Levitico 10:9 - Marahay na Bareta Biblia

⁹ “Dai ka nanggad maglaog sa Tabernakulo ni an saimong mga aki, kun kamo nakainom nin arak o maisog na inomon; sa oras na gibohon nindo iyan, magagadan kamo. Saro ining pagsusundon na ootobon nindo sa gabos na henerasyon.

Levitico 10:9 Iomraidhean Croise

Exodo 27:21

Aldaw-bangging aatamanon ni Aaron asin kan saiyang mga aki an ilawan na ibubugtak sa laog kan Tabernakulo, sa luwas kan kurtina saka sa atubangan kan Kaban nin Tipan. An pagboot na ini ootobon kan mga Israelita asin kan saindang mga kapagarakian sagkod pa man.

Mga Talinhaga 20:1

An arak mayo nin karahayan na itinatao sa tawo; asin kamangmangan an magpakaburat sa arak.

Isaias 28:7

Burat an mga propeta saka mga padi, kaya nagsasayasay sinda. Nagkakadarasmag sinda sa karibongan huli ta dakul an nainom nindang arak. Sobra an kaburatan kan mga propeta tanganing masabotan ninda an ipinadarang mga bisyon nin Dios. Siring man an mga padi; dai na sinda nakakahatol kan mga kaso na dinadara sainda.

Ezekiel 44:21

Dai sinda dapat mag-inom nin anoman na arak bago magduman sa patyong nasa laog.

Oseas 4:11

Nagsasabi an Kagurangnan, “An arak, daan man o bago, iyo an naghahale kan pakasabot kan sakong banwaan!

Levitico 10:8

Tinaraman nin Kagurangnan si Aaron,

Levitico 3:17

Sagkod pa man dai nin siisay man sa mga Israelita an pwedeng magkakan kan taba saka dugo; iyan sarong pagboot na kukuyogon kan gabos na Israelita saen man sinda mag-erok.

Mga Bilang 6:20

Pakatapos, an mga ini idodolot kan padi sa Kagurangnan bilang espesyal na regalo; an mga ini iyo an banal na kahirasan kan padi, kaiba an daghan saka bitis kan karnero. Kun magibo na ini, pwede nang uminom nin arak an Nazireo.

Mga Bilang 6:3

dai siya mag-iinom nin arak o nin ano man na maisog na inomon. Dai siya mainom nin arak hale sa duga kan mga ubas asin dai siya makakan nin ubas o pasas.

Lukas 1:15

huli ta siya magigin dakulang tawo sa atubang nin Kagurangnan. Dai siya mainom nin arak o anoman na maisog na inomon. Mapapano siya kan Espiritu Santo maski nasa tulak pa sana siya kan saiyang ina.

Efeso 5:18

Dai kamo magburat, huli ta mararaot an buhay nindo; kundi mapano logod kamo kan Espiritu.

1 Timoteo 3:3

Bako siya paraburat o parapakiiwal, kundi mahuyo, matoninong saka bakong makikwarta.

1 Timoteo 3:8

An mga diakono sa simbahan dapat man na marahay an ugale saka bakong parasagin-sagin, bakong paraburat asin bakong ganid sa kwarta.

1 Timoteo 5:23

Bakong tubig sana an inomon mo, kundi uminom ka man nin dikit na arak, para sa ikakarahay kan saimong tulak asin kan dayaday mong mga helang.

Tito 1:7

An sarong lider dapat na mayo nin katuyawan bilang pinaniniwalaan kan trabaho nin Dios; bakong mapalangkaw, o aranggoton, o paraburat, o parapakiiwal, o makikwarta.