Juan 4:36 - Marahay na Bareta Biblia

³⁶ An siisay man na nag-aani tatandanan; tinitipon niya an mga inani para sa buhay na daing kataposan. Kaya parehong maogma an paratanom saka an paraani!

Juan 4:36 Iomraidhean Croise

Mga Talinhaga 11:18

Mayong marahay na makukua an maraot na tawo, alagad an nagtatanom nin katanosan magkakamit nin marahay na balos.

Mga Talinhaga 11:30

Buhay an itinatao kan katanosan, alagad kagadanan an dara kan kadahasan.

Daniel 12:3

An mga madonong na lider magliliwanag siring sa panganoron, asin an mga nagtukdo sa mga tawo na maggibo kan tama magliliwanag sagkod lamang siring sa mga bitoon.”

Mateo 19:29

An siisay man na nagbaya kan saiyang pamilya o mga tugang na babae asin lalaki, ama saka ina, mga aki o mga rogaring dahel sako, maako nin labi pa sa sanggatos na doble, asin magmamana kan buhay na daing kataposan.

Juan 3:36

An nagtutubod sa Aki may buhay na daing kataposan; alagad an dai nagtutubod sa Aki dai magkakamit nin buhay, kundi mapapasaiya an padusa nin Dios.

Juan 4:14

alagad an siisay man na uminom kan tubig na itatao ko, dai na nanggad mapapaha. Huli ta an tubig na itatao ko magigin sarong burabod na magtatao saiya nin buhay na daing kataposan.”

Juan 5:24

“Sa katotoohan sinasabihan ko kamo, an nagdadangog kan mga tataramon ko, asin nagtutubod sa nagsugo sako, igwa nin buhay na daing kataposan. Dai na siya huhukoman kundi nahale na siya sa kagadanan pasiring sa buhay.

Roma 1:13

Mga tugang, boot kong ipaaram saindo na dakul na beses ko nang pinagmawot na madalaw kamo, alagad sagkod ngunyan dai nalalawos. Boot kong makaani nin mga paratubod diyan saindo, arog kan ginibo ko sa ibang lugar kan mga pagano.

Roma 2:7

An mga tawong padagos na naggigibo nin marahay, saka naghahanap nin kamurawayan, nin kaomawan asin buhay na daing kagadanan, tatawan nin Dios nin buhay na daing kataposan.

Roma 6:22

Ngunyan na talingkas na kamo sa kasalan asin nagin mga oripon nin Dios, nag-aako na kamo nin kabanalan na an bunga, buhay na mayong kataposan.

Roma 6:23

Huli ta an kabayadan nin kasalan iyo an kagadanan; alagad an regalo nin Dios iyo an buhay na mayong kataposan ki Cristo Jesus na satong Kagurangnan.

1 Corinto 9:17

Kun gibohon ko ini sa sadiri ko sanang kabotan, maglalaom akong bayadan; alagad ginigibo ko ini bilang pag-otob sa katongdan na itinao sako nin Dios.

1 Corinto 9:18

Kun siring, ano an balos sako? Na ikapaghulit ko an Marahay na Bareta na mayong bayad asin dai ko paggamiton an gabos kong deretso sa paghulit kaiyan.

1 Tesalonica 2:19

Kamo, na samong paglaom asin kaogmahan, an dahelan kan pag-oorgulyo mi kan kapangganahan sa atubang ni Jesu-Cristo na satong Kagurangnan pagbalik niya.

1 Timoteo 4:16

Ingatan mo an saimong gibo saka pagtukdo. Padagosa an paggibo kan mga bagay na ini, huli ta sa siring na gibo makakaligtas ka sagkod an mga nagdadangog saimo.