Juan 9:41 - Marahay na Bareta Biblia

⁴¹ Nagsimbag si Jesus, “Kun kamo mga buta, dai kutana kamo nin kasalan. Alagad huli ta sinasabi nindong nakakahiling kamo, nangangahulugan iyan na nagkakasala kamo.”

Juan 9:41 Iomraidhean Croise

Mga Talinhaga 26:12

Igwa pa nin paglaom an sarong lolong ki sa tawong naghohona na siya madonong.

Isaias 5:21

Herak man sa mga naghohona na sinda madonong asin mga tuso nin marahay!

Jeremias 2:35

nagsasabi ka, ‘Mayo ako nin sala; siguradong mayo na an kaanggotan nin Kagurangnan sako!’ Alagad ako, an Kagurangnan, an mapadusa saimo huli ta pinagnenegaran mo na nagkasala ka.

Lukas 12:47

“An sorogoon na nakakaaram kan kabotan kan saiyang kagurangnan, alagad dai nag-andam o nagkuyog kaiyan, hahampakon nin makuri.

Lukas 18:14

Sinasabihan ko kamo na an lalaking idto mapuling matanos ki sa Fariseo. Huli ta an nagpapalangkaw, ibababa; alagad an nagpapakumbaba, ilalangkaw.”

Hebreyo 10:26

Huli ta kun padagos kita sa tuyong pagkakasala pakatapos na mamidbidan ta an katotoohan, mayo na nin anoman na sakripisyo na makakahale kan satong mga kasalan.

Santiago 4:17

An siisay man na tataong maggibo nin marahay alagad dai minagibo kaiyan, nagkakasala.