Levitico 1:3 - Marahay na Bareta Biblia

³ Kun sarong baka an idodolot niya bilang tinutong na atang, kaipuhan lalaki iyan asin mayo nin kaninan. Idodolot niya iyan duman sa may pintoan kan Tabernakulo tanganing akoon siya nin Kagurangnan.

Levitico 1:3 Iomraidhean Croise

Genesis 22:13

Dangan nangalagkalag si Abraham asin nahiling niya an sarong lalaking karnero na an mga sungay napasabit sa sarong marambong na tinanom. Kinua niya idto asin iyo an inatang embes na an saiyang aki.

Genesis 22:2

Nagtaram an Dios, “Ipag-iba mo an saimong aki, an bugtong mong aking si Isaac na namomotan mo nin marahay, asin magduman ka sa daga nin Moria. Idolot mo siya sako bilang tinutong na atang duman sa bulod na itutukdo ko saimo.”

Genesis 22:8

Nagsimbag si Abraham, “An Dios an magtatao.” Dangan nagpadagos sinda sa paglakaw.

Genesis 8:20

Guminibo si Noe nin altar para sa Kagurangnan; pakatapos kuminua siya nin saro hale sa manlaen-laen na klase kan malinig na hayop asin gamgam dangan tinutong niyang bilog an mga ini sa altar bilang dolot.

2 Mga Cronica 29:32

Nagdara an mga tawo nin setentang baka, sanggatos na karnero asin duwang gatos na kordero; ini gabos idinolot bilang mga tinutong na atang sa Kagurangnan.

2 Mga Cronica 35:12

Dangan an mga hayop para sa tinutong na atang binaranga ninda sa mga tawo, sosog sa saindang mga pamilya, tanganing idolot sa Kagurangnan, sosog sa nasusurat sa libro ni Moises.

Salmo 110:3

Sa aldaw na labanan mo an saimong mga kaiwal, sa marahay na boot iibahan ka kan saimong banwaan. Siring sa ambon nin kaagahon, an mga hoben na lalaki madatong saimo diyan sa banal na kabubuldan.

Salmo 40:8

O Dios ko, naoogma ako sa pag-otob kan kabotan mo; an saimong togon rimpos ko sa sakuyang puso.”

Exodo 12:5

An pilion nindo pwedeng kordero o kanding alagad kaipuhan na sarong taon an edad kaiyan asin mayo nin kaninan.

Exodo 24:5

Dangan nagsugo siya nin nagkapirang hoben na lalaki nin Israel na magdolot nin mga tinutong na atang asin magsakripisyo nin mga baka bilang dolot para sa katoninongan.

Exodo 29:18

tutongon mo an bilog na karnero sa ibabaw kan altar bilang sarong tinutong na atang. An parong kan dolot na ini nawiwilihan ko.

Exodo 29:4

“Ipag-iba mo si Aaron saka an saiyang mga aking lalaki sa may pintoan kan Tabernakulo dangan karigoson mo sinda duman.

Exodo 29:42

Sa gabos na panahon, ining tinutong na atang idodolot nindo sako sa may pintoan kan Tabernakulo, saen tatagboon ko kamo tanganing kaolayon.

Exodo 32:6

Sunod na aldaw, nagmaratang amay an mga tawo asin nagdorolot nin mga tinutong na atang. Nagdarara man sinda nin mga atang para sa katoninongan. Nagturukaw sinda tanganing magkarakan asin mag-irinom; an saindang pyesta natapos sa bururatan asin dororogan.

Exodo 35:21

asin an lambang saro na boot magtabang, nagdolot sa Kagurangnan kan gabos na bagay na kaipuhan sa paggibo kan Tabernakulo, sa pagsamba sagkod sa paggibo kan mga gubing para sa padi.

Exodo 35:29

Nagdarara kaining mga dolot an gabos na Israelita na boot magtabang, lalaki man o babae, bilang dolot sa Kagurangnan para sa trabaho na ipinapagibo niya ki Moises.

Exodo 35:5

Magtao kamo nin dolot sa Kagurangnan. An siisay man na boot magdolot, magtao nin bulawan, plata o bronse;

Exodo 36:3

Inako ninda ki Moises an gabos na dolot kan mga Israelita para sa pagtugdok kan Tabernakulo. Aga-aga, an mga Israelita padagos man giraray sa pagdara ki Moises kan saindang mga dolot.

