Levitico 23:2 - Marahay na Bareta Biblia

² “Sabihan mo an banwaan nin Israel na iyo ini an mga itinalaan na pyesta nin Kagurangnan, na ipapahayag ninda bilang mga banal na pagtiripon.

Levitico 23:2 Iomraidhean Croise

2 Mga Hade 10:20

Dangan nagboot si Jehu, “Italaan nindo an sarong aldaw nin pagsamba sa pag-omaw ki Baal!” Nagtalaan sinda,

1 Mga Cronica 23:31

siring man kun igwang mga dolot na tinutong na atang sa Kagurangnan kun mga Sabbath, mga Bagong Bulan saka mga aldaw nin pyesta, sosog sa talaan na bilang kan mga Levita na hinahagad kan lambang gawe nin pagsamba sa Kagurangnan sa gabos na panahon.

2 Mga Cronica 2:3

Nagpadara nin mensahe si Solomon ki Hiram na hade nin Tiro, “Pabakalan mo man ako nin mga kahoy na sedro siring na pinabakalan mo kaiyan an sakong ama na si David para sa saiyang palasyo.

2 Mga Cronica 30:5

kaya inalok ninda an gabos na Israelita, poon sa Beer-sheba sagkod sa Dan, tanganing magtiripon sa Jerusalem sa pagselebrar kan Paskwa huli ta dai pa ninda ini pinagselebrar na igwa nin dakulang katiriponan sosog sa hinahagad kan Katogonan.

Esdras 3:5

siring man an mga tinutong na atang, an mga dolot sa Pyesta nin Bagong Bulan asin sa iba pang itinalaan na pyesta nin Kagurangnan, dangan an boluntad na mga dolot sa Kagurangnan.

Salmo 81:3

Patanoga nindo an trompeta sa aldaw nin pyesta, kun gimata an bulan asin kun kabilogan kaiyan.

Exodo 32:5

Kan mahiling ini ni Aaron, nagtugdok siya nin altar sa atubangan kan bulawan na baka dangan nagpahayag, “Sa aga magkakaigwa kita nin pyesta para sa Kagurangnan.”

Isaias 33:20

Hilinga nindo an Sion, an syudad na pinagseselebraran kan satong mga itinalaan na pyesta. Hilinga an Jerusalem! Iyan magigin sarong ligtas na lugar na erokan! Makakaagid iyan sa sarong tolda na dai nanggad liniwat, na an mga taldok dai nanggad mabubulnot asin an mga pisi dai nanggad mapuputol.

Mga Panambitan 1:4

Nagmomondo an mga dalan pasiring sa Sion huli ta mayong minadalaw para sa mga talaan na pyesta; mapungaw an saiyang mga trangkahan, nag-aagrangay an saiyang kapadian; ginuyod sa harayo an saiyang mga daraga, asin siya mismo nagtitios nin kapaitan.

Ezekiel 44:24

Kun igwa nin kaso an mga namamanwaan, sinda an magigin hukom asin huhukoman ninda an kaso sosog sa sakong mga togon. Kaipuhan kuyogon ninda an sakong mga togon saka mga pagboot manongod sa sakong mga talaan na pyesta, asin pakabanalon ninda an mga Sabbath.

Oseas 2:11

Tataposon ko na an saiyang kaogmahan—an saiyang taon-taon saka bulan-bulan na mga pyesta asin an saiyang mga Sabbath—an gabos niyang itinalaan na mga pyesta.

Joel 1:14

Magpaluwas kamo nin mga pagboot para sa pag-ayuno; patiripona an gabos na tawo! Tipona an mga lider asin an mga taga Juda sa laog kan Templo nin Kagurangnan na saindong Dios dangan mag-agrangay kamo saiya!

Joel 2:15

Huyopa an trompeta sa Bukid nin Sion; paluwasa an pagboot para sa pag-ayuno asin sa pagtiripon!

Levitico 23:1

Tinaraman nin Kagurangnan si Moises,

Levitico 23:21

Sa aldaw na iyan dai kamo magtatrabaho nin ano man kundi magkakaigwa kamo nin banal na pagtiripon. An pagsusundon na ini gigibohon kan saindong kapagarakian sa mga maabot na panahon, saen man sinda mag-erok.

Levitico 23:37

“An mga iyan iyo an itinalaan na mga pyesta nin Kagurangnan na saindong ipapahayag bilang mga panahon nin banal na pagtiripon para sa pagsamba, para sa pagdolot nin mga dolot na pagkakan, tinutong na atang, dolot kan enot na bunga kan saindong inani, mga sakripisyo asin mga dolot na arak, sa talaan na panahon kan pagdolot kaiyan sa aroaldaw.

Levitico 23:4

Ipahayag nindo an mga minasunod na pyesta sa talaan na panahon.

Levitico 23:44

Sa siring na paagi ipinahayag ni Moises sa banwaan nin Israel an mga itinalaan na pyesta nin Kagurangnan.

Nahum 1:15

Hilinga! Igwang sarong sugo na nagdadangadang sa kabukidan dara an marahay na bareta! Nagdadangadang siya tanganing ipahayag an kapangganahan! Banwaan nin Juda, selebraron mo an saimong mga pyesta asin itao mo sa Dios an ipinanuga mo saiya. Dai na nanggad sasalakayon kan mga maraot an saimong daga; nagkagaradan na sinda gabos!

Mga Bilang 10:10

Siring man sa aldaw nin kaogmahan, sa itinalaan na mga pyesta asin sa enot na aldaw kan lambang bulan, papatanogon nindo an mga trompeta kun idodolot na nindo an saindong mga tinutong na atang asin an saindong dolot para sa katoninongan. Dangan tatabangan ko kamo. Ako an Kagurangnan na saindong Dios.”

Mga Bilang 29:39

Iyo ini an mga pagsusundon manongod sa mga tinutong na atang, mga dolot na pagkakan, mga dolot na arak, saka mga dolot para sa katoninongan na idodolot nindo sa Kagurangnan sa saindong itinalaan na mga pyesta. Laen pa iyan kan mga dolot na itatao nindo sa pag-otob nin sarong panuga o bilang mga boluntad na dolot.

Juan 5:1

Pakatapos kaini, nagduman si Jesus sa Jerusalem para sa sarong pyesta kan mga Judio.

Colosas 2:1

Boot kong maaraman nindo na kanigoan an sakit ko sa pagtrabaho para saindo, para sa mga taga Laodicea, asin para sa gabos na dai pa nakakamidbid sako nin personal.

Colosas 2:16

Kaya dai nindo pagtugotan an siisay man na hukoman kamo dapit sa saindong kinakakan o iniinom, o dapit sa mga pyesta, o pagselebrar kan bagong bulan, o kan Sabbath.