Levitico 19:3 - Marahay na Bareta Biblia

³ Galangan kan lambang saro saindo an saiyang ina saka ama, asin otobon nindo an sakong mga Sabbath. Ako an Kagurangnan na saindong Dios.

Levitico 19:3 Iomraidhean Croise

Genesis 48:12

Dangan hinale ni Jose an mga aki sa pagkakatukaw ninda sa tabay ni Jacob asin nagdapa siya sa atubang ni Jacob.

Nehemias 9:14

Tinukdoan mo sinda na pakabanalon an saimong mga Sabbath, asin huli kan saimong sorogoon na si Moises itinao mo sainda an saimong katogonan.

Exodo 16:29

Giromdoma nindo na tinawan ko kamo nin aldaw nin pahingalo, kaya sa ikaanom na aldaw tinatawan ko kamo nin pagkakan para sa duwang aldaw. An lambang saro dai maghale sa saiyang lugar asin mayong magluwas sa harong sa ikapitong aldaw.”

Exodo 20:12

“Galangan nindo an saindong ama asin ina, tanganing mabuhay kamo nin halawig sa dagang itatao ko sa saindo.

Exodo 20:8

“Giromdoma nindo an Sabbath asin pakabanala nindo iyan.

Exodo 21:15

“An siisay man na magkulog kan sadiring ama o ina dapat gadanon.

Exodo 21:17

“An siisay man na magmaldisyon sa sadiring ama o ina dapat gadanon.

Mga Talinhaga 1:8

Aki ko, hinanyoga an hulit kan saimong ama, asin dai mo ipagsikwal an katukdoan kan saimong ina;

Mga Talinhaga 23:22

Hinanyoga an saimong ama na nagtao saimo nin buhay, asin dai mo pagbasang-basangon an saimong ina sa saiyang paggurang.

Mga Talinhaga 30:11

Igwa nin mga tawo na minamaldisyon sa saindang ama asin dai minaomaw sa saindang ina.

Mga Talinhaga 30:17

An siisay man na nag-oolog-olog sa saiyang ama o nagsisikwal sa saiyang ina sa paggurang kan mga ini dapat na ipakakan sa mga bwitre o ipatuka an mga mata sa mga uwak.

Isaias 58:13

An Kagurangnan nagsasabi, “Kun galangan nindo an Sabbath bilang sagradong aldaw, asin dai kamo maggibo kan saindong nawiwilihan sa aldaw na iyan; kun pahalagahan nindo an sakong banal na aldaw asin galangan nindo iyan sa paagi kan dai pagbyahe, pagtrabaho, o pagtaram nin mga mayong kahulogan,

Ezekiel 20:12

Pinaotob ko sainda an Sabbath bilang tanda kan samong tipan, tanganing pagiromdomon sinda na ako, an Kagurangnan, iyo an nagpapabanal sainda.

Levitico 11:44

Ako an Kagurangnan na saindong Dios; kaipuhan na kamo magin banal huli ta ako banal.

Levitico 19:25

Alagad sa ikalimang taon, an ibubunga kaiyan pwede na nindong kakanon. Kun gibohon nindo ini, orog na mamumunga an mga kahoy nindo. Ako an Kagurangnan na saindong Dios.

Levitico 19:30

Otobon nindo an Sabbath, asin galangan nindo an lugar na pinagsasambahan sako. Ako an Kagurangnan.

Levitico 19:31

“Dai kamo maghagad nin hatol sa mga espiritista. Kun gibohon nindo iyan, magigin maati kamo. Ako an Kagurangnan na saindong Dios.

Levitico 19:34

Gibohon nindo sainda an ginigibo nindo sa kapwa nindo Israelita. Kamotan nindo sinda siring kan pagkamoot nindo sa saindo man sana. Giromdomon nindo na kamo nagin mga dayuhan man sa Egipto. Ako an Kagurangnan na saindong Dios.

Levitico 23:3

Magtrabaho kamo sa laog nin anom na aldaw, alagad an ikapitong aldaw iyo an Sabbath nin solemning pahingalo, sarong banal na pagtiripon; dai kamo magtrabaho. Saen man kamo mag-erok, giromdomon nindong an aldaw na iyan sarong Sabbath para sa Kagurangnan.

Levitico 26:2

Otobon nindo an sakuyang mga Sabbath asin galangan nindo an lugar na pinagsasambahan sako. Ako an Kagurangnan.

Malakias 1:6

Nagsasabi an Kagurangnan nin mga hukbo sa mga padi, “Ginagalangan kan aking lalaki an saiyang ama, asin kan sorogoon an saiyang kagurangnan. Ako an saindong ama—tadaw ta dai nindo ako ginagalangan? Ako an saindong kagurangnan—tano ta dai nindo ako ginagalangan? Binabasang-basang nindo ako, asin minahapot pa kamo, ‘Paano mi ika binasang-basang?’

Deuteronomio 27:16

“‘Maldisyonon an siisay man na dai maggalang sa saiyang ama saka ina.’ “Dangan an bilog na banwaan masimbag, ‘Amen!’

Deuteronomio 5:16

“‘Galangan nindo an saindong ama asin ina, siring na ako, an Kagurangnan na saindong Dios, an nagboboot sa saindo, tanganing maghalawig an saindong buhay asin mapakarahay kamo duman sa daga na itinatao ko saindo.

Hebreyo 12:9

Dinidisiplina kita kan satong mga ama sa daga kaya ginagalangan ta sinda. Ano pa daw kun kita magpasakop sa Ama na yaon sa langit ngani kitang mabuhay!