Levitico 3:16 - Marahay na Bareta Biblia

¹⁶ An mga iyan tututongon kan padi duman sa altar bilang sarong dolot na pagkakan na an parong nawiwilihan nin Kagurangnan. An gabos na taba sadiri nin Kagurangnan.

Levitico 3:16 Iomraidhean Croise

Genesis 4:4

Nagdara man si Abel kan enot na ogbon kan saiyang mga karnero, binuno ini, dangan idinolot an mga pinakamarahay na kabtang. Nawilihan nin Kagurangnan si Abel asin an saiyang dolot

2 Mga Cronica 29:35

Laen pa kan kadakul na tinutong na atang, igwa pa kan taba na dolot para sa katoninongan saka kan arak na kaiba kan mga tinutong na atang. Kaya nakabalik giraray sa dati an pagsamba sa Templo.

2 Mga Cronica 7:7

Kinonsagra ni Solomon an tahaw kan patyo, na nasa atubangan kan Templo; idinolot niya duman an mga tinutong na atang, an dolot na pagkakan asin an taba kan mga hayop bilang mga dolot para sa katoninongan. Duman niya ini ginibo huli ta an bronseng altar na saiyang ipinagibo sadit nin marahay para sa gabos na dolot.

Exodo 29:13

Kuahon mo an gabos na taba na nakakatahob kan bituka, an pinakamarahay na parte kan katoy, an duwang bato kaiba an taba kaiyan asin tutongon mo gabos sa altar bilang atang sako.

Exodo 29:22

“Kuahon mo man an taba kan karnero, an matabang ikog, an taba na nakakatahob sa bituka, an pinakamarahay na parte kan katoy, an duwang bato kaiba an taba asin an toong hita (huli ta iyo ini an karnero para sa ordenasyon).

Isaias 53:10

Nagsasabi an Kagurangnan, “Kabotan ko na siya magtios; an saiyang kagadanan sarong sakripisyo na magdadara nin kapatawadan. Halawig an saiyang magigin buhay, kaya mahihiling pa niya an saiyang kapagarakian, asin sa paagi niya maootob an sakong katuyohan.

Ezekiel 44:15

Nagtaram an Kagurangnan Dios, “Alagad an mga padi na kaayon sa tribu ni Levi asin gikan sa pamilya ni Zadok padagos na naglingkod sako kan an gabos na Israelita nagtalikod sako. Kaya ngunyan sinda an maglilingkod sako, asin madolok sa pagdolot kan taba saka dugo kan mga hayop na isinakripisyo.

Levitico 17:6

An dugo iuula kan padi sa mga gilid kan altar sa may pintoan kan Tabernakulo asin tututongon niya an taba tanganing magkaigwa kan parong na nawiwilihan nin Kagurangnan.

Levitico 4:26

Pakatapos, susuloon niya sa altar an gabos na taba arog kan ginigibo niyang pagsulo kan taba kan mga hayop na binubuno para sa dolot para sa katoninongan. Sa paaging ini, idodolot kan padi an atang para sa pamayo kan banwaan asin papatawadon siya.

Levitico 4:31

Dangan hahaleon niya an gabos na taba, siring kan paghale niya sa taba kan mga hayop na binubuno bilang atang para sa katoninongan, asin tututongon niya iyan sa altar. An parong kaiyan nawiwilihan nin Kagurangnan. Sa paaging ini, idodolot kan padi an atang para sa kasalan kan nasabing tawo asin papatawadon siya.

Levitico 8:25

Kinua niya an taba, an matabang ikog, an taba na nakakatahob sa bituka, an pinakamarahay na parte kan katoy, an duwang bato kaiba an taba, asin an toong hita.

Levitico 9:24

Biglang ipinadara nin Kagurangnan an kalayo asin inubos kaini an tinutong na atang saka an mga taba na nasa altar. Kan mahiling ini kan mga tawo, nagkururahaw sinda gabos asin nagdarapa sa daga.

Mateo 22:37

Nagsimbag si Jesus, “‘Kamotan mo an Kagurangnan mong Dios sa bilog mong puso, sa bilog mong kalag, asin sa bilog mong isip.’