Levitico 10:6 - Marahay na Bareta Biblia

⁶ Sinabihan ni Moises si Aaron asin an mga aki kaining si Eleazar saka si Itamar, “Dai nindo pagpabayaan na dai masukray an saindong buhok asin dai nindo paggision an saindong mga gubing sa pagpahiling na kamo nagmomondo. Kun gibohon nindo iyan, magagadan kamo asin maaanggot an Kagurangnan sa bilog na banwaan. Alagad tinutugotan an kapwa nindo Israelita na ipagmondo an kagadanan na ini huli sa ipinadarang kalayo nin Kagurangnan.

Levitico 10:6 Iomraidhean Croise

2 Samuel 24:1

Naanggot giraray an Kagurangnan sa Israel asin hiniro niya si David na iyo an magdara nin kasakitan sa sainda. Tinaraman nin Kagurangnan si David, “Lakaw asin sensohon mo an mga tawo nin Israel saka Juda.”

Esdras 7:5

Si Bukki aki ni Abisua, na aki ni Finehas, na aki ni Eleazar, na aki ni Aaron, an Halangkaw na Padi.

Exodo 33:5

Huli ta ipinagboot nin Kagurangnan ki Moises na sabihan an mga Israelita, “Saro kamong banwaan na matagas an payo. Kun mag-iba ako saindo maski dikit sanang panahon, tutunawon ko kamo. Kaya halea nindo ngunyan an saindong mga alahas, asin madesisyon ako kun ano an gigibohon ko sa saindo.”

Exodo 6:23

Inagom ni Aaron si Eliseba na aki ni Amminadab asin tugang ni Nason; nagin mga aki ninda si Nadab, Abihu, Eleazar saka Itamar.

Jeremias 7:29

“Pagmondo kamo, mga taga Jerusalem; putolon nindo an saindong buhok asin tapokan sa harayo. Manambitan kamo sa ibabaw kan kabubuldan, huli ta ako, an Kagurangnan, naaanggot asin isinisikwal ko an sakong banwaan.

Levitico 13:45

An sarong tawong igwa nin nakakatakot na helang sa kublit kaipuhan magsulot nin girising gubing, dai magsukray, magtahob kan saiyang lalawogon asin magkurahaw nin “Maati, maati!”

Mikas 1:16

Mga taga Juda, putola an saindong mga buhok sa pagmondo para sa namomotan nindong kaakian. Aroga nindo an pagkaangas kan bwitre, huli ta itatapok an saindong kaakian.

Mga Bilang 1:53

Alagad an mga Levita makampo sa palibot kan Tabernakulo sa pagbantay kaiyan, tanganing mayo nin makadolok diyan na magigin dahelan kan pagkaanggot ko sa bilog na komunidad nin Israel.”

Mga Bilang 14:6

Huli sa kamondoan, ginisi ni Josue na aki ni Nun asin ni Caleb na aki ni Jefunne an saindang mga gubing. An duwang espiyang ini, na kaibahan kan mga nagsiyasat kan daga,

Mga Bilang 16:22

Alagad nagdapa sa daga si Moises saka si Aaron, dangan nagsabi, “O Dios na kagtao nin buhay sa gabos, kun nagkakasala an saro katawo, maaanggot ka daw sa bilog na komunidad?”

Mga Bilang 18:5

Ika asin an saimong mga aki iyo sana an magibo kan katongdan para sa Banal na Lugar asin sa altar tanganing an sakong kaanggotan dai mag-abot sa banwaan nin Israel.

Mga Bilang 20:25

Ipag-iba mo sa itaas kan Bukid nin Hor si Aaron asin an saiyang aking si Eleazar.

Mga Bilang 5:18

Papalugayon niya an buhok kan babae asin ibubugtak niya an dolot na arina sa mga kamot kaini, dangan kakapotan kan padi an mangko nin mapait na tubig na nagdadara nin maldisyon.

Deuteronomio 33:9

Pinaorog ka niya ki sa saiyang ama asin ina, ki sa mga tugang asin mga aki niya. Kinuyog kan mga Levita an saimong mga kabotan, inotob ninda an saimong tipan.

Josue 22:18

Nagsasayuma na kamo ngunyan sa pagsunod saiya? Kun magtumang kamo sa Kagurangnan ngunyan, maaanggot siya sa bilog na Israel sa aga.

Josue 22:20

Giromdoma nindo an pagsuhay ni Acan, na aki ni Zera, sa pagboot manongod sa mga bagay na dapat suloon; pinadusahan an bilog na Israel huli kaidto. Bako lamang si Acan an nagadan huli kan saiyang kasalan.”

Josue 7:1

Alagad dai nasunod an pagboot nin Kagurangnan sa Israel na dai magkua sa Jerico kan mga bagay na susuloon. Sarong lalaki na an ngaran Acan an naglapas kan pagboot na ini, kaya naanggot an Kagurangnan sa mga Israelita. (Si Acan iyo an aki ni Carmi asin makoapo ni Zabdi kan kamaganakan ni Zera kan tribu ni Juda.)

Josue 7:11

Nagkasala an Israel! Linapas ninda an sakong tipan na ipinagboot ko sainda. Nagkua sinda kan mga bagay na ipinagboot kong suloon. Hinabon ninda iyan, nagputik manongod kaiyan, asin tinago kaiba kan saindang mga kagamitan.