Levitico 11:7 - Marahay na Bareta Biblia

⁷ Dai kamo magkakan nin orig. Ibilang nindo iyan sa mga maating hayop; baak an mga kuku kaiyan alagad dai minasapa kan saiyang pagkakan.

Levitico 11:7 Iomraidhean Croise

Isaias 65:4

Pagkabanggi, minaduman sinda sa mga lungib saka lulubngan tanganing makihumapot sa mga espiritu kan gadan. Nagkakakan sinda kan karne nin orig asin nag-iinom kan sabaw kan karne na idinolot sa mga paganong sakripisyo.

Isaias 66:17

Nagsasabi an Kagurangnan, “Harani na an kataposan para sa mga nagrilinig kan saindang sadiri para sa paganong pagsasamba, sa mga tawong nagduduman sa banal na mga tatamnan, asin sa mga nagkakakan nin karne nin orig saka kino patin mga maating kakanon.

Isaias 66:3

“An mga tawo naggigibo kan saindang nawiwilihan. Sa sainda, pareho an pagbono nin baka bilang sarong sakripisyo asin an pagsakripisyo kan buhay nin sarong tawo. Pareho sainda an pagsakripisyo nin sarong kordero asin an pagbari kan liog nin sarong ayam; an pagtao nin dolot na pagkakan asin an pagdolot kan dugo nin orig; dangan an pagdolot nin insenso asin an pagpamibi sa sarong dios-dios.

Levitico 11:3

na baak an mga kuku asin minasapa kan saindang pagkakan.

Levitico 11:8

Dai kamo magkakan kan karne o magduta sa gadan na hawak kan mga iyan, huli ta maati an mga iyan.

Mateo 7:6

“Dai nindo ipagtao an bagay na banal sa mga ayam ta tibaad kagaton kamo; dai nindo ipag-apon an saindong mga perlas sa mga orig ta tibaad timak-timakan ninda an mga iyan.

Lukas 15:15

Kaya nagdolok siya asin nagpatandan sa saro na taga duman; isinubol siya kaini sa saiyang oma tanganing mag-ataman kan mga orig.

Lukas 8:33

Kaya nagruluwas an mga demonyo sa lalaki saka nagralaog sa mga orig. Duminaralagan an mga orig pasiring sa ampas, nagralampaw sa danaw asin nagkaralamos.

Deuteronomio 14:8

Dai kamo magkakan nin orig; ibilang nindo iyan sa mga maating hayop; baak an mga kuku kaiyan alagad dai minasapa kan saiyang pagkakan. Dai kamo magkakan kan karne o magduta sa gadan na orig.