Kapahayagan 11:3 - Marahay na Bareta Biblia

³ An duwa kong saksi na nakagubing nin sako tatawan ko nin kapangyarihan na magpropesiya sa laog nin mil dos syentos sesentang aldaw.”

Kapahayagan 11:3 Iomraidhean Croise

Genesis 37:34

Dangan ginisi ni Jacob an saiyang gubing sa kamondoan asin nagsulot siya nin sako; haloy niyang pinagmondoan an kagadanan kan saiyang aki.

2 Samuel 3:31

Dangan pinagbotan ni David si Joab asin an saiyang mga tawohan na gision an saindang mga gubing, magsulot nin sako, asin magtangis para ki Abner. Sa paglubong, nagsunod si Hadeng David sa kabaong.

1 Mga Hade 21:27

Kan madangog ni Ahab an mga sinabi ni Elias, ginisi niya an saiyang gubing saka nagsulot nin sako. Nag-ayuno siya, nagkatorog na sulot an sako asin naglakaw na mamondo nin makuri.

2 Mga Hade 19:1

Kan madangog ini ni Hadeng Ezekias, ginisi niya an saiyang gubing, nagsulot siya nin sako, asin nagduman sa Templo nin Kagurangnan.

1 Mga Cronica 21:16

Nagtingkalag si David asin nahiling niya an anghel na nakatindog sa pagultanan kan langit asin daga, kapot an saiyang espadang andam na ibingat sa Jerusalem. Kaya nagdapa si David saka an kamagurangan nin Israel, na gabos nakagubing nin sako.

Nehemias 9:1

Kan ikabeynte y kwatrong aldaw kan bulan na idto, nagtiripon an banwaan nin Israel sa pag-ayuno asin pagmondo para sa saindang mga kasalan. Nagsulot sinda nin sako saka nagbugtak nin daga sa saindang mga payo bilang tanda nin pagmondo.

An Libro ni Job 16:15

“Nagsulot ako nin sako, asin daog na nagtukaw ako digdi sa alpog.

Salmo 69:11

Kan magsulot ako nin gubing sa pagmondo, pinagngisihan ninda ako.

Isaias 22:12

Inapod kamo kaidto kan Kagurangnan Dios nin mga hukbo tanganing maghibi saka magmondo, mag-aris kan saindong payo saka magsulot nin sako.

Jeremias 1:10

Itinatao ko saimo ngunyan an kapangyarihan sa mga nasyon saka sa mga kahadean, sa paggabot saka sa pagraot, sa paggaba saka sa paglaglag, asin sa pagtugdok patin sa pagtanom.”

Mga Panambitan 2:10

An mga kamagurangan nin Jerusalem mayong ribok na nagtutukaw sa daga; nagbugtak sinda nin abo sa payo, asin sa pagmondo naggubing nin sako. An mga daraga nin Jerusalem nagduko na kan saindang mga payo sa daga.

Ezekiel 4:6

Pakatapos mo kaiyan, magtagilid ka sa too asin magtios ka para sa kasalan nin Juda sa laog nin kwarentang aldaw—sarong aldaw para sa lambang taon nin pagpadusa ko sainda.

Daniel 12:7

Initaas kan anghel an duwa niyang kamot dangan nagsumpa sa ngaran kan Daing Kataposan na Dios. Nadangog ko an saiyang sinabi, “Tolong taon may kabanga pa. Pakatapos kan pagpasakit sa banwaan nin Dios, dangan mangyayari an gabos na ini.”

Daniel 7:25

Mataram siya tumang sa Kahorohalangkaweng Dios asin aapihon niya an mga banal nin Dios. Babaloon niyang liwaton an saindang sinusunod na katogonan asin mga pyesta, patin mapapairarom sinda sa saiyang kapangyarihan sa laog nin tolo may kabangang taon.

Daniel 8:14

Nadangog ko an simbag kan anghel, “Magpapadagos iyan sa laog nin mil syento singkwentang aldaw; mga aldaw na dai idodolot an pangbanggi asin pang-agang atang. Dangan hihirahayon an Templo.”

Joel 1:13

Pagsulot nin sako asin pagtangis, kamong mga padi na naglilingkod duman sa altar! Paglaog kamo sa Templo asin pagmondo sa bilog na banggi! Mayo nang trigo o arak na ikakadolot sa saindong Dios.

Jonas 3:5

Nagtubod sa mensahe nin Dios an mga taga Nineve. Kaya nagkasararo sinda na mag-ayuno, asin an gabos naggubing nin sako sa pagpahiling kan saindang pagsolsol.

Jonas 3:8

An gabos na tawo saka hayop dapat na magsulot nin sako. An lambang saro kaipuhan maigot na magpamibi sa Dios, asin talikodan an saiyang maraot na ugale saka maraot na mga gawe.

Mga Bilang 11:26

Kan oras na iyan nawalat sa kampo si Eldad saka si Medad, duwang lalaki na kairiba man sa setenta. Alagad minsan dai sinda nagduman sa Tabernakulo, naghilig man sainda an espiritu asin nagpropesiya sinda duman sa kampo.

Mateo 11:21

Nagsabi siya, “Herak man saimo, Corazin! Herak man saimo, Betsaida! Huli ta kun an mga milagrong ginibo diyan saindo ginibo sa Tiro saka sa Sidon, haloy na kutanang nagsulot nin sako asin nagtukaw sa abo an mga tawo duman sa pagpahiling na sinda nagbakle.

