Juan 5:6 - Marahay na Bareta Biblia

⁶ Nahiling siya ni Jesus; aram niya na haloy nang naghihigda duman an lalaki. Hinapot ini ni Jesus, “Boot mong marahay?”

Juan 5:6 Iomraidhean Croise

Salmo 142:3

Kun maluya na an sakong espiritu, aram niya an gigibohon ko. Sa dalan na sakong pinaglalakawan, igwang itinagong litag para sako an sakong mga kaiwal.

Isaias 65:1

Nagsabi an Kagurangnan, “Andam ako kaidto sa pagsimbag kan mga pamibi nin sakong banwaan, alagad dai sinda namibi. Andam ako kaidto na makua ninda ako, alagad dai man lamang sinda naghingowang hanapon ako. Dai namibi sa sako an nasyon, maski andam ako sa pagsimbag nin, ‘Uya ako; tatabangan ko kamo.’

Jeremias 13:27

Nahiling niya na ginigibo mo an mga bagay na kinakaongisan niya. Nahiling niya na nagduduman ka sa kabubuldan asin sa kaomahan sa pagsunod sa mga paganong dios-dios, arog sa sarong lalaki na nagmamawot sa agom kan saiyang kapwa, patin arog sa sarong lalaking kabayo na naghihirihiri kun nahihiling an babaeng kabayo. Herak man saimo, Jerusalem! Nuarin ka magigin malinig nanggad?

Lukas 18:41

“Ano an boot mong gibohon ko para saimo?” “Kagurangnan, boot kong makahiling,” an simbag niya.

Juan 21:17

Ikatolong beses na hinapot siya ni Jesus, “Simon, aki ni Juan, namomotan mo ako?” Namondo si Pedro huli ta hinapot siya ni Jesus nin ikatolong beses kun namomotan niya siya, kaya sinabihan niya si Jesus, “Kagurangnan, aram mo an gabos; aram mong namomotan taka!” Sinabihan siya ni Jesus, “Pakakana an sakong mga karnero.

Juan 5:5

Yaon duman an sarong lalaki na treynta y otsong taon nang naghehelang.

Juan 5:7

Nagsimbag an naghehelang, “Mayo nin mabuntog sako pakahiroa kan tubig; pagrani ko igwa na nin naeenot sako.”

Hebreyo 4:13

Mayong matatago sa Dios. An gabos na bagay hayag na nahihiling niya. Saiya kita gabos matao nin kwenta kan satong mga gibo.

Hebreyo 4:15

An satong Halangkaw na Padi bako idtong dai nakakamate kan satong mga kaluyahan, huli ta siya mismo nagtios kan gabos na klase nin sogot arog sato, alagad dai siya nagkasala.