Juan 8:32 - Marahay na Bareta Biblia

³² maaaraman nindo an katotoohan, asin an katotoohan an mapatalingkas saindo.”

Juan 8:32 Iomraidhean Croise

Salmo 119:45

Maglalakaw ako sa katalingkasan, huli ta hinanap ko an saimong mga katukdoan.

Salmo 25:5

Tukdoan mo akong maglakaw sa katotoohan, huli ta ika an Dios nin sakong kaligtasan; bilog na aldaw ika sakong linalaoman.

Mga Talinhaga 1:23

Kun hinanyogon nindo an sakong pagsagwe, itatao ko saindo an marahay na hatol asin ihihiras ko saindo an sakong naaaraman.

Mga Talinhaga 1:29

Huli ta naongis kamo sa pakaaram asin dai nindo pinili an pagkatakot sa Kagurangnan;

Mga Talinhaga 4:18

Alagad an dalan kan matanos arog kan liwanag nin kaagahon, na minaorog mantang nag-iitaas an aldaw.

Isaias 2:3

asin dakul na banwaan an maarabot saka magsasarabi: “Madya, magturukad kita sa bukid nin Kagurangnan sa harong kan Dios ni Jacob tanganing matukdoan niya kita kan saiyang mga paagi asin tanganing maglakaw kita sa saiyang mga dalan. Huli ta maluwas sa Sion an Katogonan, asin sa Jerusalem an tataramon nin Kagurangnan.”

Isaias 30:21

Kun kamo malagalag, sa too man o sa wala kan dalan, madadangog nindo an saiyang tingog sa likodan nindo na magsasabi saindong, “Uya an dalan. Sunoda ini.”

Isaias 35:8

Magkakaigwa nin sarong dalan duman na aapodon “An Dalan nin Kabanalan.” Mayo nin parakasala na mag-aagi sa dalan na iyan; mayo nin lolong na malagalag sa mga nagsusunod kan dalan na iyan.

Isaias 54:13

“Ako mismo an matukdo sa saimong mga namamanwaan, asin an matao nin kauswagan saka katoninongan.

Isaias 61:1

Nasa sako an espiritu kan Kagurangnan Dios, huli ta linahidan niya ako sa pagdara kan marahay na bareta sa mga dukha. Sinugo niya ako sa pagbolong kan mga nakukulogan an puso, sa pagpahayag nin katalingkasan sa mga bihag asin sa mga nasa bilanggoan.

Jeremias 6:16

Nagtaram an Kagurangnan sa saiyang banwaan, “Tumindog kamo sa pinagsasangahan kan mga dalan saka magmasid kamo. Maghapot kamo kun saen an suanoy na mga agihan asin kun arin an pinakamarahay na dalan. Diyan kamo maglakaw, asin mabubuhay kamo sa katoninongan.” Alagad nagsabi sinda, “Dai kami maagi diyan!”

Oseas 6:3

Hingowahon tang mamidbidan an Kagurangnan. Madolok nanggad siya sato siring na an bagong aldaw minasirang, siring na an uran minabaribi kan daga.”

Levitico 25:41

Pag-abot kan panahon na iyan, babayaan niya kamo asin ipag-iiba niya an saiyang mga aki tanganing magpuli sa saiyang pamilya saka sa pagsadiri kan saiyang mga ginikanan.

Malakias 4:2

Alagad sa saindo na nagkukuyog sa sako, masirang sa saindo arog kan aldaw an sakong nakakaligtas na kapangyarihan, asin magdadara iyan nin kaomayan arog kan saldang kan aldaw. Magigin talingkas asin maogma kamo siring sa mga ogbon nin baka na pinaluwas sa toril.

Mateo 11:29

Salongan nindo an sakong sakal asin mag-adal kamo sako, huli ta ako maboot asin mahuyo; asin makakakua kamo nin kapahingaloan.

Juan 1:14

An Tataramon nagin tawo asin nag-erok sa kaibahan nyato, pano nin biyaya saka katotoohan. Nahiling mi an saiyang kamurawayan, an kamurawayan na itinao saiya kan saiyang Ama bilang bugtong niyang Aki.

