Levitico 26:9 - Marahay na Bareta Biblia

⁹ Bebendisyonan ko kamo saka tatawan nin dakul na aki; ootobon ko an sakong tipan sa saindo.

Levitico 26:9 Iomraidhean Croise

Genesis 1:28

Benendisyonan niya sinda dangan tinaraman, “Magmabinunga asin magdakul kamo; panoon nindo an bilog na kinaban asin pamahalaan iyan. Magkaigwa kamo nin kapangyarihan sa mga sira, sa mga gamgam asin sa gabos na hayop.

Genesis 17:20

Nadangog ko an saimong pakimaherak manongod ki Ismael, kaya bebendisyonan ko siya asin tatawan nin dakul na aki asin kapagarakian. Magigin ama siya nin doseng prinsipe, asin gigibohon kong sarong dakulang nasyon an saiyang mga kapagarakian.

Genesis 22:17

Minasumpa ako na tatawan taka nin mga kapagarakian na siring kadakul kan mga bitoon sa langit asin kan baybay sa tampi kan dagat. Dadaogon kan saimong mga kapagarakian an saindang mga kaiwal,

Genesis 26:4

Papadakulon ko siring sa mga bitoon sa kalangitan an saimong mga kapagarakian asin itatao ko sa sainda an bilog na teritoryong ini. Sa paagi ninda, bebendisyonan ko man an gabos na nasyon sa daga.

Genesis 28:14

An saimong mga kapagarakian magigin siring sa alpog nin daga. Papadakulaon ninda an saindang teritoryo sa gabos na direksyon; bebendisyonan ko an gabos na nasyon sa daga sa paagi mo asin sa saimong kapagarakian.

Genesis 28:3

Bendisyonan logod kan Makakamhan na Dios an saimong pag-agom; tawan ka niya logod nin dakul na aki, tanganing magin ama ka nin dakul na nasyon!

Genesis 48:4

Sinabihan niya akong, ‘Tatawan taka nin dakul na aki tanganing magin dakul na nasyon an saimong mga kapagarakian; itatao ko sa sainda an dagang ini bilang sadiri ninda sagkod pa man.’”

Genesis 6:18

alagad makikipagtipan ako saimo. Lumaog ka sa arka kaiba an saimong agom, an mga aki mong lalaki asin an saindang mga agom.

1 Mga Hade 3:8

Uya ako sa tahaw kan banwaan na pinili mo bilang sadiri, banwaan na dai mabilang sa kadakulaan.

2 Mga Hade 13:23

alagad nagin maboot asin maheherakon sainda an Kagurangnan. Dai nagtugot an Kagurangnan na magadan sinda, kundi tinabangan niya sinda huli kan saiyang tipan ki Abraham, ki Isaac, asin ki Jacob. Dai niya nalingawan an saiyang banwaan.

Nehemias 2:20

Nagsimbag ako, “An Dios nin Langit iyo an mapauswag samo. Mga sorogoon niya kami asin popoonan mi an pagtugdok. Alagad mayo kamo nin deretso sa anoman na pagsadiri sa Jerusalem asin mayo kamo nin kahirasan sa mga tradisyon kaiyan.”

Nehemias 9:23

Pinadakul mo an saindang kapagarakian siring sa mga bitoon sa langit; pinamugtak mo sinda sa daga na ipinanuga mong itatao sa saindang mga kapagarakian.

Salmo 107:38

Benendisyonan niya an saiyang banwaan, asin nagdakul sinda; dai niya itinugot na magdiit an saindang mga hayop.

Salmo 89:3

Ika nagtaram, “Ako nakipagtipan sa tawong sakong pinili; ako nanuga ki David na sakong sorogoon:

Exodo 1:7

Alagad an saindang kapagarakian, an mga Israelita, nagkaigwa nin dakul na mga aki kaya kuminosog sinda asin napano ninda an Egipto.

Exodo 2:25

Nahiling niya an kamugtakan kan mga Israelita kaya naherak siya sainda.

Exodo 6:4

Nakipagtipan man ako sa sainda, nanuga na itatao sainda an Canaan, an dagang pinag-erokan ninda kaidto bilang mga dayuhan.

Isaias 55:3

“Paghinanyog kamo, sakong banwaan, asin dumolok kamo sako; madya kamo sako, asin magkakaigwa nin kapanoan an saindong buhay! Magibo ako saindo nin tipan na daing kataposan asin itatao ko saindo an mga bendisyon na ipinanuga ko ki David.

Jeremias 23:3

Titiponon ko an natada sa sakong banwaan hale sa mga nasyon na tinapokan ko sainda. Ibabalik ko sinda sa dagang namundagan ninda dangan mag-aaki giraray sinda saka madakul.

Jeremias 23:4

Mapili ako nin mga pamayo na mag-aataman sainda. An sakong banwaan dai na nanggad matatakot ni matitikbahan; mayo na nin mawawara sainda. Ako, an Kagurangnan, an nagtaram.”

Jeremias 33:3

“Apoda ako, asin sisimbagon taka; ipapahayag ko saimo an dakula saka hilom na mga bagay na dai mo pa naaaraman.

Ezekiel 16:62

Babagohon ko an tipan ko saimo dangan maaraman mo na ako an Kagurangnan.

Ezekiel 36:9

Kaapil nindo ako, asin hihingowahon ko na an saindong daga maarado giraray dangan matanoman.

Levitico 26:15

Kun sayumahan nindo an sakuyang mga togon asin kaongisan nindo an sakuyang mga pagboot saka talikodan an sakong tipan,

Lukas 1:72

Nanuga siyang maheherakan niya an satong mga ginikanan, asin gigiromdomon an banal niyang tipan.

Deuteronomio 28:11

Papauswagon niya kamo sa daga na ipinanuga niya sa saindong mga ginikanan na itatao saindo. Papadakulon niya an saindong mga aki, mga hayop asin an mga bunga kan daga.

Deuteronomio 28:4

“Bebendisyonan nin Kagurangnan an saindong mga aki, mga ani asin mga hayop; papadakulon niya an saindong mga baka saka mga karnero.

Deuteronomio 7:13

Mamomotan niya kamo asin bebendisyonan, tanganing magdakul an saindong kaakian; bebendisyonan niya an saindong kaomahan, tanganing magkaigwa kamo nin ani, arak saka lana nin oliba; papadakulon niya an saindong mga baka sagkod mga karnero. Iwawaras niya saindo an mga bendisyon na ini duman sa dagang ipinanuga niya sa saindong mga ginikanan na itatao sa saindo.

Hebreyo 8:9

Bako iyan arog kan tipan na ginibo ko sa saindang mga ginikanan kan aldaw na kabiton ko sinda paluwas sa daga nin Egipto. Dai sinda nagin maimbod sa tipan na ginibo ko sainda, kaya pinabayaan ko sinda.