Juan 3:20 - Marahay na Bareta Biblia

²⁰ An siisay man na naggigibo nin maraot naoongis sa ilaw. Dai siya minadolok sa liwanag tanganing dai mailawan an mga maraot niyang gibo.

Juan 3:20 Iomraidhean Croise

2 Samuel 13:9

Kinua ni Tamar an kawali dangan an laog kaini ibinugtak niya sa atubang ni Amnon, alagad habong magkakan si Amnon. Nagsabi siya, “Pahalea digdi an gabos.” Kaya nagharale sinda.

1 Mga Hade 22:8

Nagsimbag si Ahab, “Igwa pa nin saro, si Micaias na aking lalaki ni Imla. Alagad kinakaongisan ko siya, huli ta mayo lamang siya nin marahay na propesiya manongod sako; danay na maraot na bagay an saiyang propesiya.” “Dai ka magsabi kaiyan!” an simbag ni Jehosafat.

1 Mga Hade 3:20

Nagbangon siya sa kamatangaan nin banggi, kinua an sakong aki sa kataed ko mantang torog ako, asin dinara sa saiyang higdaan; ibinugtak niya sa kataed ko an gadan na niyang aki.

Salmo 50:17

Habo kang sagweon; tinalikodan mo an mga pagboot ko.

Mga Talinhaga 1:29

Huli ta naongis kamo sa pakaaram asin dai nindo pinili an pagkatakot sa Kagurangnan;

Mga Talinhaga 15:12

An mahambog na tawo habong pagsawayon; dai nanggad siya naghahagad nin hatol sa sarong madonong.

Mga Talinhaga 16:30

Mag-ingat sa tawong pangisingisi saka pakorokimlat saimo; igwa siyang iniisip na maraot.

Mga Talinhaga 2:13

mga tawong nagbabaya kan matanos na pamumuhay tanganing mamuhay sa kadikloman nin kasalan,

Mga Talinhaga 4:18

Alagad an dalan kan matanos arog kan liwanag nin kaagahon, na minaorog mantang nag-iitaas an aldaw.

Mga Talinhaga 5:12

Masabi kamo, “Tadaw ta ikinaongis ko an saindang mga hatol? Tadaw ta isinikwal ko an saindang mga pagsagwe?

Jeremias 9:6

Sunod-sunod na kadahasan an ginigibo ninda, asin an gibo nindang pandadaya mayo nin kataposan. An Kagurangnan nagsasabi na isinisikwal siya kan saiyang banwaan.

Lukas 11:45

Nagsabi an saro kan mga abogado kan Katogonan, “Maestro, sa itinaram mong iyan, pati kami sinosopog mo!”

Juan 3:21

Alagad an siisay man na naggigibo kan katotoohan minadolok sa ilaw, tanganing mahayag an saiyang mga gibo sosog sa kabotan nin Dios.

Juan 7:7

Dai kamo ikakaongis kan kinaban, alagad ikinakaongis ako, huli ta pinapatotoohan ko an mga maraot na gibo kan kinaban.