Kapahayagan 9:2 - Marahay na Bareta Biblia

² Kan bukasan kan bitoon an dai matugkad na kairaroman, nagluwas an aso na garo hale sa dakulang horno; nagdiklom an aldaw asin an kaitaasan.

Kapahayagan 9:2 Iomraidhean Croise

Genesis 15:17

Kan solnop na an aldaw asin madiklom na, sarong nag-aasong koron saka sarong naglalaad na karaba an biglang nagtunga dangan nag-agi sa pagultanan kan binaraak na mga hayop.

Genesis 19:28

Nagdungaw siya sa Sodoma saka sa Gomorra patin sa bilog na kapantayan asin nahiling niya an aso na nag-iitaas hale sa daga, siring sa aso na gikan sa sarong dakulang horno.

Exodo 19:18

Napatos nin aso an bukid huli ta naghilig duman an Kagurangnan sa porma nin kalayo. Nag-itaas an aso arog sa aso nin sarong horno asin naglinog nin makosog an bilog na bukid.

Isaias 14:31

Pagkurahaw asin paghagad nin tabang, kamo gabos na syudad nin Filistia! Magkatarakot kamo gabos! Huli ta may sarong panganoron nin alpog na nagdadangadang hale sa amihan—sarong hukbo iyan na mayo nin matalaw.

Daniel 3:6

An siisay man na dai maggibo kaini, itatapok tolos sa nagkakalayong horno.”

Joel 2:10

Tinatakigan an daga mantang nagdadangadang sinda; minakobog-kobog an kalangitan. Minadiklom an aldaw saka an bulan, asin dai minaliwanag an mga bitoon.

Joel 2:2

Sarong aldaw iyan nin kadikloman asin kamondoan, sarong mapongaw na aldaw saka mahibog na kadikloman! Nagdadangadang an dakulang hukbo nin mga doron arog sa kadikloman na naglalakop sa ibabaw nin kabukidan. Dai pa nin nangyaring arog kaiyan, asin ngapit, dai na mangyayari iyan.

Joel 2:30

“Matao ako nin mga patanid dapit sa aldaw na iyan sa kalangitan asin sa daga: dugo, kalayo saka mahibog na aso.

Mga Gibo 2:19

Magpapahiling ako nin mga ngangalasan sa kalangitan, asin mga tanda sa daga: dugo, kalayo, mahibog na aso;

Kapahayagan 14:11

An aso kan kalayong magpapasakit sainda, mag-iitaas sagkod pa man. An mga nagsamba kan hayop asin kan saiyang ladawan, saka nag-ako kan marka kan ngaran kaiyan, mayo nin kapahingaloan aldaw-banggi.”

Kapahayagan 16:10

Dangan inula kan ikalimang anghel an nasa saiyang mangko duman sa trono kan hayop. Duminiklom an bilog na kahadean kan hayop, dangan kinagat kan mga tawo an sadiri nindang mga dila dahel sa kulog.

Kapahayagan 8:12

Dangan pinatanog kan ikaapat na anghel an saiyang trompeta. Nagdiklom an ikatolong kabtang kan aldaw, an ikatolong kabtang kan bulan asin an ikatolong kabtang kan mga bitoon, kaya nawara an ikatolong kabtang kan saindang liwanag. Nainaan nin ikatolong kabtang an liwanag kan aldaw, saka nadagdagan nin ikatolong kabtang an kadikloman kan banggi.

Kapahayagan 9:1

Pinatanog kan ikalimang anghel an saiyang trompeta. Nahiling ko an sarong bitoon na nahulog sa daga; itinao sa bitoon na ini an lyabe kan dai matugkad na kairaroman.

Kapahayagan 9:11

An anghel na namamahala kan dai matugkad na kairaroman iyo an hade ninda; an ngaran niya Abadon sa tataramon na Hebreyo; Apolion sa tataramon na Griyego, na an kahulogan, Paragadan.

Kapahayagan 9:17

Nahiling ko sa bisyon an mga kabayo asin an mga nangangabayo na may pantahob sa daghan na arog kapula sa kalayo, arog kaasul sa sapiro saka arog kaamarilyo sa asupre. An mga kabayo may payo na garo leon: may nagluluwas na kalayo, aso saka asupre sa ngoso ninda.