Levitico 20:2 - Marahay na Bareta Biblia

² na sabihan an mga Israelita, “An siisay man saindo o sa mga dayuhan na nakikihimanwa sa saindo, na magtao kan arin man sa mga aki niya tanganing gamiton sa pagsamba ki Molec, gagapoon kan bilog na komunidad sagkod na magadan.

Levitico 20:2 Iomraidhean Croise

1 Mga Hade 11:7

Sa bukid sa sirangan nin Jerusalem, nagpatugdok siya nin sarong altar para ki Kemos, an makauuyam na dios nin Moab, asin para ki Molek, an nakakauuyam na dios nin Ammon.

2 Mga Hade 17:17

Tinutong ninda an saindang mga aking lalaki saka babae bilang mga atang. Naghula saka nangkulam sinda, asin itinalaga ninda an saindang sadiri sa paggibo kan maraot sa atubang nin Kagurangnan; pinaanggot ninda an Kagurangnan.

2 Mga Hade 23:10

Binasang-basang ni Hadeng Josias an Tofet, an paganong lugar na pagsasambahan sa Kapantayan nin Hinnom, tanganing mayo na nin magsakripisyo kan saindang aking lalaki o aking babae bilang dolot ki Molek.

2 Mga Cronica 28:3

dangan nagtutong siya nin insenso sa Kapantayan nin Hinnom. Tinutong niya an sadiri niyang mga aking lalaki bilang mga atang, sa pag-arog kan makauuyam na mga gawe kan mga nasyon na pinahale nin Kagurangnan mantang nagdadangadang an banwaan nin Israel.

2 Mga Cronica 33:6

Isinakripisyo niya an saiyang mga aking lalaki bilang mga tinutong na atang duman sa Kapantayan nin Hinnom. Naghula siya, nagsalamangka asin nangkulam. Nakihumapot siya sa mga parahula asin sa mga tawong nakikipag-olay sa mga espiritu. Nagkasala siya nin makuri sa Kagurangnan, na pinaanggot niya nin marahay.

Salmo 106:38

Ginadan ninda idtong mga inosenteng kaakian, kaya an daga nadigtaan nin dugo kan siring na panggagadan.

Jeremias 32:35

Naggibo sinda nin mga altar ki Baal sa Kapantayan nin Hinnom, tanganing idolot sa dios-dios na si Molec an saindang mga aking lalaki saka babae. Dai ako nagboot ni nag-isip na ipagibo sainda an siring na bagay asin papagkasalaon an mga taga Juda.”

Jeremias 7:31

Sa Kapantayan nin Hinnom guminibo sinda nin altar na inapod Tofet, tanganing tutongon duman an saindang mga aking lalaki asin mga aking babae bilang sakripisyo. Dai ko ipinagboot sainda na gibohon ini—dai ngani ini naglaog sa sakong isip.

Ezekiel 20:26

Tinugotan ko sindang digtaan an saindang sadiri huli kan saindang mga atang, asin pinabayaan ko sindang isakripisyo an saindang mga panganay na lalaki, tanganing matakot sinda asin mamidbid ninda na ako an Kagurangnan.

Ezekiel 20:31

Sagkod ngunyan nagdodolot kamo nin parehong mga atang asin dinidigtaan nindo an saindong sadiri, huli kan pagdolot nindo kan saindong mga aki bilang tinutong na sakripisyo sa mga dios-dios na ini. Dangan mahapot pa kamong mga Israelita kun ano an sakong kabotan! Siring na ako an Kagurangnan Dios na buhay, dai ako matugot na maghapot kamo sako.

Ezekiel 23:37

Nakidorog sinda sa bako nindang agom asin nanggadan—nakidorog sa mga dios-dios asin ginagadan an mga aki ko sainda. Isinakripisyo ninda an saindang mga aking lalaki sa mga dios-dios.