Mateo 18:16

Alagad kun dai ka niya dangogon, mag-iba ka nin saro o duwa katawo tanganing an lambang tataramon mapatotoohan kan duwa o tolong saksi.

Lukas 10:13

“Herak man saimo, Corazin! Herak man saimo, Betsaida! Huli ta kun an mga milagrong ginibo diyan saindo ginibo sa Tiro saka sa Sidon, haloy na kutanang nagsulot nin sako asin nagtukaw sa abo an mga tawo duman sa pagpahiling na sinda nagbakle!

Lukas 24:48

Mga saksi kamo kan mga bagay na ini.

Juan 15:27

Kamo man magpapatotoo dapit sako, huli ta kaiba ko kamo poon pa sa kapinonan.

Juan 3:27

Sinabihan sinda ni Juan, “Mayo nin maaako an tawo pwera kan itatao saiya nin Dios.

Mga Gibo 1:8

Alagad maako kamo nin kapangyarihan pag-abot saindo kan Espiritu Santo asin kamo magigin mga saksi ko sa Jerusalem, sa bilog na Judea saka sa Samaria, sagkod sa mga poro kan kinaban.”

Mga Gibo 13:31

Pakatapos, sa laog nin dakul na aldaw nagpahiling siya sa mga nag-iriba saiya kaidto poon sa Galilea sagkod sa Jerusalem. Ngunyan, sinda an saiyang mga saksi sa mga tawo.

Mga Gibo 2:32

Huli ta binuhay liwat nin Dios si Jesus; mga saksi kami kaini.

Mga Gibo 3:15

asin ginadan nindo an Ginigikanan nin buhay. Alagad binuhay siya liwat nin Dios asin mga saksi kami kaini.

1 Corinto 12:28

Ibinugtak nin Dios sa simbahan, enot, an mga apostol; ikaduwa, an mga propeta; ikatolo, an mga paratukdo; dangan an naggigibo nin mga milagro; sunod an mga nagbobolong nin mga naghehelang, an mga nagtatabang, an mga lider, saka an mga may kakayahan na magtaram sa manlaen-laen na lengwahe.

2 Corinto 13:1

Ikatolong beses na ini ngunyan na madalaw ako diyan saindo. “An anoman na sumbong dapat na mapatotoohan nin duwa o tolong saksi,” sosog sa nasusurat.

Efeso 4:11

Siya an “nagtao nin mga balaog sa mga tawo.” An iba ginibo niyang apostol, an iba propeta, an iba ebanghelista, an iba mga pastor saka mga paratukdo.

Deuteronomio 17:6

Alagad gagadanon sana siya kun igwa nin duwa o tolo na magsaksi laban saiya; dai siya gagadanon kun saro sana an saksi.

Deuteronomio 19:15

“Kulang an saro sanang saksi tanganing makondenar an sarong tawo para sa ano man na krimen; duwa o tolong saksi an kaipuhan sa pagpatotoo na an tawo nagkasala.

Kapahayagan 1:5

asin hale ki Jesu-Cristo, an maimbod na saksi, na iyo an enot na binuhay liwat, saka iyo man an kagsakop kan mga hade sa kinaban. Namomotan kita ni Cristo. Sa paagi kan saiyang dugo, kinalda niya kita sa satong mga kasalan.

Kapahayagan 11:2

Alagad dai mo pagsukolon an patyo sa luwas kan templo, huli ta itinao na iyan sa mga pagano na matimak-timak kan Banal na Syudad sa laog nin kwarenta y dos na bulan.

Kapahayagan 11:6

An duwang saksing ini igwa nin kapangyarihan sa pagsera kan langit nganing dai mag-uran sa panahon kan saindang pagpropesiya. May kapangyarihan man sinda na gibohon dugo an tubig, saka pasakitan an kinaban nin gabos na klaseng peste anoman na oras na booton ninda.

Kapahayagan 12:6

Nagdulag an babae pasiring sa kalangtadan, sa lugar na inandam para saiya nin Dios tanganing atamanon siya duman sa laog nin mil dos syentos sesentang aldaw.

Kapahayagan 13:5

Tinugotan an hayop na mag-orgulyo saka maglanghad sa Dios, asin magkaigwa nin awtoridad sa laog nin kwarenta y dos na bulan.

Kapahayagan 19:10

Duminapa ako sa pamitisan niya sa pagsamba saiya, alagad sinaway niya ako, “Dai mo iyan paggibohon! Sorogoon man akong arog saimo, arog kan saimong mga tugang na nagdadanay sa katotoohan na ipinahayag ni Jesus. Sambahon mo an Dios!” Huli ta an katotoohan na ipinahayag ni Jesus iyo an buhay kan propesiya.

Kapahayagan 20:4

Dangan nakahiling ako nin mga trono. An mga nakatukaw duman iyo an tinawan nin kapangyarihan na maghukom. Nahiling ko man an mga kalag kan mga ginaradan huli kan saindang pagpatotoo dapit ki Jesus saka dapit sa tataramon nin Dios. Dai sinda nagsamba sa hayop o sa ladawan kaini; dai man sinda nagpabugtak kan marka kan hayop sa saindang mga angog o mga kamot. Nabuhay sinda dangan naghade kaiba ni Cristo sa laog nin sangribong taon.