Exodo 38:1

Ginibo man ni Bezalel sa akasya an altar na tututongan kan mga atang. Kwadrado ini, na dos metros may beynte sentimetros an laba, asin siring man an lakbang. An langkaw sarong metro may treynta sentimetros.

Isaias 1:11

“Anong halaga sako kan saimong mga sakripisyo?” an sabi nin Kagurangnan. “Uyam na ako sa mga tinutong na atang na mga karnero asin sa taba kan mga hayop; dai ako naoogma sa dugo nin mga baka o nin mga kordero, o nin mga lalaking kanding.

Ezekiel 20:40

Duman sa daga, sa sakong banal na bukid, an halangkaw na bukid nin Israel, kamo gabos na Israelita masamba sako. Mawiwilihan ko kamo, asin hahagadon ko sa saindong darahan ako nin mga sakripisyo, an saindong pinakamarahay na mga dolot, asin an saindong mga banal na regalo.

Ezekiel 40:39

Sa dakulang kwartong ini igwa nin apat na lamesa, duwa sa mag-ibong na gilid. Sa mga lamesang ini binubuno an mga hayop na idodolot bilang mga sakripisyo, na bilog na tututongon o na idodolot para sa kasalan o bilang kabayadan.

Levitico 1:10

Kun an idodolot kan lalaki saro kan saiyang mga karnero o kanding, kaipuhan na lalaki asin mayong kaninan.

Levitico 14:10

Sa ikawalong aldaw, madara siya nin duwang lalaki saka sarong babaeng kordero na manangtaon pa sana asin mayo nin kaninan; tolong kilong arina na sinalakan nin lana nin oliba asin ikatolong parte kan sarong litro nin lana nin oliba.

Levitico 16:7

Pakatapos, dadarahon niya an duwang kanding sa pintoan kan Tabernakulo

Levitico 17:8

An siisay man na Israelita o dayuhan na nakikihimanwa sainda na magdolot nin tinutong na atang o nin arin man na dolot

Levitico 17:9

asin dai iyan darahon sa may pintoan kan Tabernakulo tanganing ikadolot sa Kagurangnan, dai na ibibilang na kaayon sa banwaan nin Dios.

Levitico 23:12

Sa aldaw na darahon nindo an saindong inani, madara man kamo nin sarong lalaking kordero na sangtaon an edad na mayo nin kaninan bilang tinutong na atang sa Kagurangnan.

Levitico 23:18

Kaiba kan mga tinapay, an komunidad madolot man nin pitong kordero na sangtaon an edad, sarong torilyong baka asin duwang kanding. Dapat na mayo nin kaninan an mga iyan. Idodolot an mga iyan sa Kagurangnan bilang tinutong na atang kaiba kan dolot na pagkakan asin kan dolot na arak. An parong kan dolot na iyan nawiwilihan nin Kagurangnan.

Levitico 3:1

Kun igwa saindo nin magdolot nin saro kan saiyang mga lalaki o babaeng baka, bilang dolot para sa katoninongan, dapat na mayo iyan nin kaninan.

Levitico 4:15

Iduduta kan mga lider kan komunidad an saindang mga kamot sa ibabaw kan payo kan hayop asin bubunoon ninda iyan sa atubang nin Kagurangnan.

Levitico 4:23

sa oras na maaraman niya an kasalan niya, madara siya nin lalaking kanding na mayo nin kaninan bilang saiyang dolot.

Levitico 4:3

Kun an magkasala iyo an Halangkaw na Padi, asin huli kaiyan nadamay sa pagkakasala an mga tawo, madara siya nin torilyong baka na mayo nin kaninan asin iaatang niya iyan sa Kagurangnan para sa saiyang kasalan.

Levitico 4:32

Kun sarong karnero an dadarahon nin sarong tawo bilang dolot para sa saiyang kasalan, kaipuhan sarong babaeng karnero na mayo nin kaninan an saiyang darahon.

