Levitico 18:3 - Marahay na Bareta Biblia

³ Dai nindo pag-arogon an mga ginigibo kan mga tawo sa daga nin Egipto, na nagin erokan nindo o an mga ginigibo kan mga nag-eerok sa Canaan, na pagdadarahan ko saindo.

Levitico 18:3 Iomraidhean Croise

2 Mga Hade 17:8

dangan inarog ninda an mga gawe kan mga nasyon na pinahale nin Kagurangnan kan magdangadang an banwaan nin Israel, asin inako ninda an mga kaugalean kan mga hade nin Israel.

Salmo 106:35

kundi nakipag-agoman sinda sa mga pagano, asin inarog an saindang mga gibo.

Exodo 23:24

Dai kamo magduko o magsamba sa saindang mga dios-dios, o mag-arog kan saindang mga ginigibo. Raoton nindo an saindang mga dios-dios asin gabaon nindo an saindang mga banal na hariging gapo.

Ezekiel 23:8

Nagpadagos siya bilang sarong maraot na babae, gawe na pinonan niya duman sa Egipto, saen nawara niya an saiyang pagkabirhen. Magpoon kan hoben pa siya, dinorogan na siya nin mga lalaki asin ibinilang na sarong maraot na babae.

Levitico 20:23

Dai nindo pag-arogon an mga kaugalean kan mga nag-eerok duman; isinusuka ko sinda, tanganing makalaog kamo sa saindang daga. Naggibo sinda nin mga karigsokan, kaya nauyam ako sainda.

Roma 12:2

Dai kamo makibagay sa kinaban na ini, kundi bayaan nindong bagohon kamo nin Dios huli sa pagbago kan saindong isip, tanganing mapatotoohan nindo kun ano an marahay, an maaako asin an mayong kakulangan na kabotan nin Dios.

Deuteronomio 12:4

“Dai nindo pagsambahon an Kagurangnan na saindong Dios siring kan pagsamba kan mga tawong iyan sa saindang mga dios-dios.

Deuteronomio 29:17

Nahiling nindo an saindang makauuyam na mga gibo, an saindang mga dios-dios na gibo sa kahoy, gapo, plata asin bulawan.

Deuteronomio 9:4

“Pakapahalea sainda nin Kagurangnan na saindong Dios para saindo, dai kamo magsabi na itinao niya saindo an dagang iyan huli ta maninigo kamong mag-ako kaiyan. An totoo, papahaleon nin Kagurangnan an mga nasyon na iyan sa pagdangadang nindo huli ta mga maraot sinda.