Levitico 2:10 - Marahay na Bareta Biblia

¹⁰ An tada kan idinolot mapapaduman sa mga padi; banal iyan huli ta kabtang iyan kan pagkakan na idinolot sa Kagurangnan.

Levitico 2:10 Iomraidhean Croise

2 Mga Cronica 31:14

Si Kore, na aking lalaki kan Levitang si Imna na bantay kan Trangkahan sa Sirangan, iyo an namahala kan pag-ako asin paghiras kan mga boluntad na dolot sa Dios.

Esdras 2:63

Sinabihan sinda kan gobernador na Judio na dai sinda pwedeng magkakan kan idinolot sa Dios sagkod na mayo nin padi na pwedeng maggamit kan Urim asin Tummim.

Ezekiel 44:29

An dolot na pagkakan, an dolot para sa kasalan, asin an dolot para sa kabayadan nin kasalan iyo an magigin kakanon kan mga padi, asin mapapasainda an gabos na idinolot sako nin Israel.

Ezekiel 46:20

dangan nagsabi, “Digdi lalabonan kan mga padi an karneng dolot bilang sakripisyo para sa kasalan asin bilang kabayadan na atang; diyan man lulutoon an dolot na pagkakan, tanganing an anoman na banal dai madara sa patyong nasa luwas dangan may maraot na mangyari sa mga tawo.”

Levitico 10:12

Dangan sinabihan ni Moises si Aaron saka an duwang natatadang aking lalaki kaini na si Eleazar asin si Itamar, “Kuahon nindo an natadang pagkakan na idinolot sa Kagurangnan asin gumibo kamo nin tinapay na mayo nin lebadura dangan kakanon nindo sa may altar, huli ta iyan orog kabanal.

Levitico 14:13

Bubunoon niya an kordero duman sa pinagbubunoan kan mga hayop na idodolot bilang dolot para sa kasalan asin kan tinutong na atang. Gigibohon niya ini huli ta an dolot nin kabayadan sadiri kan padi asin orog kabanal, arog kan dolot para sa kasalan.

Levitico 2:3

An tada kan idinolot na pagkakan mapapaduman sa mga padi; banal iyan huli ta kabtang iyan kan pagkakan na idinolot sa Kagurangnan.

Levitico 21:22

Pwede siyang magkakan kan banal na dolot na pagkakan asin kan pinakabanal na pagkakan na idinolot sa sako,

Levitico 5:13

Sa paaging iyan idodolot kan padi an atang para sa kasalan kan nasabing tawo asin papatawadon siya. An matadang arina magigin pagsadiri kan padi, arog sa dolot na pagkakan.

Levitico 6:16

An matatadang arina saka lana gigibohon na tinapay na mayo nin lebadura asin kakakanon kan mga padi sa sarong banal na lugar, duman sa patyo kan Tabernakulo. Itinao na iyan nin Kagurangnan sa mga padi bilang saindang kahirasan sa mga dolot na pagkakan. Banal iyan arog kan mga dolot para sa kasalan asin kan dolot na kabayadan.

Levitico 6:23

Tututongon gabos an lambang dolot na pagkakan nin sarong padi; dai iyan pwedeng kakanon.

Levitico 6:9

na itao ki Aaron asin sa saiyang mga aking lalaki an minasunod na pagsusundon manongod sa tinutong na atang. Ibubugtak sa altar an tinutong na atang, asin an kalayo sa altar papabayaan na maglaad sa bilog na banggi.

Levitico 7:7

Saro sana an pagboot manongod sa dolot para sa kasalan asin para sa dolot nin kabayadan: an karne magigin sadiri kan padi na nagdolot kan atang.

Mga Bilang 18:9

Sa mga dolot na orog kabanal na dai tinutong sa altar, an minasunod iyo an saimong kahirasan: an dolot na pagkakan, an dolot para sa kasalan, asin an dolot nin kabayadan. Mapapasaimo asin sa mga aki mo an gabos na idinodolot sako bilang sarong sagradong dolot.

1 Samuel 2:28

Pinili ko an saiyang pamilya hale sa gabos na tribu nin Israel tanganing magin sakong mga padi, maglingkod sa altar, magtutong nin insenso, asin magsulot kan efod sa pag-aram kan sakong kabotan. Itinao ko sainda an deretso na magkua nin sarong kabtang kan mga atang na tinututong sa altar.