Juan 3:23 - Marahay na Bareta Biblia

²³ Si Juan nagbubunyag man sa Enon, na harani sa Salim, huli ta matubig sa lugar na idto. Nagduman saiya an mga tawo asin binunyagan niya sinda. (

Juan 3:23 Iomraidhean Croise

Genesis 33:18

Sa saiyang pagpuli hale sa Mesopotamia, nakaabot si Jacob sa syudad nin Shekem, sa daga nin Canaan. Nagkampo siya sa sarong oma na harani sa syudad.

Jeremias 51:13

An nasyon na idto igwa nin kadakul na salog saka kayamanan, alagad nag-abot na an saindang kataposan; sagkod na sana diyan an saindang buhay.

Ezekiel 19:10

An saimong ina arog sa sarong tinanom na ubas, na itinanom sa tampi nin sapa. Huli ta dakul an tubig, an tinanom nagin madahon saka mabunga.

Ezekiel 43:2

Dangan nahiling kong nagdadangadang hale sa sirangan an kamurawayan kan Dios nin Israel. An tingog nin Dios nakakaarog sa hagubohob kan dagat, asin an daga nagliwanag huli kan saiyang kamurawayan.

Lukas 3:7

Kadakul na tawo an nagdolok ki Juan nganing magpabunyag. Sinabihan niya sinda, “Mga rimoranon! Siisay an nagsabi saindo na makakadulag kamo sa maabot na padusa nin Dios?

Juan 3:22

Pakatapos kaini, nagduman si Jesus asin an saiyang mga disipulo sa probinsya nin Judea. Nag-erok siya duman nin dikit na panahon kaiba ninda, saka nagbunyag.

Juan 3:24

Nangyari ini kan dai pa nabibilanggo si Juan.)

Kapahayagan 1:15

An saiyang mga bitis nagsisilyab arog kan bronseng tinunaw sa kalayo saka pinakintab; an saiyang tingog makosog arog kan hinagawak kan busay.

Kapahayagan 14:2

Nadangog ko an sarong tingog hale sa langit na an ribok garo hinagawak nin busay, saka garo makosog na daguldol. An tingog na nadangog ko garo tugtog nin mga arpista.

Kapahayagan 19:6

Dangan nakadangog ako nin ribok na garo tingog kan kadakul na tawo, na garo hinagawak nin dakulang busay saka garo makosog na daguldol. Nadangog ko sindang nagtataram, “Pag-omawon an Dios, huli ta naghahade an Kagurangnan, an satong Dios na Makakamhan!

1 Samuel 9:4

Nalibot ninda an mabulod na daga nin Efraim asin an daga nin Salisa, alagad dai ninda nakua an mga asno; kaya nagpadagos sinda sa daga nin Saalim, alagad mayo man duman an mga asno. Dangan naghanap sinda sa daga ni Benjamin, alagad dai man ninda nakua duman.