Juan 6:9 - Marahay na Bareta Biblia

⁹ “Igwa nin aking lalaki digdi na may limang tinapay na sebada asin duwang sira. Alagad gurano man iyan sa kadakul na tawong ini?”

Juan 6:9 Iomraidhean Croise

1 Mga Hade 4:28

An mga gobernador na ini nagpapadara man nin sebada asin dagami saen man ini kaipuhan, para sa mga kabayong pangkarwahe asin para sa mga hayop na pantrabaho.

2 Mga Hade 7:1

Nagsimbag si Eliseo, “Hinanyoga ining sinasabi nin Kagurangnan: ‘Sa aga, sa siring kaining oras, makakabakal ka sa Samaria nin tolong kilo kan pinakamarahay na trigo o anom na kilo nin sebada sa halagang sarong pedaso nin plata.’”

Salmo 147:14

Pinapatoninong niya an mga pagdolonan mo; marahay na trigo an ipinapakakan niya saimo.

Salmo 78:19

Nagtaram sinda tumang sa Dios asin nagsabi, “Makakatao daw an Dios nin kakanon sa desyerto?

Salmo 78:41

Dakul na beses binalo ninda an Dios, asin pinaanggot an Banal na Dios nin Israel.

Salmo 81:16

Alagad ipapakakan ko saindo an pinakamarahay na trigo asin babasogon ko kamo sa dugos na hale sa gapo.”

Ezekiel 27:17

Nakipagnegosyo saimo an Juda saka an Israel. An mga produkto mo rinibayan ninda nin trigo, dugos, lana nin oliba, saka mga pahamot.

Mateo 14:17

Alagad nagsabi sinda, “Igwa sana kita nin limang tinapay saka duwang sira.”

Mateo 16:9

Dai pa giraray kamo nakakasabot? Dai nindo nagigiromdoman an limang tinapay na ipinakakan ko sa limang ribo katawo? Pirang basket na tada an natipon nindo?

Markos 6:38

Hinapot sinda ni Jesus, “Pira an tinapay nindo diyan? Hilinga daw.” Kan hilingon ninda, nagsabi sinda, “Limang tinapay asin duwang sira.”

Markos 8:19

Kan baraakon ko an limang tinapay na ipinakakan sa limang ribo katawo, pirang basket an napano kan natada?” “Dose,” an simbag ninda.

Lukas 9:13

Alagad sinabihan sinda ni Jesus, “Tawe nindo sinda nin makakakan.” Alagad nagsabi sinda, “Igwa sana kita nin limang tinapay asin duwang sira, pwera sana kun magbakal kami nin kakanon para sa gabos na tawong ini.”

Juan 11:21

Sinabihan ni Marta si Jesus, “Kun yaon ka digdi, Kagurangnan, dai kutana nagadan an tugang ko!

Juan 11:32

Pag-abot ni Maria duman ki Jesus, nagluhod siya sa pamitisan niya saka nagsabi, “Kagurangnan, kun uya ka digdi, dai kutana nagadan an tugang ko!”

Juan 21:10

Sinabihan sinda ni Jesus, “Magdara kamo digdi nin nagkapirang sira na bago pa sana nindong madakop.”

Juan 21:13

Dangan nagrani si Jesus, kinua an tinapay saka itinao sainda. Siring man an ginibo niya sa sira.

Juan 21:9

Pakahawas ninda, nahiling ninda na may baga na duman, na may sira na idinadarang saka may tinapay.

Juan 6:11

Kinua ni Jesus an limang tinapay, nagpasalamat, dangan ipinanao sa mga tawo na nagtuturukaw duman. Siring man an ginibo niya sa duwang sira. Tinawan an gabos sagkod na boot pa ninda.

Juan 6:7

Nagsimbag si Felipe, “Maski sa halagang dos syentos na kwartang plata na kakanon, dai magkakanigo nganing makakakan an gabos na tawong ini dawa tigdirikit sana.”

2 Corinto 8:9

Aram nindo an biyaya ni Jesu-Cristo na satong Kagurangnan: maski siya mayaman, nagpakadukha siya dahel saindo, tanganing magin mayaman kamo sa saiyang kadukhaan.

Deuteronomio 32:14

Dakul na gatas itinao kan saindang mga baka asin kanding; napasainda an mga pinakamatabang karnero, baka saka kanding, an pinakamarahay na trigo, sagkod an pinakapiling arak.

Deuteronomio 8:8

daga na matao nin trigo asin sebada, nin mga ubas, higera, granada, oliba sagkod dugos.

Kapahayagan 6:6

Nakadangog ako nin garo tingog na hale sa tahaw kan apat na buhay na linalang na nagsabi, “Sarong takad na trigo sana an mababakal kan sarong aldaw na tandan; tolong takad na sebada sana an mababakal kan sarong aldaw na tandan. Alagad dai mo pagraoton an tanoman nin oliba saka tanoman nin ubas!”