Levitico 1:11 - Marahay na Bareta Biblia

¹¹ Bubunoon niya iyan sa parteng amihan kan altar asin an mga padi iyo an maula kan dugo kan hayop sa apat na gilid kan altar.

Levitico 1:11 Iomraidhean Croise

Exodo 24:6

Kinua ni Moises an kabanga kan dugo kan ginadan na mga hayop asin ibinugtak sa mga palanggana; an kabanga inula niya sa altar.

Exodo 40:22

Ilinaog niya sa Tabernakulo an lamesa dangan ibinugtak sa parteng amihan, sa luwas kan kurtina,

Ezekiel 43:18

Nagtaram sako an Kagurangnan Dios, “Aki nin tawo, dangoga an sasabihon ko saimo. Sa aldaw na ikatugdok na an altar, konsagrahon mo iyan sa paagi nin pagtutong nin mga atang asin pagwirik diyan nin dugo nin mga hayop na idodolot bilang mga sakripisyo.

Ezekiel 8:5

Nagtaram sako an Dios, “Aki nin tawo, maghiling ka sa amihan.” Naghiling ako, asin yaon duman harani sa altar, sa may palaog kan trangkahan, an ladawan na sarong insulto sa Dios.

Levitico 1:5

Dangan bubunoon niya an hayop sa atubang nin Kagurangnan, asin an dugo kaiyan idodolot sa Kagurangnan kan mga pading aki ni Aaron. Iuula ninda an dugo sa apat na gilid kan altar na yaon sa may pintoan kan Tabernakulo.

Levitico 14:13

Bubunoon niya an kordero duman sa pinagbubunoan kan mga hayop na idodolot bilang dolot para sa kasalan asin kan tinutong na atang. Gigibohon niya ini huli ta an dolot nin kabayadan sadiri kan padi asin orog kabanal, arog kan dolot para sa kasalan.

Levitico 4:29

Iduduta niya an saiyang kamot sa payo kan kanding asin bubunoon niya ini duman sa amihan na parte kan altar saen binubuno an mga hayop na tinututong.

Levitico 6:25

na itao ki Aaron asin sa saiyang mga aking lalaki an minasunod na pagsusundon manongod sa mga dolot para sa kasalan. An hayop na idodolot para sa kasalan kaipuhan na bunoon duman sa parteng amihan kan altar, sa lugar na binubunoan kan mga hayop na tututongon. Iyan sarong banal na dolot.

Levitico 7:2

An hayop para sa dolot na ini, bubunoon duman sa parteng amihan kan altar, saen binubuno an mga hayop na para sa tinutong na atang, asin an dugo kaiyan iuula sa apat na gilid kan altar.

Levitico 8:19

Binuno ni Moises an hayop dangan inula an dugo sa apat na gilid kan altar.