Levitico 26:4 - Marahay na Bareta Biblia

⁴ papadarahan ko kamo nin uran sa tamang panahon tanganing magtao nin ani an daga asin mamunga an mga kahoy.

Levitico 26:4 Iomraidhean Croise

1 Mga Hade 17:1

Sinabihan si Ahab ni Propeta Elias na taga Tisbe sa Gilead, “Sa ngaran nin Kagurangnan, an buhay na Dios nin Israel, na sakong pinaglilingkodan, sinasabihan taka na dai magkakaigwa nin ambon ni uran sa masunod na duwa o tolong taon sagkod na sabihon ko.”

An Libro ni Job 5:10

Ipinapadara niya an uran sa kinaban asin binabaribi an kaomahan;

Salmo 104:13

Hale sa langit binabaribi mo an mga bulod; napapano an daga kan saimong mga balaog.

Salmo 67:6

Itinao kan daga an saiyang bunga; an Dios, an satuyang Dios, an nagbendisyon sato.

Salmo 67:7

Benendisyonan kita nin Dios; matakot logod saiya an gabos na tawo sa kinaban.

Salmo 68:9

O Dios, pinauran mo nin makosog asin pinauswag mo an saimong naalang na daga;

Salmo 85:12

Papauswagon kita nin Kagurangnan; dakul an magigin ani kan satong kaomahan.

Salmo 85:13

An katanosan mangengenot sa Kagurangnan, maandam kan dalan na saiyang lalakawan.

Isaias 30:23

Sa panahon na magtanom kamo nin banhi, mapadara nin uran an Kagurangnan asin magkakaigwa nin dakul na sabsabon an saindong mga hayop.

Isaias 5:6

Papabayaan kong magtalubo an mga doot; dai ko iyan tatakrasan ni babayoboon, kundi papataluboon ko an mga tonok. Pagbobotan ko an mga dampog na dai maghulog nin uran duman.”

Jeremias 14:22

Dai nakakapagpauran an mga dios-dios kan mga nasyon; maski na an langit dai nakakapahulog nin uran. Ibinubugtak mi saimo an samong paglaom, O Kagurangnan na samong Dios, huli ta ika an naggigibo kaini gabos.

Ezekiel 36:30

Papadakulon ko an bunga kan saindong mga kahoy saka mga oma, tanganing dai na kamo magkaigwa nin gutom na masopog sa saindo sa tahaw kan mga nasyon.

Joel 2:22

Mga hayop, dai kamo matakot. Berde na an mga pasabsaban; nagbubunga na an mga kahoy, asin dakul na an bunga kan higera saka ubas.

Levitico 25:19

An daga mamumunga, asin mapapasaindo an gabos na boot nindong kakanon, patin matoninong kamong mag-eerok sa daga.

Levitico 25:21

Bebendisyonan ko an daga sa ikaanom na taon tanganing mamunga iyan kan kakakanon nindo para sa tolong taon.

Zacarias 8:12

Matoninong sindang magtatanom. Mamumunga nin ubas an saindang mga balagon, mataralubo sa daga an saindang tinanom, asin magkakaigwa nin tamang uran. Itatao ko an gabos na biyayang ini sa mga natadang namamanwaan sa sakong nasyon.

Mateo 5:45

tanganing magin mga aki kamo kan saindong Ama na nasa langit. Huli ta parehong pinapasaldangan nin aldaw saka pinapauranan nin Dios an tawong marahay asin an maraot, an tawong banal saka an parakasala.

Mga Gibo 14:17

Alagad danay siyang nagpapahiling nin mga patotoo tanganing mamidbidan nindo siya sa paagi kan mga karahayan na ginigibo niya: pinapadarhan niya kamo nin uran, tinatawan nin marahay na ani sa tamang panahon saka tinatawan pa niya kamo nin kakanon asin pinapano nin kaogmahan an saindong puso.”

Deuteronomio 11:13

“Kaya kuyogon nanggad nindo an gabos na togon na itinao ko saindo ngunyan; kamotan nindo an Kagurangnan na saindong Dios asin paglingkodan nindo siya sa bilog nindong puso.

Deuteronomio 11:14

Kun gibohon nindo ini, papadarahan niya nin uran an saindong daga sa tamang panahon, tanganing magkaigwa kamo nin banhi, arak saka lana nin oliba,

Deuteronomio 28:12

Hale sa saiyang mayaman na sarayan sa langit, ipapadara niya an uran sa tamang panahon asin bebendisyonan niya an gabos nindong gibo. Kaya magpapautang kamo sa dakul na nasyon alagad dai kamo mangungutang.

Santiago 5:7

Kaya, mga tugang, maging matinios kamo sagkod na mag-abot an Kagurangnan. Hilinga nindo an paratanom na matinios na naghahalat kan mahalagang bunga kan daga; matinios na naghahalat kan enot asin huring uran!

Kapahayagan 11:6

An duwang saksing ini igwa nin kapangyarihan sa pagsera kan langit nganing dai mag-uran sa panahon kan saindang pagpropesiya. May kapangyarihan man sinda na gibohon dugo an tubig, saka pasakitan an kinaban nin gabos na klaseng peste anoman na oras na booton ninda.