Levitico 24:9 - Marahay na Bareta Biblia

⁹ An tinapay magigin sadiri ni Aaron saka kan saiyang mga kapagarakian, asin kakakanon ninda iyan sa sarong banal na lugar, huli ta kabtang iyan kan banal na pagkakan na idinolot sa Kagurangnan para sa mga padi.”

Levitico 24:9 Iomraidhean Croise

Exodo 27:21

Aldaw-bangging aatamanon ni Aaron asin kan saiyang mga aki an ilawan na ibubugtak sa laog kan Tabernakulo, sa luwas kan kurtina saka sa atubangan kan Kaban nin Tipan. An pagboot na ini ootobon kan mga Israelita asin kan saindang mga kapagarakian sagkod pa man.

Levitico 10:12

Dangan sinabihan ni Moises si Aaron saka an duwang natatadang aking lalaki kaini na si Eleazar asin si Itamar, “Kuahon nindo an natadang pagkakan na idinolot sa Kagurangnan asin gumibo kamo nin tinapay na mayo nin lebadura dangan kakanon nindo sa may altar, huli ta iyan orog kabanal.

Levitico 10:17

“Tadaw ta dai nindo kinakan sa sarong banal na lugar an dolot para sa kasalan? Orog iyan kabanal asin itinao na saindo nin Kagurangnan tanganing mahale an kasalan kan mga tawo.

Levitico 21:22

Pwede siyang magkakan kan banal na dolot na pagkakan asin kan pinakabanal na pagkakan na idinolot sa sako,

Levitico 24:10

Igwa kaidto nin sarong lalaking Egipcio an ama asin sarong Israelita an ina, na an ngaran Shelomit, na aking babae ni Dibri na gikan sa tribu ni Dan. Sarong aldaw, duman sa kampo, nakiiwal an lalaking ini sa sarong Israelita asin naglanghad siya sa Dios, kaya dinara siya ninda ki Moises.

Levitico 3:17

Sagkod pa man dai nin siisay man sa mga Israelita an pwedeng magkakan kan taba saka dugo; iyan sarong pagboot na kukuyogon kan gabos na Israelita saen man sinda mag-erok.

Levitico 6:11

Dangan masangle siya kan saiyang gubing asin dadarahon niya an abo sa luwas kan kampo, sa sarong malinig na lugar.

Levitico 6:16

An matatadang arina saka lana gigibohon na tinapay na mayo nin lebadura asin kakakanon kan mga padi sa sarong banal na lugar, duman sa patyo kan Tabernakulo. Itinao na iyan nin Kagurangnan sa mga padi bilang saindang kahirasan sa mga dolot na pagkakan. Banal iyan arog kan mga dolot para sa kasalan asin kan dolot na kabayadan.

Levitico 6:9

na itao ki Aaron asin sa saiyang mga aking lalaki an minasunod na pagsusundon manongod sa tinutong na atang. Ibubugtak sa altar an tinutong na atang, asin an kalayo sa altar papabayaan na maglaad sa bilog na banggi.

Levitico 8:3

Dangan tiriponon mo duman an mga tawo.”

Levitico 8:31

Sinabihan ni Moises si Aaron saka an mga aki kaini, “Daraha nindo an karne duman sa may pintoan kan Tabernakulo, labonan nindo asin kakanon kaiba kan tinapay na nasa basket na dolot para sa ordenasyon sosog sa ipinagboot nin Kagurangnan.

Malakias 1:12

Alagad dai nindo ako inoomaw kun minasabi kamo na mayong halaga an sakong altar asin kun minadolot kamo diyan nin kakanon na bakong maninigo.

Mateo 12:4

Naglaog siya sa Templo dangan nagkakan siya asin an saiyang mga kairiba kan tinapay na idinolot sa Dios, na ipinapangalad na kakanon kan bakong padi.

Markos 2:26

Naglaog siya sa harong nin Dios dangan kinakan an tinapay na idinolot na sa Dios; tinawan pa niya an mga kairiba niya. Maski ngani an sabi sa Katogonan mga padi sana an pwedeng magkakan kan tinapay na idto. Nangyari idto kan si Abiatar an Halangkaw na Padi.”

Lukas 6:4

Naglaog siya sa harong nin Dios, kinua an tinapay na idinolot sa Dios, kinakan asin tinawan pa an mga kairiba niya. Iyan ipinapangalad sa kiisay man, pwera sa mga padi na pwedeng magkakan kaiyan.”

1 Samuel 21:6

Kaya itinao kan padi an banal na tinapay ki David huli ta iyo man sana idto an tinapay duman—an mga idinolot sa Dios, na hinale sa banal na lamesa asin rinibayan nin bagong tinapay. (