Levitico 22:2 - Marahay na Bareta Biblia

² “Sabihan mo si Aaron asin an saiyang mga aki na dai ninda pagdarahan nin kasosopgan an banal kong ngaran, kaya galangan ninda an mga banal na dolot na dinadara sako kan mga Israelita. Ako an Kagurangnan.

Levitico 22:2 Iomraidhean Croise

Esdras 8:28

Dangan sinabihan ko sinda, “Banal kamo para sa Kagurangnan, an Dios kan saindong mga ginikanan, siring man an plata saka bulawan na kagamitan na bilog na pusong idinolot saiya.

Exodo 13:12

idolot nindo sa Kagurangnan an gabos na matuang lalaki. Sadiri nin Kagurangnan an gabos na matuang lalaki kan saindong mga hayop.

Exodo 28:38

Mamumugtak ini sa angog ni Aaron; siya an maako kan anoman na nagibong kasalan sa pagdolot kan mga tawo kan saindang atang. Danay na mamumugtak sa angog ni Aaron an koronang ini tanganing akoon ko an saindang atang.

Isaias 52:11

Maghale kamo sa Babilonia, kamo gabos na paradara kan kagamitan sa Templo! Dai kamo magdotdot kan ipinangalad na bagay; magpakabanal kamo asin maghale diyan.

Ezekiel 44:8

Dai ninda inataman an banal na mga bagay sa sakong Templo, asin an mga dayuhan pa an saindang pinaataman kaiyan.

Levitico 15:31

Tinaraman nin Kagurangnan si Moises na patanidan an mga Israelita manongod kan saindang kaatian ta tibaad magkagaradan sinda kun saindang maatian an Tabernakulo nin Kagurangnan na nasa tahaw kan kampo.

Levitico 18:21

Dai nindo ipagtao an arin man sa saindong mga aki tanganing tutongon para sa dios na si Molec, huli ta dadarahan nindo nin kasosopgan an ngaran kan saindong Dios, an Kagurangnan.

Levitico 19:12

Dai kamo magsumpa sa ngaran ko kun dai man sana nindo iyan ootobon; nagdadara iyan nin kasosopgan sa sakong ngaran. Ako an Kagurangnan na saindong Dios.

Levitico 20:3

Magigin kaiwal ko siya asin dai na ibibilang na kaayon sa sakuyang banwaan, huli ta dinidigtaan niya an sakong Tabernakulo asin sinosopog niya an sakong ngaran sa pagtao kan saro niyang aki ki Molec.

Levitico 21:6

Kaipuhan na magin banal sinda asin dai ipasopog an sakong ngaran, huli ta sinda an nagdodolot kan mga dolot na pagkakan sa sako; kaya maninigo na sinda magin banal.

Levitico 22:1

Tinaraman nin Kagurangnan si Moises,

Levitico 22:32

Dai nindo pagdarahan nin kasosopgan an sakong banal na ngaran; kaipuhan mamidbidan kan bilog na Israel na ako banal. Ako an Kagurangnan, asin ako an nagpapabanal saindo.

Mga Bilang 18:32

Dai kamo magkakasala sa pagkakan kan natada kun ikinadolot na nindo an pinakamarahay. Alagad dai nanggad nindo pagbasang-basangon an mga sagradong dolot kan mga Israelita huli sa pagkakan kan arin man kaiyan bago nindo idinolot an pinakamarahay na kabtang; kun gibohon nindo iyan, magagadan kamo.”

Deuteronomio 15:19

“Konsagrahon nindo para sa Kagurangnan na saindong Dios an gabos na matuang lalaking baka asin karnero; dai nindo paggamiton sa trabaho an arin man sa mga bakang iyan, asin dai man nindo pagguntingan an arin man sa mga karnerong iyan.