Levitico 1:10 - Marahay na Bareta Biblia

¹⁰ Kun an idodolot kan lalaki saro kan saiyang mga karnero o kanding, kaipuhan na lalaki asin mayong kaninan.

Levitico 1:10 Iomraidhean Croise

Genesis 4:4

Nagdara man si Abel kan enot na ogbon kan saiyang mga karnero, binuno ini, dangan idinolot an mga pinakamarahay na kabtang. Nawilihan nin Kagurangnan si Abel asin an saiyang dolot

Genesis 8:20

Guminibo si Noe nin altar para sa Kagurangnan; pakatapos kuminua siya nin saro hale sa manlaen-laen na klase kan malinig na hayop asin gamgam dangan tinutong niyang bilog an mga ini sa altar bilang dolot.

Exodo 12:5

An pilion nindo pwedeng kordero o kanding alagad kaipuhan na sarong taon an edad kaiyan asin mayo nin kaninan.

Ezekiel 43:22

Sunod na aldaw, magkua ka nin sarong lalaking kanding na mayo nin kaninan dangan isakripisyo mo bilang dolot para sa kasalan. Linigan mo an altar kan dugo kaiyan sa parehong paagi kan isakripisyo mo an torilyong baka.

Levitico 14:10

Sa ikawalong aldaw, madara siya nin duwang lalaki saka sarong babaeng kordero na manangtaon pa sana asin mayo nin kaninan; tolong kilong arina na sinalakan nin lana nin oliba asin ikatolong parte kan sarong litro nin lana nin oliba.

Levitico 16:3

Pwede siyang lumaog sa Kabanal-banaleng Lugar pakatapos niyang magdara nin sarong torilyong baka para sa dolot para sa kasalan, asin nin sarong lalaking karnero para sa tinutong na atang.

Levitico 16:5

An komunidad nin Israel iyo an matao ki Aaron nin duwang lalaking kanding para sa dolot para sa kasalan, asin sarong lalaking karnero para sa tinutong na atang.

Levitico 22:19

Tanganing akoon ko an dolot, kaipuhan lalaki an hayop asin mayo nin kaninan.

Levitico 23:12

Sa aldaw na darahon nindo an saindong inani, madara man kamo nin sarong lalaking kordero na sangtaon an edad na mayo nin kaninan bilang tinutong na atang sa Kagurangnan.

Levitico 3:1

Kun igwa saindo nin magdolot nin saro kan saiyang mga lalaki o babaeng baka, bilang dolot para sa katoninongan, dapat na mayo iyan nin kaninan.

Levitico 4:23

sa oras na maaraman niya an kasalan niya, madara siya nin lalaking kanding na mayo nin kaninan bilang saiyang dolot.

Levitico 4:3

Kun an magkasala iyo an Halangkaw na Padi, asin huli kaiyan nadamay sa pagkakasala an mga tawo, madara siya nin torilyong baka na mayo nin kaninan asin iaatang niya iyan sa Kagurangnan para sa saiyang kasalan.

Levitico 5:15

Kun an sarong tawo dai tuyong magkasala huli sa dai niya pakatao kan mga bayad na banal para sa Kagurangnan, madara siya nin sarong lalaking karnero o kanding na mayo nin kaninan bilang dolot na kabayadan. Aramon nindo an kantidad kaiyan sosog sa kinaugalean na timbang kan santwaryo.

Levitico 9:2

Sinabihan niya si Aaron, “Kumua ka nin sarong torilyong baka asin sarong lalaking karnero na anas mayo nin kaninan. An torilyong baka idolot mo para sa kasalan, asin an karnero para sa tinutong na atang.

Malakias 1:14

Humugpa logod an maldisyon sa paradaya na nagsasakripisyo sa sako nin mayong halagang hayop, mantang igwa man sana siya nin mga marahay na hayop na saiyang itinugang itatao sako! Dakula akong hade, asin kinakatakotan ako kan mga tawo sa gabos na nasyon.”

Mga Bilang 19:2

na itao sa mga Israelita an minasunod na pagsusundon. Magdara kamo nin pulang baka na mayo nin kaninan asin dai pa lamang nasasakalan.

Mga Bilang 6:14

asin madolot siya sa Kagurangnan nin tolong hayop na mayo nin kaninan—sarong lalaking kordero na sarong taon pa sana bilang tinutong na atang, sarong babaeng kordero na sarong taon pa sana bilang dolot para sa kasalan, asin sarong lalaking karnero bilang dolot para sa katoninongan.

Juan 1:29

Kan sunod na aldaw nahiling ni Juan si Jesus na nagdadangadang, kaya nagsabi siya, “Uya an Kordero nin Dios, na nagpapara kan kasalan nin kinaban!

1 Pedro 1:19

kundi an mahal na dugo ni Cristo, na siring kan sa kordero na daing kaninan o digta.