Levitico 1:4 - Marahay na Bareta Biblia

⁴ Iduduta niya an saiyang kamot sa ibabaw kan payo kan hayop, asin aakoon iyan bilang pantubos kan saiyang mga kasalan.

Levitico 1:4 Iomraidhean Croise

Exodo 28:38

Mamumugtak ini sa angog ni Aaron; siya an maako kan anoman na nagibong kasalan sa pagdolot kan mga tawo kan saindang atang. Danay na mamumugtak sa angog ni Aaron an koronang ini tanganing akoon ko an saindang atang.

Exodo 29:10

“Darahon mo sa atubangan kan Tabernakulo an torilyong baka asin sabihan mo si Aaron saka an saiyang mga aki na iduta an saindang mga kamot sa ibabaw kan payo kan torilyong baka.

Exodo 29:15

“Dangan kuahon mo an saro sa duwang karnerong lalaki asin sabihan mo si Aaron saka an saiyang mga aking lalaki na iduta an saindang mga kamot sa ibabaw kan payo kan karnero.

Exodo 29:19

“Kuahon mo an saro pang karnero asin sabihan mo si Aaron saka an saiyang mga aki na iduta an saindang mga kamot sa ibabaw kan payo kan karnero.

Exodo 29:33

Kakakanon ninda an dolot para sa pagpatawad kan kasalan kan sinda konsagrahon asin ordenan. Mga padi sana an makakan kan mga pagkakan na ini huli ta ini banal.

Isaias 56:7

“Dadarahon ko kamo sa Sion, an sakong banal na bukid, tatawan ko nin kaogmahan sa sakong harong nin pamibian, asin aakoon ko an mga sakripisyo na idinodolot nindo sa sakong altar. An sakong Templo aapodon na harong nin pamibian para sa gabos na banwaan.”

Ezekiel 45:15

Sa karnero, saro an idolot nindo sa lambang dos syentos. Ini an saindong mga dolot na pagkakan, mga tinutong na atang asin dolot para sa katoninongan, tanganing patawadon an saindong mga kasalan. Ako, an Kagurangnan Dios, an nagboboot kaini.

Daniel 9:24

“Kwatro syentos nubentang taon an itinalaan nin Dios sa pagtalingkas sa saimong banwaan saka sa saimong syudad sa kasalan asin sa karatan. Papatawadon an kasalan asin papadanayon an hustisya, tanganing patotoohan an bisyon saka an propesiya, asin konsagrahon giraray an banal na Templo.

Levitico 16:21

Iduduta niya an saiyang mga kamot sa ibabaw kan payo kan kanding dangan ikukumpisal niya an gabos na karatan kan banwaan nin Israel, an saindang mga kasalan asin kasombikalan. Sa paaging ini, ibinabalyo niya an gabos na karatan sa payo kan kanding. Pakatapos kaiyan, aalawon an kanding pasiring sa desyerto kan lalaking napili na mag-alaw kaiyan.

Levitico 16:24

Dangan makarigos siya sa sarong banal na lugar saka isusulot an sadiri niyang gubing bago siya magluwas. Pakatapos, idodolot na niya an tinutong na atang tanganing mahale an saiyang mga kasalan asin kan mga Israelita.

Levitico 22:21

Kun may magdara sa Kagurangnan nin dolot para sa katoninongan sa pag-otob nin sarong panuga o bilang sarong boluntad na dolot, kaipuhan mayo nin kaninan an hayop, tanganing akoon ko iyan.

Levitico 22:27

“Kun mamundag an sarong baka o karnero o kanding, papabayaan ngona nindo iyan sa kaibahan kan saiyang ina sa laog nin pitong aldaw, alagad poon sa ikawalong aldaw, pwede nang akoon iyan bilang dolot na pagkakan sa Kagurangnan.

Levitico 3:13

iduduta kan kagdolot an saiyang kamot sa ibabaw kan payo kan kanding dangan bubunoon niya iyan sa atubang kan Tabernakulo. An dugo kan hayop iuula kan mga padi sa apat na gilid kan altar,

Levitico 3:2

Iduduta kan kagdolot an saiyang kamot sa ibabaw kan payo kan hayop dangan bubunoon niya iyan sa may pintoan kan Tabernakulo. Pakatapos, an dugo kan hayop iuula kan mga pading aki ni Aaron sa apat na gilid kan altar.

Levitico 3:8

iduduta kan kagdolot an saiyang kamot sa ibabaw kan payo kan karnero dangan bubunoon niya iyan sa atubangan kan Tabernakulo. Pakatapos, iuula kan mga padi an dugo kan karnero sa apat na gilid kan altar.

Levitico 4:15

Iduduta kan mga lider kan komunidad an saindang mga kamot sa ibabaw kan payo kan hayop asin bubunoon ninda iyan sa atubang nin Kagurangnan.

Levitico 4:20

Iyo iyan an gigibohon niya sa hayop, arog kan ginigibo niya sa hayop na idinolot para sa kasalan; sa paaging iyan, idodolot kan padi an atang para sa kasalan kan mga tawo asin papatawadon sinda.

Levitico 4:24

Iduduta niya an saiyang kamot sa payo kan hayop asin bubunoon niya iyan duman sa amihan na parte kan altar saen binubuno an mga hayop na iaatang. Iyan an dolot na mahale kan kasalan.

Levitico 4:26

Pakatapos, susuloon niya sa altar an gabos na taba arog kan ginigibo niyang pagsulo kan taba kan mga hayop na binubuno para sa dolot para sa katoninongan. Sa paaging ini, idodolot kan padi an atang para sa pamayo kan banwaan asin papatawadon siya.

