Levitico 2:2 - Marahay na Bareta Biblia

² dangan dadarahon niya sa mga pading aki ni Aaron. Mahakbot an padi nin sarong gugom kan arina saka lana, kaiba an gabos na insenso dangan tututongon niya iyan sa altar bilang tanda na an gabos idinolot na sa Kagurangnan. An parong kaiyan nawiwilihan nin Kagurangnan.

Levitico 2:2 Iomraidhean Croise

Nehemias 13:14

Giromdoma, Dios ko, an mga ginibo kong ini para sa saimong Templo asin sa paglingkod diyan.

Nehemias 13:22

Pinagbotan ko an mga Levita na maglinig kan sadiri dangan magduman saka magbantay sa mga trangkahan tanganing mapabanal nanggad an Sabbath. Giromdoma ako, Dios ko, para sa bagay na ini, asin iligtas mo ako sosog sa kadakulaan kan danay mong pagkamoot.

Exodo 30:16

An kwartang ini kokolektahon mo sa mga tawo asin gagamiton para sa pag-ataman kan Tabernakulo. Ining buhis iyo an pantubos kan saindang buhay, asin magigiromdoman kong atamanon sinda.”

Isaias 66:3

“An mga tawo naggigibo kan saindang nawiwilihan. Sa sainda, pareho an pagbono nin baka bilang sarong sakripisyo asin an pagsakripisyo kan buhay nin sarong tawo. Pareho sainda an pagsakripisyo nin sarong kordero asin an pagbari kan liog nin sarong ayam; an pagtao nin dolot na pagkakan asin an pagdolot kan dugo nin orig; dangan an pagdolot nin insenso asin an pagpamibi sa sarong dios-dios.

Levitico 1:13

Huhugasan kan kagdolot an bituka asin an nasa hurihan na mga bitis kan hayop, dangan idodolot kan padi an bilog na atang; tututongon niya iyan gabos sa altar. An parong kaiyan nawiwilihan nin Kagurangnan.

Levitico 1:17

Dangan kakapotan niya an mag-ibong na pakpak asin babaakon niya an hawak, alagad dai niya pagsusuhayon. Pakatapos, tututongon niyang bilog an gamgam duman sa altar. An parong kaiyan nawiwilihan nin Kagurangnan.

Levitico 1:9

An kagdolot iyo an mahugas kan bituka asin kan nasa hurihan na mga bitis kan hayop. An padi iyo an matutong kan bilog na atang sa altar. An parong kaiyan nawiwilihan nin Kagurangnan.

Levitico 2:16

Bilang tanda, tututongon kan padi an kabtang kan dolot, an lana, asin an gabos na insenso. Iyan sarong dolot na pagkakan para sa Kagurangnan.

Levitico 2:9

Makua nin sadit na kabtang an padi bilang tanda na an gabos idinolot sa Kagurangnan asin tututongon niya iyan sa altar. An parong kaiyan nawiwilihan nin Kagurangnan.

Levitico 24:7

Dangan bugtakan nindo nin purong insenso an lambang taytay bilang sarong giromdom na dolot na pagkakan sa Kagurangnan kasalihid kan tinapay.

Levitico 4:31

Dangan hahaleon niya an gabos na taba, siring kan paghale niya sa taba kan mga hayop na binubuno bilang atang para sa katoninongan, asin tututongon niya iyan sa altar. An parong kaiyan nawiwilihan nin Kagurangnan. Sa paaging ini, idodolot kan padi an atang para sa kasalan kan nasabing tawo asin papatawadon siya.

Levitico 5:11

Alagad kun dai niya kayang magdolot nin duwang salampati o duwang agbaan, madara siya nin sarong kilong arina bilang dolot para sa saiyang kasalan. Dai niya iyan bubugtakan nin lana nin oliba o nin insenso, huli ta iyan sarong dolot para sa kasalan asin bakong dolot na pagkakan.

Levitico 5:12

Dadarahon niya iyan sa padi na makua nin sarong gugom kan arina bilang tanda na an gabos itinao sa Kagurangnan, asin tututongon niya duman sa altar bilang dolot na pagkakan; iyan sarong dolot na makakahale nin kasalan.

Levitico 6:15

Dangan mahakbot an padi nin sarong gugom kan arina saka lana, kaiba an gabos na insenso dangan tututongon niya iyan sa altar bilang tanda na an gabos idinolot sa Kagurangnan. An parong kan dolot na iyan nawiwilihan nin Kagurangnan.

Mga Bilang 5:18

Papalugayon niya an buhok kan babae asin ibubugtak niya an dolot na arina sa mga kamot kaini, dangan kakapotan kan padi an mangko nin mapait na tubig na nagdadara nin maldisyon.

Mga Bilang 5:26

Dangan mahakbot siya nin sarong gugom kan arina bilang sarong dolot na giromdom, asin tututongon niya sa altar. Pakatapos, papainomon niya kan tubig an babae.

Mga Gibo 10:4

Hiniling niya an anghel sa dakulang takot dangan nagsimbag, “Ano po Kagurangnan?” Sinabihan siya kan anghel, “Ikinaogma nin Dios an saimong mga pamibi saka an mga paglimos mo.