Juan 4:5 - Marahay na Bareta Biblia

⁵ Nag-abot siya sa Sicar, sarong banwaan nin Samaria. Harani ini sa dagang ipinamana ni Jacob sa aki niyang si Jose.

Juan 4:5 Iomraidhean Croise

Genesis 33:19

Binakal niya sa mga kapagarakian ni Hamor, na ama ni Shekem, an dagang pinatindogan niya kan saiyang kampo sa halagang sanggatos na pedaso nin plata.

Genesis 48:22

Itatao ko saimo, asin bako sa mga tugang mo, an Shekem, an matubang na daga na sakong kinua sa mga Amoreo sa paagi kan sakong espada asin pana.”

1 Mga Hade 13:32

Mapapatotoohan an mga tataramon na, sa pagboot nin Kagurangnan, sinabi niya laban sa altar sa Betel asin laban sa gabos na altar na pagsasambahan sa mga banwa nin Samaria.”

Lukas 9:52

May mga sinugo siya na mag-enot saiya duman sa sarong baryo sa Samaria nganing andamon an gabos para saiya.

Juan 4:12

Mas dakula ka pa daw ki Jacob na samong ginikanan na iyo an nagtao samo kan bubon na ini? Nag-inom siya digdi asin an saiyang mga aki saka an saiyang mga hayop.”

Juan 4:39

Dakul na Samaritano sa banwaan na idto an nagtubod ki Jesus huli ta an babae nagsabi, “Sinabi niya sako an gabos kong naginibo.”

Juan 4:6

Yaon duman an bubon ni Jacob. Huli ta pagal si Jesus sa pagbaklay, nagtukaw siya sa gilid kan bubon. Mag-aalas dose na nin odto.

Juan 4:8

Mayo duman an saiyang mga disipulo huli ta nagbakal nin kakanon sa banwaan.)

Josue 24:32

An mga tolang ni Jose, na dinara kan mga Israelita paghale ninda sa Egipto, ilinubong ninda sa Shekem, sa dagang binakal ni Jacob sa mga aki ni Hamor, an ama ni Shekem, sa kantidad na sanggatos na pedasong plata. An dagang ini minana kan kapagarakian ni Jose.