Levitico 26:7 - Marahay na Bareta Biblia

⁷ Dadaogon nindo an saindong mga kaiwal;

Levitico 26:7 Iomraidhean Croise

1 Mga Cronica 19:15

Kan nahiling kan mga Ammonita na nagdurulag an mga Siro, nagdurulag man sinda ki Abisai asin naglaog sa saindang syudad. Kaya, nagbalik si Joab sa Jerusalem.

Esther 9:16

An mga Judio sa mga probinsya nagtiripon man tanganing depensahan an saindang buhay. Naubos ninda an mga kaiwal kan magadan ninda an setenta y singko mil na naoongis sainda. Alagad dai ninda sinamsam an pagsadiri kan mga kaiwal.

Salmo 81:15

Sa atubang ko, maduko sa takot an mga naaanggot sako; an saindang padusa magdadanay sagkod lamang.

Levitico 26:36

“Gigibohon kong magkaigwa nin dakulang takot an mga nagkabirihag saindo kaya maski an hinghing kan sarong dahon na hinahayop nin doros makakapadulag na saindo. Madulag kamo na garo linalamag sa gera, asin matutumba kamo maski mayo man nin kaiwal sa harani nindo.

Levitico 26:6

“Tatawan ko nin katoninongan an daga asin magkakatorog kamo na dai matatakot sa kiisay man. Hahaleon ko an mga maringis na hayop sa daga asin dai na diyan magkakaigwa nin ralaban.

Levitico 26:8

an lima sa saindo makakadaog nin sanggatos asin an sanggatos saindo makakadaog nin sampolong ribo.

Deuteronomio 28:7

“Dadaogon nin Kagurangnan an saindong mga kaiwal na masalakay saindo. Masalakay sinda saindo hale sa sarong direksyon, alagad madulag sinda pasiring sa gabos na direksyon.

Deuteronomio 32:30

Kun tano ta an sangribo nadaog nin saro; an sampolong ribo, nadaog nin duwa. Pinabayaan sinda nin Kagurangnan na saindang Dios; isinikwal kan saindang mapangyaring Dios.

Josue 23:10

Maski siisay saindo pwedeng makapadulag nin sangribong tawo, huli ta an Kagurangnan iyo an nakikilaban para saindo, siring sa saiyang panuga.

Hukom 15:15

Dangan nakanumpong siya nin sarong panga nin asno na bago pa sanang magadan. Pinurot niya ini asin ginamit sa paggadan sa sangribong Filisteo.

Hukom 4:16

Linamag ni Barak an mga karwahe saka hukbo ni Sisera sagkod sa Haroset-hagoiim. Nagkagaradan an bilog na hukbo ni Sisera; mayo nin natada maski saro.

Hukom 7:23

Dangan ipinaapod ni Gideon an mga tribu ni Neftali, Asher, asin ni Manases tanganing lamagon an nagdudulag na mga Midianita.

1 Samuel 14:13

Nagkakamang na sinakat ni Jonatan an hampas kaiba an paradara kan saiyang armas. Sinalakay ni Jonatan an mga Filisteo; tinurumba niya sinda, asin ginaradan sinda kan nagsusunod na kaiba ni Jonatan.