Levitico 2:13 - Marahay na Bareta Biblia

¹³ An gabos na dolot na gibo sa arina kaipuhan may timplang asin. An asin iyo an tanda kan tipan na satong ginibo. (Kaya bugtakan nindo nin asin an gabos nindong dolot.)

Levitico 2:13 Iomraidhean Croise

2 Mga Cronica 13:5

Dai nindo aram na an Kagurangnan, an Dios nin Israel, naggibo nin sarong dai malalapas na tipan ki David, dangan itinao nin Dios saiya saka sa saiyang mga aki an paghahade sa Israel sagkod pa man?

Esdras 7:22

sagkod na dai maglampas sa tres mil kwatro syentos na kilo nin plata, dyes mil na kilo nin trigo, dos mil na litro nin arak, dos mil na litro nin lana nin oliba, saka an gabos na asin na kaipuhan niya.

Exodo 30:35

Siring sa sarong paragibo nin pahamot, saralakon mo iyan tanganing magibong insenso. Asinan mo tanganing magin malinig saka banal.

Ezekiel 43:24

dangan darahon mo sako. Aasinan iyan kan mga padi dangan tututongon bilang sarong tinutong na atang para sako.

Mga Bilang 18:19

“Itinatao ko saimo, sa saimong mga aking lalaki, asin sa saimong mga aking babae sa gabos na panahon an gabos na espesyal na regalo na idodolot sako kan mga Israelita. Ini sarong daing kataposan na pakikipagtipan ko saimo saka sa saimong kapagarakian.”

Mateo 5:13

“Kamo an asin kan kinaban. Kun mawaran nin asgad an asin, paano pang mapaasgad iyan? Dai na iyan nin pakinabang, kaya inaapon na sana dangan binabatayan nin mga tawo.

Colosas 4:6

An saindong pakipag-olay sainda, kaipuhan danay na marahay saka makawiwili, asin kaipuhan tatao kamong magsimbag sa lambang saro.