Juan 20:9 - Marahay na Bareta Biblia

⁹ Dai pa ninda nasabotan an kasuratan na nagsasabing dapat siyang mabuhay liwat.)

Juan 20:9 Iomraidhean Croise

Salmo 16:10

huli ta dai mo ako itinatao sa kagadanan, asin an saimong namomotan dai mo pinapabayaan sa lulubngan.

Salmo 22:15

Siring sa mamarang alpog halonan ko naaalang; dila ko nakadukot sa sakong ngaragngag. Hinutad mo ako sa alpog nin kagadanan.

Isaias 25:8

Hahalonon nin Kagurangnan Dios an kagadanan sagkod pa man, asin papahidon niya an mga luha sa gabos na lalawogon patin hahaleon niya an kasosopgan na tinios kan saiyang banwaan sa bilog na kinaban. An Kagurangnan an nagtaram!

Isaias 26:19

Mabubuhay giraray an samong mga gadan! Mabangon an saindang mga hawak. Mamata asin maawit sa kaogmahan an mga nagkakatorog sa saindang lulubngan. Siring na pinapaogma kan ambon an mamarang daga, bubuhayon man nin Kagurangnan an haloy nang nagkagaradan.

Oseas 13:14

Dai ko ililigtas an banwaan na ini sa kinaban kan mga gadan o sa kapangyarihan nin kagadanan. Kagadanan, padagosa an pagpapasakit mo! Kinaban kan mga gadan, padagosa an panggagaba mo! Dai ko na nanggad maheherakan an banwaan na ini.

Mateo 22:29

Nagsimbag si Jesus, “Sala nanggad kamo! Huli ta dai nindo nasasabotan an mga Kasuratan ni an kapangyarihan nin Dios.

Lukas 24:26

Bakong kaipuhan na magtios ngona an Cristo kan mga bagay na ini bago siya maglaog sa saiyang kamurawayan?”

Lukas 9:45

Alagad dai ninda nasabotan an kahulogan kaini. Dai ini ipinaliwanag sainda tanganing dai ninda masabotan. Takot man sindang maghapot saiya kun ano an kahulogan kan sinabi niya.

Juan 2:22

Kaya kan buhayon siya liwat, naromdoman kan saiyang mga disipulo na nagsabi siya kaini, kaya nagtubod sinda sa kasuratan saka sa mga sinabi sainda ni Jesus.

Mga Gibo 17:3

Nagpaliwanag siya saka nagpatunay sa mga tawo na an Cristo kaipuhan na magtios, magadan, dangan mabuhay liwat. Ini an sabi ni Pablo, “An Jesus na ini na ibinabareta ko saindo, iyo an Cristo.”

Mga Gibo 2:24

Alagad binuhay siya liwat nin Dios. Pinatalingkas siya sa kapangyarihan nin kagadanan, huli ta imposibleng masa kapangyarihan siya nin kagadanan.

1 Corinto 15:4

na ilinubong siya saka binuhay liwat sa ikatolong aldaw, siring sa nasasabi sa mga Kasuratan;