Juan 1:17

An Katogonan itinao nin Dios sa paagi ni Moises, alagad an biyaya asin katotoohan nag-abot sa paagi ni Jesu-Cristo.

Juan 14:6

Sinimbag siya ni Jesus, “Ako an dalan, an katotoohan asin an buhay; dai nin makakaduman sa Ama, kun bakong huli sako.

Juan 16:13

Pag-abot kan Espiritu nin katotoohan, tatabangan niya kamo nganing masabotan nindo an gabos na katotoohan. Dai siya magtataram sa sadiri niyang kabotan, kundi itataram niya saindo an saiyang nadadangog, saka ipapahayag saindo an mga bagay na maabot.

Juan 17:17

Pakabanalon mo sinda sa katotoohan; an tataramon mo katotoohan.

Juan 6:45

Nasusurat sa libro kan mga propeta, ‘Tutukdoan nin Dios an gabos na tawo.’ An nakadangog sa ama saka nakanood, minadolok sako.

Juan 7:17

Maiisihan nin siisay man na boot mag-otob kan ipinagboboot nin Dios, kun an itinutukdo ko hale sa Dios, o kun nagtataram ako sa sadiri ko sanang kabotan.

Juan 8:36

Kaya kun talingkasan kamo kan Aki, magigin kamong tunay na talingkas.

Roma 6:22

Ngunyan na talingkas na kamo sa kasalan asin nagin mga oripon nin Dios, nag-aako na kamo nin kabanalan na an bunga, buhay na mayong kataposan.

Roma 8:15

Huli ta dai nindo inako an espiritu nin kaoripnan tanganing matakot giraray kamo, kundi inako nindo an espiritu nin pagigin aki nin Dios, dangan sa paagi kan kapangyarihan kan Espiritu nin Dios, makakaapod kita saiya, “Ama, Ama ko!”

Roma 8:2

Huli ta an katogonan kan Espiritu, na nagtatao nin buhay sato dahel sa pakisumaro ki Cristo Jesus, nagkalda sako sa katogonan nin kasalan asin nin kagadanan.

1 Corinto 7:22

Huli ta an tawo na sarong oripon kan apodon nin Kagurangnan, saro nang talingkas na tawo sa Kagurangnan; siring man, an tawong talingkas kan siya apodon, oripon na ni Cristo.

Galacia 5:1

Tinawan kita nin katalingkasan ni Cristo tanganing magdanay kitang talingkas. Kaya mamuhay kamo siring sa mga tawong talingkas, saka dai na nanggad kamo magpaoripon.

Galacia 5:13

Mga tugang, inapod kamo na magin talingkas. Alagad dai nindo gibohon iyan na dahelan na magpadaog kamo sa mga kamawotan kan laman. Kundi magpatarabang-tabang kamo dahel sa pagkamoot.

2 Timoteo 3:7

mga babaeng naghihingowang makanood alagad dai nanggad makakamidbid kan katotoohan.

Santiago 1:25

Alagad an tawong nagsisiyasat kan totoong katogonan, na iyo an nagtatao nin katalingkasan, dangan danay na inaadalan iyan—na bako sanang paradangog na malilingawon kundi paragibo man—an siring na tawo bebendisyonan nin Dios sa saiyang gibo.

Santiago 2:12

Magtaram kamo asin maggibo bilang mga tawong huhukoman kan katogonan na iyo an nagtatao sato nin katalingkasan.

1 Pedro 2:16

Mamuhay kamo siring sa mga tawong talingkas; alagad dai nindo paggamiton an saindong katalingkasan sa paggibo nin maraot. Mamuhay kamo siring sa mga oripon nin Dios.

2 Juan 1:1

Surat hale sa Magurang— Para sa namomotan na Babae na pinili nin Dios asin sa saiyang mga aki, na namomotan kong tunay saka namomotan man kan gabos na nakakamidbid kan katotoohan,