Levitico 19:10 - Marahay na Bareta Biblia

¹⁰ Dai man nindo pag-uboson an mga ubas sa saindong ubasan, ni magporot kan mga nagkahurulog; bayaan na nindo iyan para sa mga dukha asin sa mga dayuhan. Ako an Kagurangnan na saindong Dios.

Levitico 19:10 Iomraidhean Croise

Isaias 17:6

Kadikit sanang tawo an matatada, asin an Israel makakaarog sa sarong kahoy nin oliba na ginunoan nin mga bunga: duwa o tolo sanang bunga kaini an matatada sa mga sanga sa itaas o sa ibaba. Ako, an Kagurangnan Dios nin Israel, an nagtaram.”

Isaias 24:13

Siring kaini an mangyayari sa lambang nasyon sa kinaban. Makakaarog iyan sa kataposan kan pag-ani, pakatapos na parakdagon an gabos na oliba sa lambang poon asin gunoon sa balagon an huring ubas.

Jeremias 49:9

Kun an mga tawo nagguguno nin mga ubas, iwinawalat ninda sa mga balagon an nagkapirang ubas. Kun nananalakat an mga mahabon, kinukua sana ninda an saindang nagustohan.

Levitico 11:44

Ako an Kagurangnan na saindong Dios; kaipuhan na kamo magin banal huli ta ako banal.

Levitico 19:11

“Dai kamo maghabon o magdaya o magputik.

Levitico 19:25

Alagad sa ikalimang taon, an ibubunga kaiyan pwede na nindong kakanon. Kun gibohon nindo ini, orog na mamumunga an mga kahoy nindo. Ako an Kagurangnan na saindong Dios.

Levitico 19:9

“Kun mag-ani kamo kan saindong mga oma, dai nindo pag-anihon an yaon sa mga gilid kan oma, asin dai na nindo pagbalikan an mga natada.

Levitico 23:22

“Kun mag-ani na kamo kan saindong oma, dai nindo pag-anihon an mga nasa gilid kan saindong oma, asin dai na kamo magbalik tanganing anihon pa an mga natada; iwalat nindo iyan para sa mga dukha asin sa mga dayuhan. Ako an Kagurangnan na saindong Dios.”

Levitico 25:6

Maski dai nindo inataman an daga sa taon na iyan, matao man giraray iyan nin pagkakan sa saindo, sa mga oripon nindo, sa mga nagpapatandan saindo, sa mga dayuhan na nakikihimanwa saindo,

Obadias 1:5

“Kun minadatong sa banggi an mga parahabon, kinukua sana ninda an magustohan ninda. Kun minaguno nin mga ubas an mga tawo, minatada sinda nin dikit na bunga. Alagad pinara ka nanggad kan saimong mga kawal.

Mikas 7:1

Herak man sa sako! Nakakaagid ako sa sarong gutom na tawong mayong nakukuang bunga sa mga kahoy asin ubas sa mga balagon. Ginuno na an gabos na ubas asin an masisiram na higera.

Deuteronomio 24:19

“Kun sa pagtipon nindo kan saindong ani, nalingawan nindo sa oma an sarong ginuygoy na trigo, dai na nindo idto pagbalikan. Pabayaan na nindo idto sa mga dayuhan, mga ilo asin mga babaeng balo tanganing bendisyonan kamo nin Kagurangnan na saindong Dios sa gabos nindong gibo.

Deuteronomio 24:20

Kun ginunoan na nindo nin makasarong beses an saindong mga oliba, dai na nindo pagbalikan an natada; pabayaan na nindo idto sa mga dayuhan, mga ilo asin mga babaeng balo.

Deuteronomio 24:21

Kun ginunoan na nindo nin makasarong beses an saindong ubasan, dai na nindo pagbalikan an natada; pabayaan na nindo idto sa mga dayuhan, mga ilo asin mga babaeng balo.

Hukom 8:2

Sinimbag niya sinda, “Dai ko ikakabaing sa saindong ginibo an sakong ginibo. An dikit na ginibo nindong mga kalalakihan nin Efraim orog pang mahalaga ki sa ginibo kan bilog kong kamaganakan.

Ruth 2:2

Sarong aldaw, nagsabi si Ruth ki Naomi, “Tugote akong magduman sa oma tanganing manirot kan mga nagkawaralat na trigo kan mga paraani. May paglaom ako na manunumpongan ko an tawong matugot sako na magtrabaho sa hurihan niya.” Nagsimbag si Naomi, “Lakaw na, aki ko.”