Levitico 26:16 - Marahay na Bareta Biblia

¹⁶ papadusahan ko kamo. Papadarahan ko kamo nin kasakitan—mga helang na dai nararahay asin kalentura na mabuta saindo saka magpapahalipot kan saindong buhay. Magtatanom kamo, alagad dai iyan makakatabang saindo huli ta an saindong mga kaiwal iyo an makakan kan bunga kaiyan.

Levitico 26:16 Iomraidhean Croise

1 Mga Hade 8:37

“Kun magkaigwa sa daga nin gutom o peste, o maraot an mga tanom huli sa doros, sa sobrang uran, sa mga doron, o kun salakayon kan mga kaiwal an saimong banwaan, o kun may mga helang na mag-abot sainda,

An Libro ni Job 18:11

“Sa palibot niya naghahalat an kahandalan; nagsusunod ini saiya saen man siya magduman.

An Libro ni Job 20:25

Malagbas sa saiyang hawak an bosog; an nagkikinang na poro kaiyan magtatagdo nin dugo, asin maabot saiya an takot.

An Libro ni Job 31:8

magkararaot logod an sakong mga inani o kakanon logod nin iba an bunga kan sakong tinanom.

Salmo 109:6

Magpili ka nin sarong maraot na hukom na mahatol sa sakong kaiwal; sarong kaiwal niya na masumbong tumang saiya.

Salmo 73:19

Tolos sinda nagkagaradan; mangirhat an saindang nagin kataposan.

Salmo 78:33

Kaya tinapos niya an saindang mga aldaw siring sa sarong hinangos; tinapos niya an saindang mga taon sa takot.

Exodo 15:26

Nagtaram siya, “Kun bilog na puso nindo akong susunodon huli kan paggibo nin matanos asin huli sa pag-otob kan sakong mga togon saka mga pagboot, dai ko kamo papadusahan kan arin man sa mga kahelangan na ipinadara ko sa mga Egipcio. Ako, an Kagurangnan an saindong parabolong.”

Mga Talinhaga 3:33

An maldisyon nin Kagurangnan yaon sa harong kan maraot, alagad benebendisyonan niya an erokan kan matanos.

Isaias 10:4

Magagadan kamo sa gera o guguyodon pasiring sa harayong lugar bilang mga bilanggo. Alagad dai pa matatapos an kaanggotan nin Kagurangnan; unat pa giraray an saiyang kamot sagkod ngunyan tanganing magpadusa.

Isaias 62:8

An Kagurangnan naggibo nin banal na panuga, asin gigibohon niya iyan huli kan saiyang kapangyarihan: “An saimong inani dai na nanggad magigin pagkakan kan saimong mga kaiwal, asin an saimong arak dai na nanggad iinomon kan mga dayuhan.

Isaias 7:2

Kan maaraman kan hade nin Juda na nasa teritoryo na nin Israel an hukbo nin Siria, natakot siya nin makuri, siring man an saiyang mga nasasakopan. Nagtarakig sinda siring sa mga kahoy na hinuhuyop nin doros.

Jeremias 12:13

An sakong banwaan nagtanom nin trigo, alagad doot an inani; nagpagal sinda nin marahay, alagad dai sinda nagkinabang. Huli kan sakong labi-labing kaanggotan mayo sinda nin inani sa saindang mga tinanom.”

Jeremias 15:3

Ako, an Kagurangnan, an mapadara sainda nin apat na makangingirhat na bagay: magagadan sinda sa gera; guguyodon kan mga ayam an saindang mga bangkay; kakakanon sinda kan mga gamgam; asin sisimoton kan mga lalaw na hayop an matatada sa saindang mga bangkay.

Jeremias 15:8

An mga babaeng balo sa daga nindo mas dakul pa ki sa baybay sa tampi kan dagat. Ginadan ko an saimong mga lalaki sa saindang pagkahoben, asin pinatios ko an saindang mga ina. Bigla kong hinampak sinda nin makuring sakit asin takot.

