Levitico 21:9 - Marahay na Bareta Biblia

⁹ Kun an aking babae nin sarong padi magin sarong maraot na babae, ipinapasopog niya an saiyang ama kaya dapat na suloon siya sagkod na magadan.

Levitico 21:9 Iomraidhean Croise

Genesis 38:24

Pakalihis nin tolong bulan, igwang nag-osip ki Juda, “Nagin maraot na babae an manugang mong si Tamar asin bados siya ngunyan.” Nagboot si Juda, “Iluwas nindo siya asin suloon sagkod na magadan.”

Exodo 31:14

Otobon nanggad nindo an aldaw nin pahingalo, huli ta iyan banal. Gagadanon an siisay man na maglapas kaiyan asin magtrabaho sa aldaw na iyan.

Isaias 33:14

Nagtatakig sa katakotan an mga makasalan sa Sion. Nagsasabi sinda, “An paghukom nin Dios nakakaagid sa sarong kalayo na naglalaad sagkod pa man. Mabubuhay daw an saro sato sa siring na kalayo?”

Ezekiel 9:6

Gadanon nindo an mga gurang na lalaki, an mga hoben na lalaki, an mga hoben na babae, mga ina asin mga aki. Alagad dai nindo pagdutaan an siisay man na may marka sa angog. Magpoon kamo digdi sa sakong Templo.” Kaya pinonan ninda an panggagadan huli sa paggadan kan mga lider na nagtitindog duman sa Templo.

Levitico 19:29

“Dai nindo paggibohon na mga maraot na babae sa templo an saindong mga aking babae; kun gibohon nindo iyan, magsasaramba na kamo sa ibang mga dios-dios, asin mapapano nin karatan an bilog na daga.

Levitico 20:14

Kun agomon nin sarong lalaki an sarong babae asin an ina kaini, susuloon sindang tolo sagkod na magadan huli ta guminibo sinda nin sarong bagay na makasosopog; dai kamo magtugot na mangyari an siring sa saindo.

Malakias 2:3

Papadusahan ko an saindong mga aki asin inonosnos ko an saindong lalawogon sa odo kan mga hayop na isinasakripisyo nindo—dangan itatapok kamo sa luwas sa tambakan kan mga odo.

Deuteronomio 22:21

dadarahon ninda an babae sa may pintoan kan harong kan saiyang ama. Duman gagapoon siya kan mga lalaki kan banwa sagkod na siya magadan. Nakaginibo siya nin karatan sa satong banwaan; nagpadorog siya bago nagpaagom, kan nag-eerok pa siya sa harong kan saiyang ama. Sa siring na paagi, mahahale saindo an karatan na ini.

Tito 1:6

An sarong lider dapat na mayo nin katuyawan, saro sana an agom; an saiyang mga aki dapat mga paratubod asin mayong maraot na dangog bilang mga sarawayon o masombikal.

Josue 7:15

An siisay man na pilion ko asin makuahan kan mga bagay na ipinagboot kong suloon iyo an tututongon, kaiba an saiyang pamilya sagkod an gabos niyang pagsadiri, huli ta dinarahan niya nin dakulang kasosopgan an Israel asin linapas niya an sakong tipan.”

Josue 7:25

Nagsabi si Josue, “Tano ta dinarahan mo kami nin kasakitan? Ngunyan ika an papasakitan nin Kagurangnan! Kaya ginapo ninda si Acan sagkod na magadan; ginapo man ninda asin sinulo an saiyang pamilya sagkod pagsadiri

1 Samuel 2:17

Siring kadakula an kasalan kan mga aking lalaki ni Eli sa atubang nin Kagurangnan, huli ta dai ninda iginalang an mga dolot para sa Kagurangnan.

1 Samuel 2:34

Sa oras na magadan sa parehong aldaw an mga aki mong lalaki na si Hofni saka si Finehas, iyan an tanda para saimo na magkakatotoo an gabos na itinaram ko.