahay na parte kan katoy, an duwang bato kaiba an taba asin an toong hita (huli ta iyo ini an karnero para sa ordenasyon).

Mga Talinhaga 23:26

Aki ko, paghinanyog nin marahay, asin gibohon mong arogan an sakong buhay.

Isaias 6:10

Pahiboga an puso kan banwaan na ini, pagabata an talinga ninda, asin taklobi an mga mata ninda, ta tibaad makahiling sinda asin makadangog patin makasabot dangan magbalik sako saka magpabolong.”

Ezekiel 36:26

Tatawan ko kamo nin bagong puso, asin bubugtakan ko kamo nin bagong espiritu. Hahaleon ko sa saindo an sutil na pusong gapo asin tatawan ko kamo nin pusong makinuyog.

Ezekiel 44:15

Nagtaram an Kagurangnan Dios, “Alagad an mga padi na kaayon sa tribu ni Levi asin gikan sa pamilya ni Zadok padagos na naglingkod sako kan an gabos na Israelita nagtalikod sako. Kaya ngunyan sinda an maglilingkod sako, asin madolok sa pagdolot kan taba saka dugo kan mga hayop na isinakripisyo.

Levitico 1:12

Pakatapos na mapedaso kan lalaking nag-atang an hayop, ibubugtak iyan kan padi sa ibabaw kan kalayo sa altar, kaiba an payo saka an taba.

Levitico 1:8

An pinedasong karne kan hayop kaiba an payo asin taba kaiyan ibubugtak ninda sa ibabaw kan kalayo.

Levitico 16:25

Tututongon niya sa altar an taba kan hayop na dolot para sa kasalan.

Levitico 3:16

An mga iyan tututongon kan padi duman sa altar bilang sarong dolot na pagkakan na an parong nawiwilihan nin Kagurangnan. An gabos na taba sadiri nin Kagurangnan.

Levitico 3:2

Iduduta kan kagdolot an saiyang kamot sa ibabaw kan payo kan hayop dangan bubunoon niya iyan sa may pintoan kan Tabernakulo. Pakatapos, an dugo kan hayop iuula kan mga pading aki ni Aaron sa apat na gilid kan altar.

Levitico 3:4

an duwang bato asin an taba kaiyan, dangan an pinakamarahay na kabtang kan katoy.

Levitico 4:10

Dangan dadarahon niya an tabang iyan duman sa altar na tinututongan kan mga dolot asin tututongon niya iyan duman siring kan ginigibo niya sa taba kan hayop na binubuno bilang atang para sa katoninongan.

Levitico 7:30

Siya mismo an madolot kaiyan bilang dolot na pagkakan. Dadarahon niya an taba kan hayop kaiba an daghan kaiyan dangan iitaas niya an mga iyan sa Kagurangnan bilang espesyal na regalo.

Levitico 7:5

An gabos na taba kaiyan tututongon kan padi sa ibabaw kan altar bilang sarong dolot na pagkakan para sa Kagurangnan. Iyan sarong dolot nin kabayadan.

Levitico 9:10

Dangan tinutong niya sa altar an taba, an duwang bato saka an pinakamarahay na kabtang kan katoy, siring sa ipinagboot nin Kagurangnan ki Moises,

Mateo 13:16

“Alagad mga paladan kamo, huli ta an mga mata nindo nakakahiling; an mga talinga nindo nakakadangog!

Mateo 15:8

‘Inoomaw ako kan mga tawong ini kan saindang ngoso, alagad harayo sako an saindang mga puso.

Roma 5:5

Dai kita pinapasopog kan paglaom na ini, huli ta pinano nin Dios an satong mga puso kan saiyang pagkamoot sa paagi kan Espiritu Santo na itinao niya sato.

Roma 6:6

Aram ta na an dati tang pagkatawo ipinako sa krus kaiba ni Cristo, tanganing malaglag an makasalan na hawak asin dai na kita magin oripon nin kasalan.

Deuteronomio 30:6

Babagohon nin Kagurangnan an saindong puso asin an puso kan saindong mga kapagarakian tanganing mamotan nindo siya sa bilog nindong puso, tanganing padagos kamong mabuhay.

1 Samuel 2:15

Laen pa kaini, maski dai pa natututong an taba, minadolok na an sorogoon kan padi asin sinasabihan an nagdolot, “Tawe ako nin karne na dadarangon kan padi; huli ta dai niya aakoon an linabonan na karne hale saimo, kundi an hilaw.”