Kapahayagan 8:3 - Marahay na Bareta Biblia

³ May nagluwas naman na anghel na may darang bulawan na insensaryo asin nagtindog siya sa atubangan kan altar; tinawan siya nin dakul na insenso na idodolot, kaiba kan mga pamibi kan gabos na banal, sa altar na bulawan na yaon sa atubangan kan trono.

Kapahayagan 8:3 Iomraidhean Croise

1 Mga Hade 7:50

an mga kalis, an mga pamalsok kan ilaw, an mga mangko, an mga plato para sa insenso, asin an mga bugtakan nin baga; an mga bisagra kan mga pinto kan Kabanal-banaleng Lugar asin kan panluwas na mga pinto kan Templo. An gabos na kagamitan na ini gibo sa purong bulawan.

Salmo 141:2

Akoon mo an sakong pamibi siring sa insenso; asin an initaas kong mga kamot bilang pamangging atang.

Exodo 40:26

Ilinaog niya sa Tabernakulo an bulawan na altar sa atubang kan panlipod na kurtina

Isaias 6:6

Dangan naglayog pasiring sakuya an sarong serafim. Igwa siyang darang naglalaad na baga na saiyang kinua sa altar sa paagi nin pansipit.

Ezekiel 41:22

altar na kahoy. Saro may kabangang metro an langkaw kaini asin sarong metro an lakbang. Kahoy an mga bitis kan altar, siring man an patugmadan saka an mga gilid. Nagtaram sako an lalaki, “Iyo ini an lamesa na nasa atubangan nin Kagurangnan.”

Amos 9:1

Nahiling ko an Kagurangnan na nagtitindog sa kataed kan altar. Nagboot siya, “Badoli nin makosog an poro kan mga harigi kan templo sagkod na mayugyog an pundasyon. Pasaa an mga iyan dangan pabayae na mahulog sa mga payo kan mga tawo. An mga matadang buhay, gagadanon ko sa gera. Mayo nin makakadulag; mayo nin makakaligtas.

Malakias 1:11

Inoomaw ako kan katawohan magpoon sa sarong poro kan kinaban sagkod sa ibong na poro kaiyan. Nagtututong sinda nin insenso sa sako saen man na lugar asin nagdodolot sinda nin maninigong mga sakripisyo. Gabos sinda nag-oomaw sako!

Mga Bilang 4:11

An altar na bulawan bibikladan ninda nin sarong telang asul asin papatoson nin sarong anit nin kanding. Pakatapos, isusurok ninda an mga pasanan.

Lukas 1:10

Sa oras nin pagtutong kan insenso, namimibi sa luwas an dakul na tawo.

Roma 8:34

Siisay palan an makondenar sainda? Si Cristo Jesus daw na nagadan, nabuhay liwat asin yaon na ngunyan sa too nin Dios, na nakikimaherak para sato?

Hebreyo 7:25

Ngunyan asin sa gabos na oras, ikakaligtas niya an mga minadolok sa Dios sa paagi niya, huli ta nabubuhay siya sagkod lamang tanganing makimaherak sa Dios para sainda.

Hebreyo 9:4

Nasa laog kaini an bulawan na altar na pinagtututongan kan insenso, saka yaon man digdi an Kaban nin Tipan na napapatos nin bulawan. Sa laog kan kaban igwa nin dulay na bulawan na namumugtakan kan manna; yaon man an nagdahon na sugkod ni Aaron saka an duwang gapo na nasusuratan kan mga togon.

Kapahayagan 10:1

Dangan nahiling ko an saro pang mapangyaring anghel na naghihilig hale sa langit. Napapatos siya nin panganoron, asin may bulalangaw sa palibot kan saiyang payo. An lalawogon niya nagliliwanag arog kan aldaw saka an mga tabay niya garo mga hariging kalayo.

Kapahayagan 14:18

Dangan saro pang anghel an nagluwas sa altar. Siya an namamahala kan kalayo. Kinurahawan niya an anghel na may matarom na asyab, “Gamita an saimong asyab; anihon mo na an mga ubas sa daga, huli ta hirinog na!”

Kapahayagan 5:8

Kan makua na iyan kan Kordero, an apat na buhay na linalang asin an beynte y kwatrong kamagurangan nagluhod sa atubang niya. An lambang saro may kapot na arpa saka bulawan na mangko na pano nin insenso; an insensong idto iyo an mga pamibi kan mga banal.

Kapahayagan 6:9

Tinangkas kan Kordero an ikalimang selyo. Nahiling ko sa sirong kan altar an mga kalag kaidtong ginaradan huli sa pagpahayag kan tataramon nin Dios, asin huli sa pagdanay nindang maimbod sa saindang pagsaksi.

Kapahayagan 7:2

Dangan nahiling ko an saro pang anghel na nag-iitaas hale sa sirangan dara an selyo kan Dios na buhay. Sa makosog na tingog inapod kan anghel na ini an apat na anghel na tinawan nin Dios kan kapangyarihan sa pagraot kan daga asin dagat.

Kapahayagan 8:4

Nag-itaas an aso kan insenso hale sa kamot kan anghel na nagtitindog sa atubang nin Dios kaiba an mga pamibi kan mga banal.

Kapahayagan 8:5

Dangan kinua kan anghel an insensaryo, pinano nin nagkakalayong baga hale sa altar, saka itinapok sa daga. Nagkaigwa nin makosog na daguldol, hagubohob, kikilat asin linog.

Kapahayagan 9:13

Dangan pinatanog kan ikaanom na anghel an saiyang trompeta. Nakadangog ako nin tingog hale sa apat na sungay kan bulawan na altar na yaon sa atubang nin Dios.