Juan 20:16 - Marahay na Bareta Biblia

¹⁶ Nagsabi si Jesus, “Maria!” Nag-atubang siya ki Jesus dangan nagsabi sa tataramon na Hebreyo, “Rabboni!” (An kahulogan kaini, “Maestro.”)

Juan 20:16 Iomraidhean Croise

Genesis 22:1

Pakatapos kaini, binalo nin Dios si Abraham. Inapod niya ini, “Abraham!” “Uya ako,” an simbag kaini.

Genesis 22:11

Alagad, hale sa langit, inapod siya kan anghel nin Kagurangnan, “Abraham, Abraham!” “Uya ako,” an simbag niya.

Genesis 45:12

Nagsabi pa si Jose, “Ngunyan nahihiling nindo, asin nahihiling mo man, Benjamin, na ako mananggad si Jose.

Exodo 3:4

Kan mahiling nin Kagurangnan na nagrarani si Moises, nag-apod siya hale sa tahaw kan nagkakalayong tinanom, “Moises! Moises!” “Uya ako,” an simbag ni Moises.

Exodo 33:17

Nagtaram an Kagurangnan ki Moises, “Gigibohon ko an sinabi mo, huli ta nawiwilihan taka asin midbid takang gayo.”

Awit nin mga Awit 3:4

Pakabayae ko sainda, nakua ko siya. Kinapotan ko siya asin dai ko binutasan sagkod na madara ko siya sa harong nin sakong ina, sa kwarto na sakong namundagan.

Awit nin mga Awit 5:2

Maski nagtotorog ako, mata an sakong puso. Nangatorogan akong nagtoktok sa pintoan an sakong namomotan. Palaoga ako, sakong namomotan, sakong pagkamoot, sakong salampati. Dumog an sakong payo kan ambon, asin an sakong buhok kan tonog nin kabanggihon.

Isaias 43:1

Israel, an Kagurangnan na naglalang saimo nagsabi, “Dai ka matakot—ililigtas taka. Inapod taka sa saimong ngaran—sadiri taka.

Mateo 14:27

Alagad nagtaram tolos si Jesus sainda, “Ako ini! Dai kamo matakot! Pakosoga an saindong boot!”

Markos 10:51

Hinapot siya ni Jesus, “Ano an boot mong gibohon ko para saimo?” Nagsimbag an buta, “Maestro, boot kong makahiling.”

Lukas 10:41

Alagad sinimbag siya kan Kagurangnan, “Marta, Marta, nasisibot ka asin nahahadit dapit sa dakul na bagay,

Juan 1:38

Pagsalingoy ni Jesus, nahiling niyang nagsusunod sinda saiya, kaya hinapot niya, “Ano an hinahanap nindo?” Nagsimbag sinda, “Rabbi (na an boot sabihon Maestro), saen ka nag-eerok?”

Juan 1:49

Nagsabi si Natanael, “Rabbi, totoong ika an Aki nin Dios! Ika an Hade nin Israel!”

Juan 10:3

Binubuksan kan bantay an pintoan para sa pastor na an tingog midbid kan mga karnero. Inaapod niya an ngaran kan mga karnero dangan ginigiyahan niya pagluwas sa toril.

Juan 11:28

Pakasabi kaini ni Marta, nagpuli siya. Inapod niya si Maria saka hininghingan, “Nag-abot na an Maestro asin hinahanap ka.”

Juan 13:13

“Inaapod ako nindong Maestro asin Kagurangnan. Tama kamo, huli ta iyo mananggad ako.

Juan 20:28

Nagsabi si Tomas, “Kagurangnan ko asin Dios ko!”

Juan 3:2

Sarong banggi, nagduman siya ki Jesus saka nagsabi, “Rabbi, aram nyamo na saro kang paratukdo na sinugo nin Dios, huli ta mayo nin siisay man na makakagibo kan mga milagrong ginigibo mo kun mayo saiya an Dios.”

Juan 5:2

Duman sa Jerusalem, sa may Trangkahan kan Karnero, igwa nin sarong tangke nin tubig na sa Hebreyo inaapod Betesda. Igwa ini nin limang balkon.

Juan 6:25

Kan makua ninda si Jesus sa ibong kan danaw, hinapot siya ninda, “Rabbi, kasuarin ka pa digdi?”

Mga Gibo 10:3

Sarong hapon, mag-aalas tres na kaidto, nagkaigwa siya nin bisyon: malinaw niyang nahiling an sarong anghel nin Dios na naglaog sa namumugtakan niya dangan nag-aapod saiya, “Cornelio!”

Mga Gibo 9:4

Nahulog siya sa kabayo asin nadangog niya an sarong tingog na nagsasabi saiya, “Saulo, Saulo! Tadaw ta pinapasakitan mo ako?”

1 Samuel 3:10

Nag-abot an Kagurangnan, nagtindog duman, asin nag-apod arog kan enot, “Samuel! Samuel!” Nagsimbag si Samuel, “Magtaram ka, huli ta naghihinanyog an saimong sorogoon.”

1 Samuel 3:6

Inapod giraray nin Kagurangnan si Samuel. Nagbangon siya, nagduman ki Eli dangan nagsabi, “Inapod mo po ako, asin uya ako.” Alagad nagsimbag si Eli, “Dai taka inapod, aki ko; magbalik ka sa saimong higdaan.”