Levitico 4:29

Iduduta niya an saiyang kamot sa payo kan kanding asin bubunoon niya ini duman sa amihan na parte kan altar saen binubuno an mga hayop na tinututong.

Levitico 4:31

Dangan hahaleon niya an gabos na taba, siring kan paghale niya sa taba kan mga hayop na binubuno bilang atang para sa katoninongan, asin tututongon niya iyan sa altar. An parong kaiyan nawiwilihan nin Kagurangnan. Sa paaging ini, idodolot kan padi an atang para sa kasalan kan nasabing tawo asin papatawadon siya.

Levitico 4:33

Iduduta niya an saiyang kamot sa ibabaw kan payo kan hayop asin bubunoon niya iyan duman sa parteng amihan kan altar saen binubuno an mga hayop na tinututong.

Levitico 4:35

Pakatapos, hahaleon niya an gabos na taba, siring kan paghale niya sa taba kan karnerong binuno bilang dolot para sa katoninongan, asin tututongon niya iyan duman sa altar kaiba kan mga dolot na pagkakan na itinatao sa Kagurangnan. Sa paaging ini, idodolot kan padi an atang para sa kasalan kan nasabing tawo asin papatawadon siya.

Levitico 4:4

Dadarahon niya an baka sa pintoan kan Tabernakulo asin iduduta niya an saiyang kamot sa payo kan hayop dangan bubunoon niya iyan duman sa atubang nin Kagurangnan.

Levitico 5:6

asin bilang padusa kan saiyang kasalan kaipuhan magdara siya sa Kagurangnan nin sarong babaeng karnero o kanding bilang dolot. An padi an madolot kan atang para sa kasalan kan tawong iyan.

Levitico 6:7

Idodolot kan padi an atang para sa kasalan kan nasabing tawo asin papatawadon siya.

Levitico 8:14

Dangan dinara ni Moises an torilyong baka na dolot para sa kasalan asin idinuta ni Aaron saka kan saiyang mga aki an saindang mga kamot sa ibabaw kan payo kan hayop.

Levitico 8:18

Dangan kinua ni Moises an saro sa duwang lalaking karnero para sa tinutong na atang. Idinuta ni Aaron saka kan saiyang mga aki an saindang mga kamot sa payo kan hayop.

Levitico 8:22

Dangan kinua ni Moises an ikaduwang lalaking karnero na para sa ordenasyon kan mga padi. Idinuta ni Aaron saka kan saiyang mga aki an saindang mga kamot sa ibabaw kan payo kan hayop.

Levitico 9:7

Dangan sinabihan niya si Aaron, “Dumuman ka sa altar dangan idolot mo an saimong atang asin an atang kan mga tawo para sa kasalan, saka an tinutong na atang tanganing mahale an saimong kasalan sagkod an kasalan kan mga tawo, siring sa ipinagboot nin Kagurangnan.”

Mga Bilang 15:25

Gigibohon kan padi an seremonya nin paglinig para sa komunidad, dangan papatawadon sinda, huli ta an kasalan na naginibo ninda dai tinuyo, asin nagdara sinda nin dolot para sa kasalan bilang dolot na pagkakan sa Kagurangnan.

Mga Bilang 15:28

Sa atubangan nin Kagurangnan, gigibohon kan padi an seremonya nin paglinig tanganing linigan an tawo kan saiyang kasalan dangan papatawadon siya.

Mga Bilang 25:13

An pagkapadi magdadanay saiya asin sa saiyang kapagarakian huli ta ipinahiling niya an saiyang kaimbodan sa saiyang Dios, asin binayadan niya an kasalan kan mga tawo.”

Mga Bilang 8:10

Ibubugtak kan mga Israelita an saindang mga kamot sa payo kan mga Levita,

Mga Bilang 8:12

Pakatapos, ibubugtak kan mga Levita an saindang mga kamot sa payo kan duwang torong baka; an saro idodolot mo para sa kasalan asin an saro bilang tinutong na atang, tanganing gibohon an pagtubos sa mga Levita.

Roma 12:1

Kaya, mga tugang, huli sa dakulang pagkaherak nin Dios sato, nakikiolay ako saindo: Idolot nindo sa Dios an sadiri nindong hawak bilang sarong buhay na atang, banal asin maaako niya. Ini an tunay na pagsamba na dapat nindong itao sa Dios.

Roma 3:25

Idinolot nin Dios si Jesu-Cristo, na sa pagpabulos niya kan saiyang dugo, siya an nagin dalan sa kapatawadan nin mga kasalan kan mga nagtutubod saiya. Ginibo ini nin Dios sa pagpahiling na siya matanos. Kaidto, matinios siya asin pinagpasipara niya an mga kasalan kan mga tawo. Alagad ngunyan, huhukoman niya an saindang mga kasalan tanganing ipamidbid an saiyang katanosan. Sa paaging ini mahihiling na siya matanos asin na pinapangagin niyang matanos sa saiya an mga tawong nagtutubod ki Jesu-Cristo.

Roma 5:11

Bako sana iyan, nag-oogma kita sa Dios huli sa Kagurangnan tang si Jesu-Cristo, na dahel saiya kita naging katood nin Dios.

Filipos 4:18

Uya an patotoo na an gabos inako ko na saindo; sobra pa ngani an inako ko orog na ngunyan na dinara na ni Epaprodito an saindong mga regalo. Ini sarong mahamot na dolot sa Dios, sarong atang na ikinakaogma niyang akoon.

Hebreyo 10:4

Huli ta an dugo kan mga toro saka mga kanding dai nanggad makakapara kan mga kasalan.

1 Juan 2:2

Si Cristo an kabayadan para sa satong mga kasalan, bako sanang an satong mga kasalan kundi an kasalan kan gabos na tawo.