Juan 9:8 - Marahay na Bareta Biblia

⁸ An mga kataraed niya saka an mga nakahiling saiya kaidto na nakikilimos nagharapotan, “Bakong iyo ini an buta na dating nakikilimos?”

Juan 9:8 Iomraidhean Croise

Markos 10:46

Nag-abot si Jesus sa Jerico kaiba an mga disipulo niya asin an dakul na tawo. Kan naghahale na sinda duman, naagihan ninda an sarong makilimos na buta na nagtutukaw sa gilid kan dalan; siya si Bartimeo na aki ni Timeo.

Lukas 1:58

Nabaretaan kan saiyang mga kataed asin mga kadugo an dakulang balaog na iwinaras saiya nin Kagurangnan asin nag-ogma sinda sa kaibahan niya.

Lukas 18:35

Mantang nagdadangadang si Jesus sa Jerico, may sarong lalaking buta duman na nakatukaw sa gilid kan tinampo, nakikilimos.

Juan 9:9

“Iyo.” An iba nagsabi, “Bako! Kalalawogon lang niya,” an sabi kan iba. Alagad nagsimbag an lalaki, “Ako an dating buta.”

Ruth 1:19

Kaya nagpadagos sa paglakaw an duwa sagkod na nakaabot sinda sa Betlehem. Pag-abot ninda duman, napangalas an bilog na banwaan asin nagsarabi an kababaehan, “Si Naomi kaya iyan?”

1 Samuel 2:8

Binubuhat niya an mga dukha hale sa alpog asin an mga nangangaipo hale sa tambak nin abo. Pinapatukaw niya sinda sa kaibahan nin mga prinsipe, asin ibinubugtak sa mga lugar na iginagalang. Huli ta an mga harigi kan kinaban sadiri nin Kagurangnan; asin sa ibabaw kaiyan itinugdok niya an kinaban.

1 Samuel 21:11

Sinabihan si Akis kan saiyang mga opisyal, “Bakong si David ini, an hade kan saiyang daga? Iyo ini an lalaking ipinag-aawit kan kababaehan, mantang sinda nagsasayaw, ‘Nakagadan si Saul nin rinibo, alagad nakagadan si David nin manampolong ribo.’”