Juan 8:2 - Marahay na Bareta Biblia

² Pagkaagang amay, nagbalik si Jesus sa Templo. Pinagtiriponan siya kan mga tawo; nagtukaw siya saka tinukdoan sinda.

Juan 8:2 Iomraidhean Croise

Parahulit 9:10

Sa bilog mong makakaya, gibohon mo an anoman na trabaho, huli ta mayo nin anoman na trabaho, kaisipan, pakaaram o kadonongan sa kinaban kan mga gadan, an lugar na saimong padudumanan.

Jeremias 25:3

“Sa laog nin beynte y tres na taon, magpoon kan ikatreseng taon kan paghahade sa Juda ni Josias na aking lalaki ni Amon sagkod sa aldaw na ini, nagtaram sako an Kagurangnan, asin dai ako nagpabaya sa pagsabi saindo kan itinaram niya. Alagad dai kamo naghinanyog.

Jeremias 32:33

Tinalikodan ninda ako asin maski padagos ko sindang tinutukdoan, dai sinda naghinanyog saka nag-adal.

Jeremias 44:4

Padagos kong sinugo saindo an mga propeta na sakong mga sorogoon. Sinabihan ninda kamo na dai nindo paggibohon an makauuyam na bagay na ini na ikinakaongis ko.

Mateo 26:55

Dangan sinabihan ni Jesus an mga tawo, “Kaipuhan pa daw na magdigdi kamong may darang mga espada saka mga pamakol na garo baga ako sarong bandido? Aroaldaw nasa Templo ako sa pagtukdo, alagad dai nindo ako dinakop.

Lukas 21:37

Nagtutukdo si Jesus sa Templo aroaldaw; pagkabanggi, minaduman siya sa pagpahingalo sa Bukid nin mga Oliba; duman na siya nagpapaaga.

Lukas 21:38

Amay pa aga-aga, minaduman an gabos na tawo sa Templo nganing magdangog saiya.

Lukas 4:20

Linukot ni Jesus an kasuratan, inuli sa nagtao saiya, dangan nagtukaw. An gabos na tawo duman sa sinagoga naghihiling saiya.

Lukas 5:3

Naglunad si Jesus sa sakayan na sadiri ni Simon saka pinakiolayan ini na an sakayan iharayo nin kadikit sa baybayon. Nagtukaw si Jesus sa sakayan saka nagtukdo sa mga tawo.

Juan 4:34

Sinabihan sinda ni Jesus, “An kakanon ko iyo an pag-otob kan kabotan kan nagsugo sako, asin an paghaman kan ipinagibo niya.

Juan 8:20

Sinabi ni Jesus an mga bagay na ini kan nagtutukdo siya sa Templo, harani sa lugar na namumugtakan kan lalagan kan limos. Mayong nangahas na magdakop saiya, huli ta dai pa nag-abot an saiyang oras.

Juan 8:3

Dangan may dinara saiya an mga paratukdo kan Katogonan asin an mga Fariseo na sarong babae na nadakop na nakikidorog sa bakong agom. Pinatindog ninda an babae sa tahaw,

Mga Gibo 5:21

Nagkuyog an mga apostol; pagkaagang amay, naglaog sinda sa Templo saka nagtukdo. Nag-abot an Halangkaw na Padi saka an mga kairiba niya, dangan ipinaapod niya an gabos na kamagurangan na Judio para sa sarong pagtiripon kan Konseho. Pakatapos, ipinakua ninda sa bilanggoan an mga apostol.