Jeremias 20:4

An Kagurangnan mismo nagtaram, ‘Gigibohon takang katakotan kan saimong sadiri asin kan saimong mga katood. Mahihiling mo an pagkagadan ninda sa paagi nin espada kan mga kaiwal. Ipapairarom ko an gabos na taga Juda sa kapangyarihan kan hade nin Babilonia; dadarahon kaini an iba bilang mga bihag sa saiyang daga asin an iba gagadanon niya.

Jeremias 5:17

Uuboson ninda an mga inani asin pagkakan nindo. Gagadanon ninda an saindong mga aki. Uuboson ninda an saindong mga karnero saka mga baka, dangan raraoton an saindong mga ubasan saka mga kahoy na higera. An mga pinapusog na syudad na sinasarigan nindo rurumpagon kan saindang mga soldados.

Ezekiel 24:23

Dai nindo aarison an saindong buhok, ni tatangkason an saindong sandalyas; dai kamo magmomondo o maghihibi. Manluluya kamo huli kan saindong mga kasalan asin mag-aagrangay kamo sa lambang saro.

Ezekiel 33:10

Nagtaram sako an Kagurangnan, “Aki nin tawo, ipagiromdom mo sa mga Israelita kun ano an pinagsasabi ninda: ‘Nagagabatan kami kan samong mga kasalan asin mga kasombikalan. Luway-luway kaming nagagadan; paano pa kaming mabubuhay?’

Amos 5:11

Inapi nindo an mga dukha saka hinabonan kan saindang kakanon, kaya dai kamo mag-eerok sa pinatindog nindong magayon na mga harong na gibo sa gapo, ni mag-iinom kan arak hale sa magagayon nindong ubasan.

Mikas 6:15

Magtatanom ka, alagad dai ka mag-aani. Magpupuga ka nin mga oliba tanganing makakua nin lana, alagad dai mo man iyan magagamit. Magibo ka nin arak, alagad dai mo man iyan maiinom.

Hageo 1:6

Dakul na trigo an saindong itinanom, alagad dikit sana an saindong inani. May pagkakan kamo, alagad kulang pa tanganing mabasog kamo. May arak kamong inomon, alagad kulang man tanganing maburat kamo! Igwa kamo nin gubing, alagad kulang man giraray tanganing mahimbongan kamo. An trabahador kulang man an inaakong tandan tanganing mabuhay.

Zacarias 14:12

An Kagurangnan madara nin makangirhat na mga peste sa gabos na nasyon na nakikilaban sa Jerusalem. Maglalapa an saindang kublit maski buhay pa sinda; sagkod an saindang mga mata saka dila maglalapa.

Malakias 2:3

Papadusahan ko an saindong mga aki asin inonosnos ko an saindong lalawogon sa odo kan mga hayop na isinasakripisyo nindo—dangan itatapok kamo sa luwas sa tambakan kan mga odo.

Deuteronomio 28:51

Kakakanon ninda an saindong mga hayop asin an mga bunga kan saindong daga sagkod na magadan kamo sa gutom. Dai kamo ninda tatadaan nin ani, arak, lana, baka o karnero; magagadan kamo gabos.

Deuteronomio 32:25

An gera manggagadan sa mga tinampo. An takot mahampak sa mga harong. Mga hoben na lalaki saka babae magagadan, sagkod an omboy na pasusuhon asin an ubanon na gurang.

Hebreyo 10:31

Makangingirhat an padusa nin Dios na buhay sa mga tawong naggigibo nin siring!

Hukom 6:11

Dangan uminabot sa Ofra an anghel nin Kagurangnan asin tuminukaw sa lindong kan sarong kahoy na hamurawon na sadiri ni Joas, saro sa mga kamaganakan ni Abiezer. An saiyang aking lalaki na si Gideon hilom na naggiginik nin trigo duman sa pugaan nin ubas tanganing dai siya mahiling kan mga Midianita.

1 Samuel 2:33

Igwa akong itatadang saro sa saimong kapagarakian na maglilingkod sako bilang padi, alagad mabubuta siya asin mawawaraan nin paglaom: an iba mo pang kapagarakian magagadan sa mangirhat na paagi.