Juan 9:22 - Marahay na Bareta Biblia

²² Ini an sinabi kan saiyang mga magurang huli sa takot sa mga Judio; huli ta pinagkaoroyonan na kan mga Judio na pahaleon sa sinagoga an siisay man na magpatotoong si Jesus iyo an Cristo.

Juan 9:22 Iomraidhean Croise

Mga Talinhaga 29:25

An pagkatakot sa sasabihon kan ibang tawo iyo an mapahamak saimo, alagad an pagsarig sa Kagurangnan iyo an maligtas saimo.

Isaias 51:12

Nagsasabi an Kagurangnan, “Ako, ako an nagraranga saindo. Tadaw ta matatakot kamo sa kapwa nindo tawo, na magagadan man siring sa mga doot?

Isaias 51:7

“Pagdangog kamo, kamo na nakakaaram kan katanosan, kamo na an nasa puso iyo an sakong katogonan. Dai kamo matakot kun pagtuya-tuyaon asin pag-olog-ologon kamo nin katawohan;

Isaias 57:11

Nagsasabi an Kagurangnan, “Siisay an mga dios-dios na ini na natatakotan nindo, kaya nagibo nindong magputik sako asin malingawan ako? Dahelan daw an dai ko paggirong sa halawig na panahon kun kaya dai na nindo ako ginagalangan?

Lukas 6:22

“Paladan kamo kun ikinakaongis kamo, isinisikwal, o minumuda nin mga tawo, asin pinapakaraot an ngaran nindo huli sa Aki nin Tawo!

Juan 1:19

Sinugo kan mga Judiong nasa Jerusalem an mga padi asin mga Levita tanganing hapoton si Juan, “Siisay ka?”

Juan 16:2

Papahaleon kamo sa mga sinagoga; maabot nanggad an panahon na an siisay man na maggadan saindo maghohona na an gibong iyan sarong paglingkod sa Dios.

Juan 19:38

Pakatapos kaini, si Jose na taga Arimatea nakiolay ki Pilato na tugotan siyang kuahon an bangkay ni Jesus. (Si Jose disipulo ni Jesus, alagad hilom sana, huli ta natakot siya sa mga Judio.) Tinugotan siya ni Pilato, kaya nagduman siya dangan kinua an bangkay.

Juan 20:19

Pagkabanggi kan Domingo man sanang idto, nagtiripon an mga disipulo. Binaratan an mga pintoan kan harong na pinagtitiriponan ninda huli sa takot ninda sa mga Judio. Dangan naglaog si Jesus, puminatahaw sainda saka nagsabi, “Mapasaindo an katoninongan.”

Juan 7:13

Alagad mayo saindang nakapagtaram nin hayag dapit saiya, huli ta takot sinda sa mga Judio.

Juan 9:18

Alagad dai nagtubod an mga Judio na siya buta kaidto, kaya ipinaapod ninda an mga magurang niya.

Juan 9:21

Alagad dai mi aram kun tadaw ta nakakahiling na siya ngunyan, o kun siisay an nagpamuklat kan saiyang mga mata. Siya an hapoton nindo. Nasa edad na siya kaya tatao na siyang magsimbag!”

Juan 9:34

Sinimbag ninda siya, “Namundag kang makasalan, asin ngunyan boot mo kaming tukdoan?” Kaya pinahale siya ninda sa sinagoga.

Juan 9:35

Nabaretaan ni Jesus na pinahale sa sinagoga an lalaki. Kan matuparan siya ni Jesus, hinapot siya, “Minatubod ka sa Aki nin Tawo?”

Mga Gibo 4:18

Kaya inapod giraray an mga apostol dangan pinatanidan na dai na nanggad sinda magtukdo ni magtaram sa ngaran ni Jesus.

Mga Gibo 5:13

Mayo ni saro sa mga bakong paratubod an nangahas na makiiba sainda, maski iginagalang sinda kan mga tawo.

Mga Gibo 5:40

Ipinaapod ninda an mga apostol, ipinahampak saka pinatanidan na dai na nanggad magtaram sa ngaran ni Jesus. Pakatapos, pinahale sinda.

Kapahayagan 21:8

Alagad an mga matalaw, an mga parapasaluib, an mga maati an gibo, mga paragadan, mga marigsok, mga salamangkero, mga parasamba sa dios-dios, saka an gabos na putikon—sinda gabos ihuhulog sa danaw nin kalayo saka asupre, na iyo an ikaduwang kagadanan.”