Levitico 5:15

Kun an sarong tawo dai tuyong magkasala huli sa dai niya pakatao kan mga bayad na banal para sa Kagurangnan, madara siya nin sarong lalaking karnero o kanding na mayo nin kaninan bilang dolot na kabayadan. Aramon nindo an kantidad kaiyan sosog sa kinaugalean na timbang kan santwaryo.

Levitico 5:18

Madara siya sa padi nin sarong lalaking karnero o kanding na mayo nin kaninan bilang dolot nin kabayadan. Aaramon nindo an kantidad kaiyan sosog sa kinaugalean na timbang kan santwaryo. An padi an madolot kan sakripisyo para sa kasalan kan tawong iyan, asin papatawadon siya.

Levitico 6:2

Kaipuhan magdolot an siisay man na magkasala tumang sa Kagurangnan huli sa pagsayumang ibalik an iwinalat saiya kan kapwa niya Israelita, maghabon o magdaya saiya,

Levitico 6:8

Pinagbotan nin Kagurangnan si Moises,

Levitico 7:16

Alagad kun an dolot para sa katoninongan idolot niya bilang pag-otob nin sarong panuga o bilang sarong boluntad na dolot, dai kaipuhan na uboson iyan sa laog kan aldaw na idinolot iyan; an matada pwedeng kakanon sa masunod na aldaw.

Levitico 8:18

Dangan kinua ni Moises an saro sa duwang lalaking karnero para sa tinutong na atang. Idinuta ni Aaron saka kan saiyang mga aki an saindang mga kamot sa payo kan hayop.

Levitico 9:2

Sinabihan niya si Aaron, “Kumua ka nin sarong torilyong baka asin sarong lalaking karnero na anas mayo nin kaninan. An torilyong baka idolot mo para sa kasalan, asin an karnero para sa tinutong na atang.

Zacarias 13:7

Nagtataram an Kagurangnan nin mga hukbo, “Pagmata, espada, asin salakaya an pastor na nagtatrabaho para sa sako! Gadana siya tanganing magkawararak an mga karnero. Sasalakayon ko an sakong banwaan

Malakias 1:14

Humugpa logod an maldisyon sa paradaya na nagsasakripisyo sa sako nin mayong halagang hayop, mantang igwa man sana siya nin mga marahay na hayop na saiyang itinugang itatao sako! Dakula akong hade, asin kinakatakotan ako kan mga tawo sa gabos na nasyon.”

Mga Bilang 15:3

Pwede sindang magdolot sa Kagurangnan nin sarong torong baka o sarong lalaking karnero o sarong kordero o sarong kanding bilang tinutong na atang, o dolot sa pag-otob nin sarong panuga, o boluntad na dolot, o dolot kun panahon nin pyesta; an parong kan mga dolot na pagkakan na ini nakakawili sa Kagurangnan.

Mga Bilang 15:8

Kun idodolot sa Kagurangnan an sarong torong baka bilang sarong tinutong na atang, o dolot sa pag-otob nin sarong panuga, o dolot para sa katoninongan,

Mga Bilang 19:2

na itao sa mga Israelita an minasunod na pagsusundon. Magdara kamo nin pulang baka na mayo nin kaninan asin dai pa lamang nasasakalan.

Mga Bilang 23:19

An Dios bakong siring sa mga tawo na nagpuputik; Bako siyang tawo na nagbabago nin isip. An ano man na ipinanuga niya, ginigibo niya; Minataram siya, asin nangyayari iyan.

Mga Bilang 23:27

Nagsabi si Balak, “Umiba ka sako; dadarahon taka sa ibang lugar. Tibaad itugot na nin Dios na maldisyonon mo sinda duman.”

Mga Bilang 23:3

Nagsabi si Balaam ki Balak, “Tumindog ka digdi sa kataed kan saimong tinutong na atang asin mahale ngona ako ta tibaad tuparon ako nin Kagurangnan. Ipapaisi ko saimo an ano man na ipahayag niya sako.” Kaya solo siyang nagduman sa alitoktok nin sarong bulod,

Mga Bilang 23:30

Ginibo ni Balak an sinabi saiya ni Balaam, dangan nagdolot siya nin sarong torong baka saka sarong lalaking karnero sa lambang altar.

