Juan 9:34 - Marahay na Bareta Biblia

³⁴ Sinimbag ninda siya, “Namundag kang makasalan, asin ngunyan boot mo kaming tukdoan?” Kaya pinahale siya ninda sa sinagoga.

Juan 9:34 Iomraidhean Croise

Genesis 19:9

Alagad nagsabi sinda, “Hale diyan! Dayuhan ka sana digdi asin mayo kang deretsong magsabi samo kaiyan. Hale diyan ta tibaad mas maraot pa an mangyari saimo ki sa mga bisita mo.” Itinuklang ninda si Lot tanganing gabaon an pinto.

2 Mga Cronica 25:16

Alagad sinabihan siya ni Amazias, “Kasuarin ka nagin parahatol kan hade? Mag-ontok ta, kun dai, ipapagadan taka!” Nag-ontok an propeta alagad ikinataram pa niya an siring, “Ngunyan aram ko nang nagdesisyon an Dios na gadanon ka, huli ta ginibo mo ini asin habo kang magdangog sa hatol ko.”

An Libro ni Job 14:4

Siisay an makakapaluwas nin malinig na bagay hale sa maati? Mayo nin siisay man.

An Libro ni Job 25:4

Paano, kun siring, magigin matanos an sarong tawo sa saiyang atubang? Paano magigin malinig an sarong namundag sa sarong babae?

Salmo 51:5

Uya, namundag ako sa kasombikalan; ipinangidam ako kan sakong ina sa kasalan.

Exodo 2:14

Nagsimbag an lalaki, “Siisay an nagbugtak saimo na magin samong pamayo asin hukom? Ano, gagadanon mo man ako arog kan ginibo mo sa Egipcio?” Natakot si Moises asin nagsaboot, “Aram na palan an ginibo ko.”

Mga Talinhaga 22:10

Palayasa an mahambog, asin mahahale man an diriskutiran, iriwal, sagkod an baransagan.

Mga Talinhaga 26:12

Igwa pa nin paglaom an sarong lolong ki sa tawong naghohona na siya madonong.

Mga Talinhaga 29:1

An tawong habong magdangog kun sinasaway, mahuhulog asin dai na makakabangon pag-abot kan panahon.

Isaias 65:5

Dangan minasabi sindang, ‘Magrayo kamo samo. Mga banal kami asin dai kami dapat na madutaan nindo!’ Dai ko maaako an mga tawong siring kaiyan—an sakong kaanggotan tumang sainda nakakaagid sa sarong kalayo na dai napapalsok.

Isaias 66:5

Dangoga nindo kun ano an sinasabi nin Kagurangnan, kamo na may pagkatakot asin nagkukuyog saiya: “Huli ta maimbod kamo sako, naoongisan kamo kan saindong mga kahimanwa asin isinisikwal. Pinag-oolog-olog kamo asin nagsasabi sinda, ‘Ipahiling logod nin Kagurangnan an saiyang kadakulaan asin iligtas kamo, tanganing mahiling mi kamo na nag-oogma.’ Alagad sinda man sana an mapapasopog!

Lukas 11:45

Nagsabi an saro kan mga abogado kan Katogonan, “Maestro, sa itinaram mong iyan, pati kami sinosopog mo!”

Lukas 14:11

Huli ta an siisay man na nagpapalangkaw, ibababa; an siisay man na nagpapakumbaba, ilalangkaw.”

Lukas 18:17

Sa katotoohan sinasabihan ko kamo, an siisay man na dai umako kan Kahadean nin Dios siring sa aking sadit, dai nanggad makakalaog diyan.”

Lukas 6:22

“Paladan kamo kun ikinakaongis kamo, isinisikwal, o minumuda nin mga tawo, asin pinapakaraot an ngaran nindo huli sa Aki nin Tawo!

Juan 6:37

Madolok sako an gabos na itinatao sako nin Ama. An siisay man na magdolok sako dai ko isisikwal,

Juan 8:41

Ginigibo nindo an ginibo kan saindong ama.” Nagsimbag sinda, “Bako kaming mga aki sa luwas. An Dios iyo an samong Ama.”

Juan 9:2

Hinapot siya kan mga disipulo, “Rabbi, siisay an nagkasala ta namundag na buta an tawong iyan, siya o an mga magurang niya?”

Juan 9:22

Ini an sinabi kan saiyang mga magurang huli sa takot sa mga Judio; huli ta pinagkaoroyonan na kan mga Judio na pahaleon sa sinagoga an siisay man na magpatotoong si Jesus iyo an Cristo.

Juan 9:35

Nabaretaan ni Jesus na pinahale sa sinagoga an lalaki. Kan matuparan siya ni Jesus, hinapot siya, “Minatubod ka sa Aki nin Tawo?”

Juan 9:40

Nadangog ini kan nagkapirang Fariseo sa harani niya, kaya hinapot ninda siya, “An boot mong sabihon buta man kami?”

Galacia 2:15

Totoo mananggad na namundag kitang Judio; dai kita namundag na inaapod “parakasalang pagano.”

Efeso 2:3

Kita gabos arog man sainda kaidto; sinunod ta an mga bisyo kan satong laman, an mga kamawotan kan satong hawak saka isip. Huli kaini, maninigo sato kaidto an makuring padusa nin Dios arog kan iba.

1 Pedro 5:5

Siring man, kamong mga hoben dapat magpasakop sa mga gurang saindo. Kamo gabos magpatarabang-tabang na may kapakumbabaan, huli ta nasasabi sa kasuratan, “Habo an Dios sa mga mapaabaw-abaw, alagad benebendisyonan niya an mga mapakumbaba.”

3 Juan 1:10

Kaya pagdiyan ko, ihahayag ko an gabos na ginigibo niya, an mga pagpakaraot niya sakuya. Bako sana iyan; dai pa niya inaako an mga tugang na minadiyan, asin inoolang pa niya an mga boot mag-ako sainda dangan isinisikwal sinda sa simbahan.

3 Juan 1:9

Nagsurat ako sa simbahan, alagad si Diotrefes, na boot midbidon na lider ninda, habong magmidbid kan sakong awtoridad.

Kapahayagan 13:17

Mayo nin siisay man na makakabakal o makakapabakal kun mayo siya kan markang ini na iyo an ngaran kan hayop o an numero kan ngaran kan hayop.