Kapahayagan 3:2 - Marahay na Bareta Biblia

² Kaya pagmata asin pakosoga an anoman na yaon pa saimo, na madali nang magadan. Huli ta nahihiling kong an mga ginibo mo bako pang marahay sa panhiling kan sakong Dios.

Kapahayagan 3:2 Iomraidhean Croise

1 Mga Hade 11:4

Kan gurang na si Solomon, dinagka siya kan saiyang mga agom na magsamba sa mga dios-dios. Dai siya nagin maimbod sa Kagurangnan na saiyang Dios, bakong arog kan saiyang ama na si David.

1 Mga Hade 15:3

An gabos na kasalan na ginibo kan saiyang ama ginibo man niya, asin dai siya nagin maimbod sa Kagurangnan na saiyang Dios, bakong arog kan saiyang ginikanan na si David.

2 Mga Cronica 25:2

Ginibo niya an matanos sa atubangan nin Kagurangnan, alagad bako iyan tudok sa puso niya.

An Libro ni Job 16:5

Pwedeng huli sa hatol mapakosog ko kamo asin padagos na magtaram sa pagranga saindo.

Isaias 35:3

Pakosoga an mga kamot na napapagal asin an mga tuhod na nagtatakig sa kaluyahan.

Isaias 56:10

Nagsasabi siya, “Buta an gabos na lider na iyo kutana an mapatanid sa sakong banwaan! Mayo sindang naaaraman. Arog sinda sa mga ayam na dai nagbabatok—mayo sindang ginigibo kundi maghigda saka mangatorogan. Boot sana nindang magkatorog.

Isaias 57:12

Naghohona kamong tama an saindong ginigibo, alagad ihahayag ko an saindong mga gawe, asin dai kamo matatabangan kan saindong mga dios-dios.

Ezekiel 34:16

“Hahanapon ko an mga karnerong nawara, ibabalik ko an mga nalagalag, bubugkosan ko an mga nalugadan, asin bobolongon an mga may helang; alagad an mga karnerong matataba saka makokosog sakuyang gagadanon, huli ta ako sarong pastor na naggigibo nin matanos.

Daniel 5:27

TEKEL, tinimbang ka sa timbangan asin nakuang nagkukulang;

Zacarias 11:16

Nagbugtak ako nin sarong pastor na mamamahala kan sakong mga karnero, alagad dai niya tinatabangan an karnero na nasa kapahamakan; dai man niya hinahanap an nawara, o binobolong an nalugadan, o pinapakakan an mga natada. Kundi kinakakan niya an karne kan pinakamatabang karnero asin hinahale niya an mga kuku kaini.

Mateo 23:5

Pagpahiling sana sa mga tawo an gabos nindang ginigibo. Hilinga an halakbang na mga telang nasusuratan kan tataramon kan kasuratan na ipinupurupot ninda sa saindang angog saka takyag. Hilinga man an halabang mga tasel kan bado ninda!

Mateo 25:13

Dangan sinabihan sinda ni Jesus, “Kaya magpuka kamo, ta dai nindo aram an aldaw ni an oras.

Mateo 25:7

Nagmata an sampolong daraga dangan inandam ninda an saindang mga ilawan.

Mga Gibo 18:23

Pakalihis nin halipot na panahon, naghale siya sa Antiokia; dinuman niya saro-saro an mga banwaan sa rehiyon kan Galacia asin Frigia, sa pagpakosog kan pagtubod kan gabos na disipulo.

Deuteronomio 3:28

Itukdo mo ki Josue an gigibohon niya asin pakosogon mo an saiyang boot, huli ta siya an mangengenot sa mga tawo sa pagsakop kan daga na saimong mahihiling.’

1 Pedro 4:7

Harani na an kataposan kan gabos na bagay. Kaya dapat magkaigwa kamo nin malinaw na isip asin pagpupugol sa sadiri, tanganing makapamibi kamo.

1 Pedro 5:8

Mag-andam kamo asin magbantay! Huli ta an Diablo na saindong kalaban naglilibot siring sa sarong nag-uungal na leon na naghahanap nin hahalonon.

Kapahayagan 16:15

“Pagdangog kamo! Maabot ako siring sa sarong parahabon! Paladan an nagpupuka saka dai naghuhuba kan saiyang gubing, tanganing dai siya maglakaw na huba asin dai mapasopog sa publiko!”

Kapahayagan 2:4

Alagad igwa ako nin masasabi tumang saimo: dai mo na ako namomotan ngunyan arog kan dati.

Kapahayagan 3:1

“Suratan mo an anghel kan simbahan sa Sardis: “Iyo ini an mensahe kan igwa kan pitong espiritu nin Dios asin pitong bitoon. Aram ko an saimong mga ginigibo; sa ngaran ka sana buhay, an totoo gadan ka na.

Kapahayagan 3:3

Kaya giromdoma an itinukdo saimo saka an nadangog mo; kuyoga iyan asin magbakle ka. Kun dai ka magmata, madiyan ako saimo arog sa parahabon, asin dai mo aram an oras kan sakong pag-abot.