Juan 3:21 - Marahay na Bareta Biblia

²¹ Alagad an siisay man na naggigibo kan katotoohan minadolok sa ilaw, tanganing mahayag an saiyang mga gibo sosog sa kabotan nin Dios.

Juan 3:21 Iomraidhean Croise

Salmo 119:105

Ilaw para sa mga bitis ko an saimong tataramon, asin sarong liwanag para sa sakong agihan.

Salmo 119:80

Logod bulahos kong kuyogon an saimong mga kabotan, tanganing dai ako mamugtak sa kasopogan!

Isaias 26:12

Papauswagon mo kami, Kagurangnan; an gabos na samong nahahaman iyo an bunga kan saimong ginibohan.

Isaias 8:20

Simbagon nindo sinda nin, “Dangoga an itinutukdo saindo nin Kagurangnan! Dai kamo magdangog sa mga nakikiolay sa mga gadan—dai magbubunga nin marahay an sasabihon ninda saindo.”

Oseas 14:8

An banwaan nin Israel dai na nanggad magsasamba sa mga dios-dios; sisimbagon ko an saindang mga pamibi asin aatamanon ko sinda. Arog sa sarong marambong na kahoy lilindongan ko sinda; ako an gigikanan kan gabos nindang biyaya.”

Juan 1:47

Nahiling ni Jesus si Natanael na nagdadangadang, asin nagsabi siya, “Uya an tunay na Israelita na mayo nin pagsagin-sagin!”

Juan 3:20

An siisay man na naggigibo nin maraot naoongis sa ilaw. Dai siya minadolok sa liwanag tanganing dai mailawan an mga maraot niyang gibo.

Juan 5:39

Pinag-aadalan nindo an mga Kasuratan, huli ta naghohona kamong diyan makukua an buhay na daing kataposan. An mismong mga kasuratan an nagpapatotoo dapit sako!

Juan 7:17

Maiisihan nin siisay man na boot mag-otob kan ipinagboboot nin Dios, kun an itinutukdo ko hale sa Dios, o kun nagtataram ako sa sadiri ko sanang kabotan.

1 Corinto 15:10

Alagad huli kan biyaya nin Dios sako nagin siring ako kaini ngunyan, asin an biyaya niya sako dai nasayang. Sa katotoohan, nagtrabaho ako nin mas maigot ki sa ibang mga apostol, maski ngani bako mananggad ako an naggigibo, kundi an biyaya nin Dios na nasa sako.

2 Corinto 1:12

An ipinag-oorgulyo mi iyo ini: nagpapatotoo an samong konsyensya na namuhay kaming banal saka mayo nin pagsagin-sagin digdi sa kinaban, asin orog na sa pakiiba saindo, bakong huli sa kinabanon na kadonongan kundi huli sa biyaya nin Dios.

Galacia 6:8

An nagtatanom sa oma nin mga kamawotan sa laman, maani nin kagadanan; an nagtatanom sa oma nin Espiritu, maani nin buhay na daing kataposan.

Efeso 5:9

huli ta an bunga nin liwanag makukua sa lambang karahayan, katanosan, saka katotoohan.

Filipos 1:11

Mapapano an buhay nindo kan mga bunga nin katanosan na minaabot huli ki Jesu-Cristo, sa kamurawayan asin sa kaomawan nin Dios.

Filipos 2:13

huli ta nagtatrabaho saindo an Dios tanganing mawoton asin gibohon nindo an saiyang katuyohan.

Colosas 1:29

Huli kaini nagtatrabaho ako nin maigot sa tabang kan kapangyarihan ni Cristo.

Hebreyo 13:21

Itao logod saindo kan Dios nin katoninongan an gabos na marahay na bagay tanganing magibo nindo an saiyang kabotan; huli ki Jesu-Cristo, gibohon logod niya sato an makakapaogma saiya. Pag-omawon si Cristo sagkod pa man! Amen.

1 Pedro 1:22

Ngunyan na malinig na an saindong buhay huli sa pagkuyog kan katotoohan, dangan igwa na kamo nin tunay na pagkamoot sa kapwa nindo mga paratubod, magkaminorootan kamo nin tudok sa puso.

1 Juan 1:6

Kaya kun sinasabi ta na nakikisumaro kita saiya, alagad namumuhay kita sa kadikloman, nagpuputik kita sa satong pagtaram saka sa satong gibo.

3 Juan 1:11

Namomotan kong Gayo, dai mo pag-arogon an maraot, kundi arogon mo an marahay. An siisay man na naggigibo nin marahay sadiri nin Dios; an siisay man na naggigibo nin maraot dai nakahiling sa Dios.

Kapahayagan 3:15

Aram ko an saimong mga ginigibo; aram ko na bako kang malipot o mainit. Marahay pa logod kun malipot ka o mainit!