Levitico 26:1 - Marahay na Bareta Biblia

¹ Nagtaram an Kagurangnan, “Dai kamo maggibo nin mga ladawan o magpatindog nin mga estatwa, o hariging gapo o inukitan na mga gapo tanganing saindong sambahon. Ako an Kagurangnan na saindong Dios.

Levitico 26:1 Iomraidhean Croise

2 Mga Hade 17:10

Nagbugtak sinda nin mga gapong harigi saka mga ladawan kan diosang si Asera sa kabubuldan asin sa lindong kan lambang marambong na kahoy.

2 Mga Hade 17:16

Linapas ninda an gabos na togon kan Kagurangnan na saindang Dios asin naggibo sinda nin duwang metal na baka; naggibo pa sinda nin ladawan kan diosang si Asera, nagsamba sa mga bitoon asin naglingkod ki Baal.

2 Mga Hade 17:8

dangan inarog ninda an mga gawe kan mga nasyon na pinahale nin Kagurangnan kan magdangadang an banwaan nin Israel, asin inako ninda an mga kaugalean kan mga hade nin Israel.

Salmo 78:58

Pinaanggot siya ninda huli kan saindang mga paganong altar; pinaimon siya ninda huli kan saindang mga dios-dios.

Salmo 97:7

Sinosopog an gabos na nagsasamba sa mga ladawan, na naghahambog kan saindang mga dios na mayo nin halaga; gabos na dios minaduko sa atubang niya.

Exodo 20:2

“Ako an Kagurangnan na saindong Dios na nagdara saindo sa luwas kan daga nin Egipto, sa luwas kan harong nin kaoripnan.

Exodo 20:23

Dai kamo maggibo nin mga dios-dios na plata o bulawan na sasambahon bilang dugang sa sako.

Exodo 23:24

Dai kamo magduko o magsamba sa saindang mga dios-dios, o mag-arog kan saindang mga ginigibo. Raoton nindo an saindang mga dios-dios asin gabaon nindo an saindang mga banal na hariging gapo.

Exodo 34:17

“Dai kamo maggibo nin mga metal na dios-dios.

Isaias 2:20

Sa aldaw na iyan, an saindang mga dios na plata saka bulawan itatapok kan katawohan sa mga kino saka mga paniki, mga dios na saindang ginibo tanganing sambahon.

Levitico 19:4

“Dai kamo magtalikod sako asin magsamba sa mga ladawan; dai kamo maggibo nin mga dios-dios na gibo sa metal dangan magsamba sainda. Ako an Kagurangnan na saindong Dios.

Levitico 25:55

An sarong Israelita dai pwedeng magin oripon sagkod lamang, huli ta an banwaan nin Israel iyo an sakong oripon. Ako an nagkua sainda sa Egipto. Ako an Kagurangnan na saindong Dios.”

Levitico 7:33

sa padi na nagdolot kan dugo saka taba kan dolot para sa katoninongan.

Mga Bilang 33:52

pahaleon nanggad nindo an gabos na nag-eerok sa daga. Raoton nindo an gabos nindang ladawan na gibo sa gapo saka sa metal. Gabaon man nindo an gabos nindang lugar na pinagsasambahan.

Mga Gibo 17:29

Huli ta kita mga aki nin Dios, dai kita mag-isip na garo siya sarong ladawan na bulawan o plata o gapo, na ginibo nin tawo sosog sa saiyang kakayahan saka kadonongan.

Deuteronomio 27:15

“‘Maldisyonon an siisay man na maggibo nin ladawan na gapo, kahoy o metal, asin hilom na magsamba kaiyan; ikinakaongis nin Kagurangnan an pagsamba sa mga dios-dios.’ “Dangan an bilog na banwaan masimbag, ‘Amen!’

Deuteronomio 5:6

‘Ako an Kagurangnan na saindong Dios na nagdara saindo sa luwas kan harong nin kaoripnan.

Kapahayagan 22:15

Alagad mawawalat sa luwas kan syudad an mga maati an gibo, an mga salamangkero, mga marigsok, mga paragadan, mga parasamba sa dios-dios saka mga putikon sa tataramon sagkod sa gibo.

Hukom 18:30

Dangan ibinugtak ninda an mga dios-dios sa sarong lugar tanganing sambahon; si Jonatan na aking lalaki ni Gerson asin makoapo ni Moises iyo an naglingkod bilang padi kan mga taga Dan. An mga aking lalaki ni Jonatan iyo an padagos na naglingkod bilang padi bago nasakop an daga.