Levitico 10:1 - Marahay na Bareta Biblia

¹ An mga aki ni Aaron na si Nadab saka si Abihu parehong nagkua kan saindang insensaryo, binugtakan nin baga asin insenso dangan idinolot an kalayo sa Kagurangnan. Alagad bakong banal an kalayo huli ta dai man sinda pinagbotan nin Kagurangnan na magdolot.

Levitico 10:1 Iomraidhean Croise

1 Mga Hade 18:38

Dangan naghulog an kalayo nin Kagurangnan; tinutong kaini an atang, an igatong asin an mga gapo saka an daga. Nagmara an tubig sa kali.

Salmo 141:2

Akoon mo an sakong pamibi siring sa insenso; asin an initaas kong mga kamot bilang pamangging atang.

Exodo 24:1

Nagtaram an Kagurangnan ki Moises, “Tumukad kamo pasiring sako, ika, si Aaron, si Nadab, si Abihu asin an setenta kan kamagurangan nin Israel; asin mantang harayo pa kamo, magsamba kamo sako.

Exodo 24:9

Nagturukad sa bukid si Moises, si Aaron, si Nadab, si Abihu asin an setentang mga lider nin Israel.

Exodo 27:3

Gumibo kamo nin mga kawa na bubugtakan kan abo; gumibo man kamo nin mga pala, mangko, pansipit saka mga bugtakan nin baga. Gibohon nindo iyan gabos sa bronse.

Exodo 28:1

“Ipaapod mo si Aaron na saimong tugang sagkod an saiyang mga aki na si Nadab, Abihu, Eleazar asin si Itamar. Laenon mo sinda sa gabos na Israelita tanganing maglingkod sako bilang mga padi.

Exodo 31:11

an panlahid na lana, dangan an mahamot na insenso para sa Banal na Lugar. Gigibohon ninda ini gabos siring nanggad sa ipinagboot ko saimo.”

Exodo 37:29

Ginibo man niya an banal na lanang panlahid, asin an puro saka mahamot na insenso na sinalak siring sa pahamot.

Exodo 38:3

Ginibo man niya an gabos na kagamitan kan altar: mga kawa, mga pala, mga mangko, mga kawit asin mga bugtakan nin baga. Ginibo niya ini gabos sa bronse.

Exodo 40:27

asin tinutong niya sa altar an mahamot na insenso, siring sa ipinagboot nin Kagurangnan.

Exodo 6:23

Inagom ni Aaron si Eliseba na aki ni Amminadab asin tugang ni Nason; nagin mga aki ninda si Nadab, Abihu, Eleazar saka Itamar.

Exodo 8:27

Kaipuhan na maglakaw kami nin tolong aldaw pasiring sa kalangtadan tanganing mag-atang sa Kagurangnan na samong Dios, siring sa ipinagboot niya samo.”

Jeremias 19:5

Nagtugdok sinda nin mga altar para ki Baal tanganing tutongon an saindang mga aki bilang sakripisyo. Dai ko ipinagboot na gibohon ninda ini; dai lamang iyan naglaog sa sakong isip.

Jeremias 32:35

Naggibo sinda nin mga altar ki Baal sa Kapantayan nin Hinnom, tanganing idolot sa dios-dios na si Molec an saindang mga aking lalaki saka babae. Dai ako nagboot ni nag-isip na ipagibo sainda an siring na bagay asin papagkasalaon an mga taga Juda.”

Jeremias 44:15

Dangan an gabos na kalalakihan na nakaaram na an saindang mga agom nagtututong nin insenso sa mga dios-dios, asin an gabos na kababaehan na nagtitindog duman kaiba an mga Israelita na nag-eerok sa habagat na parte kan Egipto—na sarong dakulang katiriponan—nagsimbag sako,

Jeremias 44:8

Tadaw ta pinapaanggot nindo ako sa pagsamba nindo sa mga ladawan asin pagsakripisyo sa mga dios-dios digdi sa Egipto, na saindong pinag-eerokan? Ginigibo daw nindo ini sa pagraot kan saindong mga sadiri, tanganing magin subahan kamo kan gabos na nasyon saka gamiton ninda an saindong ngaran bilang sarong maldisyon?

Jeremias 7:31

Sa Kapantayan nin Hinnom guminibo sinda nin altar na inapod Tofet, tanganing tutongon duman an saindang mga aking lalaki asin mga aking babae bilang sakripisyo. Dai ko ipinagboot sainda na gibohon ini—dai ngani ini naglaog sa sakong isip.

Levitico 16:1

Pakagadan kan duwang aking lalaki ni Aaron huli sa pagdolot ninda sa Kagurangnan nin bakong banal na kalayo,

Levitico 16:12

Makua siya nin insensaryo na pano nin baga na hale sa altar saka duwang gugom nin pinong insenso. Dadarahon niya ini duman sa Kabanal-banaleng Lugar

Levitico 22:9

“Kaipuhan otobon kan gabos na padi an itinao kong mga pagboot, tanganing dai sinda magkasala asin magadan huli sa paglapas ninda kaiyan. Ako an Kagurangnan na nagpapabanal sainda.

Levitico 9:24

Biglang ipinadara nin Kagurangnan an kalayo asin inubos kaini an tinutong na atang saka an mga taba na nasa altar. Kan mahiling ini kan mga tawo, nagkururahaw sinda gabos asin nagdarapa sa daga.

Mga Bilang 16:46

dangan nagsabi si Moises ki Aaron, “Kuahon mo an saimong insensaryo, bugtakan mo kan baga sa altar, asin bugtakan mo nin insenso an baga. Daraha an insensaryo pasiring sa mga tawo asin gibohon mo an seremonya nin paglinig para sainda. Maghidali ka! Anggot na an Kagurangnan asin nagpoon na an peste.”

Mga Bilang 26:61

Nagadan si Nadab asin si Abihu kan magdolot sinda sa Kagurangnan nin bakong banal na kalayo.

Mga Bilang 4:18

“Dai nindo pagbayaan an kamaganakan ni Kohat

Deuteronomio 12:32

“Giboha nindo an gabos na ipinagboboot ko; dai nindo iyan pagdagdagan o pag-inaan nin ano man.

Deuteronomio 17:3

sa pagsamba asin paglingkod sa ibang mga dios o sa pagsamba sa aldaw, sa bulan o sa mga bitoon, na tumang sa pagboot nin Kagurangnan.

Deuteronomio 4:2

Dai nindo pagdagdagan o pag-inaan an mga ipinagboot ko saindo. Kuyogon nindo an mga pagboot nin Kagurangnan na saindong Dios na itinao ko saindo.

Hebreyo 9:4

Nasa laog kaini an bulawan na altar na pinagtututongan kan insenso, saka yaon man digdi an Kaban nin Tipan na napapatos nin bulawan. Sa laog kan kaban igwa nin dulay na bulawan na namumugtakan kan manna; yaon man an nagdahon na sugkod ni Aaron saka an duwang gapo na nasusuratan kan mga togon.