Mga Bilang 28:11

Sa pagpoon kan lambang bulan, magdolot kamo sa Kagurangnan nin tinutong na atang: duwang torilyong baka, sarong lalaking karnero, pitong lalaking kordero na manangtaon an edad, na gabos mayo nin ano man na kaninan.

Mga Bilang 28:19

Magdolot kamo sa Kagurangnan nin sarong tinutong na atang bilang dolot na pagkakan: duwang torilyong baka, sarong lalaking karnero, asin pitong lalaking kordero na manangtaon an edad, na gabos mayo nin ano man na kaninan.

Mga Bilang 28:31

Idolot nindo an mga iyan saka an dolot na arak laen pa kan aroaldaw na tinutong na atang asin kan dolot na pagkakan.

Mga Bilang 29:13

Sa enot na aldaw, magdolot kamo sa Kagurangnan nin dolot na pagkakan, sarong parong na nakakawili saiya: treseng torilyong baka, duwang lalaking karnero, asin katorseng lalaking kordero na manangtaon an edad, na gabos mayo nin ano man na kaninan.

Mga Bilang 29:2

Magdolot kamo nin tinutong na atang, sarong parong na nakakawili sa Kagurangnan: sarong torilyong baka, sarong lalaking karnero, asin pitong lalaking kordero na manangtaon an edad, na gabos mayo nin ano man na kaninan.

Lukas 1:35

Nagsimbag an anghel, “Mahilig saimo an Espiritu Santo asin lilindongan ka kan kapangyarihan kan Kahorohalangkaweng Dios. Kaya banal an ipapangaki mo na aapodon Aki nin Dios.

Juan 1:36

Kan mahiling niya si Jesus na nag-aagi duman, nagsabi siya, “Uya an Kordero nin Dios!”

Juan 10:7

Kaya nagsabi giraray sainda si Jesus, “Sa katotoohan sinasabihan ko kamo, ako an pintoan na inaagihan kan mga karnero.

Juan 10:9

Ako an pintoan; an siisay man na minalaog na minaagi sako, makakaligtas; malaog siya saka maluwas asin makakakua siya nin sabsabon.

2 Corinto 8:12

Kun talagang maigot kamo sa pagtao, aakoon nin Dios an saindong dolot, sosog sa ikakatao nindo asin bakong sosog sa dai nindo ikakatao.

2 Corinto 9:7

Kaya an lambang saro dapat na magtao sosog sa saiyang pinagmarahay, bakong tumang sa boot o napipiritan sana, huli ta an Dios namomoot sa maogmang paratao.

Efeso 2:18

Sa paagi ni Cristo, kita gabos, Judio o bako, sa sarong Espiritu, makakadolok sa Ama.

Efeso 5:27

Ginibo niya ini nganing iatubang niya sa sadiri niya an simbahan na magayon, banal, mayo nin kaninan, mayong digta o kurundot o anoman na arog kaiyan.

Deuteronomio 12:27

Idolot nindo duman sa altar nin Kagurangnan na saindong Dios an saindong mga tinutong na atang, sagkod an iba pang mga sakripisyo na an karne saindong kakakanon asin an dugo saindong iuula sa ibabaw kan altar.

Deuteronomio 15:21

Alagad kun an mga iyan igwa nin kaninan, kun pilay o buta o igwa nin grabeng kaninan, dai nindo iyan iatang sa Kagurangnan na saindong Dios.

Deuteronomio 17:1

“Dai kamo magsakripisyo sa Kagurangnan na saindong Dios nin baka o karnero na igwa nin kaninan, huli ta ikinakaongis iyan nin Kagurangnan.

Hebreyo 7:26

Kaya si Jesus iyo an Halangkaw na Padi na makakasimbag kan satong mga pangangaipo. Banal siya, mayo nin digta o karatan; dai kabilang sa mga parakasala, ilinangkaw siya sa itaas pa kan kalangitan.

Hebreyo 9:14

orog pang nakakalinig an dugo ni Cristo, na huli sa daing kataposan na Espiritu, nagdolot kan saiyang buhay bilang daing digtang atang sa Dios, sa paglinig kan satuyang konsyensya sa mga gibong mayo nin halaga tanganing makapaglingkod kita sa Dios na buhay.