Kapahayagan 10:1 - Marahay na Bareta Biblia

¹ Dangan nahiling ko an saro pang mapangyaring anghel na naghihilig hale sa langit. Napapatos siya nin panganoron, asin may bulalangaw sa palibot kan saiyang payo. An lalawogon niya nagliliwanag arog kan aldaw saka an mga tabay niya garo mga hariging kalayo.

Kapahayagan 10:1 Iomraidhean Croise

Salmo 104:3

Itinugdok mo an saimong harong sa ibabaw kan katubigan sa itaas. Ginamit mo an mga panganoron bilang karwahe, asin naglulunad ka sa mga pakpak kan doros.

Salmo 97:2

Panganoron asin kadikloman an nasa palibot niya; katanosan asin hustisya an mga pundasyon kan saiyang trono.

Exodo 16:10

Kan nagtataram si Aaron sa komunidad nin mga Israelita, sinda gabos nagkiriling sa kalangtadan asin bigla nindang nahiling sa panganoron an kamurawayan nin Kagurangnan.

Awit nin mga Awit 5:15

An saiyang hita siring sa hariging alabastros na namumugtak sa mga patungtongan na bulawan. Magayon siring sa mga Bukid nin Lebanon, na makukuahan kan haralangkaw na sedro.

Isaias 19:1

Iyo ini an mensahe dapit sa Egipto. Madatong sa Egipto an Kagurangnan lunad sa sarong marikas na panganoron; tatarakigan an mga ladawan nin Egipto asin mawawaraan nin kosog nin boot an mga Egipcio.

Isaias 54:9

“Kan panahon ni Noe ako nanuga na dai na nanggad magkakaigwa nin baha sa daga. Ngunyan nanunuga ako na dai na nanggad ako maaanggot saimo; dai ko na ika papadusahan.

Mga Panambitan 3:44

huli kan sarong mahibog na panganoron kaya dai nakakalagbas an samong mga pamibi.

Ezekiel 1:28

na igwa kan gabos na kolor kan bulalangaw. Iyo ini an nakakasulang liwanag na nagpapahiling kan kamurawayan nin Kagurangnan.

Daniel 10:6

An saiyang hawak nagkikinang siring sa sarong mahalagang bato. An saiyang lalawogon maliwanag siring sa kikilat, asin an saiyang mga mata naglalaad siring sa kalayo. An saiyang mga takyag saka mga tabay nagliliwanag siring sa pinakinang na bronse; nakakaagid sa ribok nin kadakul na tawo an saiyang tingog.

Daniel 7:13

Sa bisyon na ini sa pagkabanggi, nahiling ko an sarong garo tawo. Nagrarani siya sako, napapatos nin panganoron, asin nagduman siya sa danay na buhay, dangan ipinamidbid sa saiya.

Levitico 16:2

tinaraman nin Kagurangnan si Moises, “Sabihan mo an saimong tugang na si Aaron na magduman sa likod kan panlipod na kurtina, sa Kabanal-banaleng Lugar, sa talaan na panahon sana, huli ta duman ako nagpapahiling sa panganoron, sa ibabaw kan takop kan Kaban nin Tipan. Kun dai siya magsunod, magagadan siya.

Mateo 17:2

Kan idtoon na sinda, nahiling nindang naliwat si Jesus; nagliwanag siring sa aldaw an lalawogon niya, asin nagkintab sa kaputian an saiyang gubing.

Lukas 21:27

Dangan mahihiling ninda an Aki nin Tawo na maabot sa sarong panganoron na may kapangyarihan asin dakulang kamurawayan.

Mga Gibo 26:13

Alagad duman sa dalan, O Hadeng Agripa, odto kaidto, nakahiling ako nin liwanag hale sa langit na mas maliwanag pa ki sa aldaw. Makasusula an liwanag sa palibot mi.

Kapahayagan 1:7

Hilinga! Nagdadatong si Cristo na nasa panganoron! Mahihiling siya kan gabos maski kaidtong mga guminarod saiya. Gabos na tawo sa kinaban maghahaya dahel saiya. Mangyayari nanggad ini!

Kapahayagan 18:1

Pakatapos kaini, nakahiling naman ako nin sarong anghel na naghihilig hale sa langit. Dakula an saiyang kapangyarihan, asin an bilog na kinaban naliwanagan kan saiyang kamurawayan.

Kapahayagan 18:21

Dangan sarong makosog na anghel an nagpurot nin gapo na arog kadakula kan gapong gilingan saka itinapok idto sa dagat, dangan nagsabi, “Arog kaini kakosog an pagbagsak kan dakulang syudad nin Babilonia; dai na nanggad iyan mahihiling.

Kapahayagan 20:1

Dangan nahiling ko an sarong anghel na nag-iibaba hale sa langit, kapot an lyabe kan dai matugkad na kairaroman asin an sarong dakulang kadena.

Kapahayagan 4:3

An lalawogon kan nakatukaw sa trono nagliliwanag siring sa mahalagang batong haspe saka kornalina; sa palibot kan trono may bulalangaw na kakolor kan batong esmeralda.

Kapahayagan 5:2

Dangan nahiling ko an sarong mapangyaring anghel na naghahapot sa makosog na tingog, “Siisay an maninigong magtangkas kan mga selyo dangan magbukas kan libro?”

Kapahayagan 8:13

Dangan naghiling ako asin nadangog ko an sarong agila na nagtataram sa makosog na tingog, mantang naglalayog iyan sa kaitaasan, “Herak man! Herak man sa gabos na nag-eerok sa daga kun patanogon na an mga trompeta kan tolo pang anghel!”