Ezekiel 23:39

Huli ta kan aldaw na gadanon ninda an sakong mga aki bilang sakripisyo para sa saindang mga dios-dios, nagduman man sinda sa sakong Templo dangan dinigtaan iyan!

Levitico 17:13

Kun an sarong Israelita o sarong dayuhan na nakikihimanwa sainda mang-ayam nin hayop o gamgam na pwedeng kakanon, papabuloson niya an dugo kaiyan sa daga dangan tatahoban.

Levitico 17:15

An siisay man na tawo, Israelita man o dayuhan, na kumakan kan karne nin hayop na nagadan o ginadan kan mga lalaw na hayop, kaipuhan na maglaba kan saiyang gubing asin magkarigos. Mahalat siya sagkod magbanggi dangan siya magigin malinig.

Levitico 17:8

An siisay man na Israelita o dayuhan na nakikihimanwa sainda na magdolot nin tinutong na atang o nin arin man na dolot

Levitico 18:21

Dai nindo ipagtao an arin man sa saindong mga aki tanganing tutongon para sa dios na si Molec, huli ta dadarahan nindo nin kasosopgan an ngaran kan saindong Dios, an Kagurangnan.

Levitico 20:1

Tinaraman nin Kagurangnan si Moises

Levitico 20:27

“An siisay man na lalaki o babaeng magkonsulta sa espiritu kan mga gadan, gagapoon sagkod na magadan; siya an responsable kan saiyang kagadanan.”

Levitico 24:14

“Daraha an lalaking iyan sa luwas kan kampo. An gabos na nakadangog saiya kan maglanghad siya, madoon kan saindang kamot sa saiyang payo, sa pagpatotoo na nagkasala siya. Dangan gagapoon siya kan bilog na komunidad sagkod na magadan.

Levitico 24:16

An siisay man na Israelita o dayuhan na nag-eerok sa Israel, na maglanghad sa Kagurangnan, gagadanon kan bilog na komunidad sa paagi nin paggapo.

Levitico 24:23

Pakasabi ni Moises kaini sa banwaan nin Israel, dinara ninda sa luwas kan kampo an lalaki asin duman ninda ini ginapo sagkod na magadan. Sa paaging ini inotob kan banwaan nin Israel an ipinagboot nin Kagurangnan ki Moises.

Mga Gibo 7:43

Pinagburuligan nindo an tolda kan dios-dios na si Moloc, asin an bitoon kan dios-dios nindong si Refan; mga ladawan na ginibo nindo tanganing sambahon. Kaya itatapok ko kamo sa ibong kan Babilonia.’

Deuteronomio 12:31

Dai nindo pagsambahon an Kagurangnan na saindong Dios siring kan pagsamba ninda sa saindang mga dios-dios, huli ta sa saindang pagsamba, minagibo sinda nin mangirhat na mga bagay na ikinakaongis nin Kagurangnan. Maski an saindang mga aki tinututong ninda sa saindang mga altar.

Deuteronomio 17:2

“Halimbawa, sa saro kan saindong mga banwa, igwa nin lalaki o babae na nagkasala sa Kagurangnan asin naglapas kan saiyang tipan

Deuteronomio 18:10

Dai nindo pagtutongon sa altar an saindong mga aki bilang atang; dai nindo pagtugotan an siisay man na Israelita na maghula, maghimalad, magtood-tood o mangkulam,

Deuteronomio 21:21

Dangan gagapoon siya kan mga lalaki kan syudad sagkod na siya magadan; sa siring na paagi mahahale sa tahaw nindo an karatan na ini. Madadangog ini kan bilog na Israel asin matatakot sinda.

Deuteronomio 22:21

dadarahon ninda an babae sa may pintoan kan harong kan saiyang ama. Duman gagapoon siya kan mga lalaki kan banwa sagkod na siya magadan. Nakaginibo siya nin karatan sa satong banwaan; nagpadorog siya bago nagpaagom, kan nag-eerok pa siya sa harong kan saiyang ama. Sa siring na paagi, mahahale saindo an karatan na ini.